Татьяна Иванова, Помар сола
Ирӹ жерӓ алыкым шыпшалеш,Шӧртньӹ шерлӓ вазын ире лыпш.
Мардеж ыжар шуды доно мадеш,
Шӓрлӓ йӹрӹм-вӓш пеледӹш пыш.
Шӹргӹ шайыц кечӹ олен лӓктеш,
Кӓнӹшӹ мӱлӓндӹм ниӓлтӓл.
Шӱӓлгӓлӹн ире вӹдӓн йӓреш,
Тӹгӹр вашт анжалеш йӹралтӓл.
Кеквлӓ мырат, ирӹ жерӓм мактен,
Сӹлнӹ юк рӹшкӓлтеш йӹрӹм-вӓш.
Пӹлгом, кловой сӹн доно валгалтын,
Толшаш кечӹм йӓмдӹ лиӓш вӓш.
Пишок сӹлнӹн кӓнгӹж ирок шачеш,
Ире юж дон шӱлен, ак тем шӓр.
Цӓшӓн кечӹ лиэш тек тагачы,
Пуры ирок, туан шачмы вӓр!
"Ирӹ жерӓ"... Тиштӹ Татьяна Иванова кӹрӓт туан мары шамаквлӓ доно кӓнгӹж ирӹ жерӓ лӓкмӹм мӓлӓннӓ анжыкта.Ай-яй, кыце мыштен сирен шӹндӹмӹ, кыце чыкатан шамаквлӓ вӓрӓн вӓрӹштӹ пидӹн шӹндӹмӹ ылыт. Анжок вара, махань сӹлӹышая мастар техень цӱдӓ лыдышым сирен пуэн.
ОтветитьУдалить