КӸЧӒЛӒМ КӰМ

Пал Генай, Йынгы-Кушыргы

Кӱм* дон кычен кӹлӹм

Марла шӱлен ӹлем

Токыдажы миэн

Тоцда мӓгрен шӹлӓм

Сыравачым шырен -

Руш лош марла пырем...

Амасада чӱчӹлтӹн

Марын рушла йӱкшӹлтӹн

Вырсыш кен руш верц

Пуштынат тӹшец

Ӹшкежӓт пуштмы киӓ

Шим мешӓкеш миӓ

Кырык марын эргӹ

Кӱлӓн ӓнят шергӹ...

Сӹнзӓш симсӹ чиӓ

Сӹнзӓвӹд мыч миӓ

Сар ныр вӹлвец ирӹк

Симсӹн куза ирок

Йамеш кошкен-керген

Шун лош вацшы эргӹ

Шӓржӹ йакшар вӹрӓн

Йакшар шунан йӹрӓн

Кечӹ нӱшмӹм таен

Млоец кӓпӹм ӓен

Вес и цӹрем шелеш

Сары дон симсӹ пелеш...

Шӱлӹ-шӱлӹ марла

Шишкӓ пӹсӹ сарла

Чӱчӹн сӹнзӓ вӹк

Сыравачетӹм лык

Ӹнде тӹлӓт ак кел

Куштылгемеш ашкыл

Кузет Кӱшкӹ** веле

Марла ӹлӓш нелӹ?

Рушла колаш куштылгы?

Кодеш Йынгы-Кушыргы

Тагышты мӹндӹрнӹ

Шӹргӹ лош шӹдӹрнӓ

Туан шӓмӓн йыхет

Келгӹн шӱлен тырхет...

Шӱлӹ-шӱлӹ Марла

Шӱлӹ Кырык марла

Акат мо руш сарла

Шӱлет гӹньӹ марла...

Цеверӹн код,

Цеверӹн код...

.......

Кӱм - Шанавӹл ӹдӹр

Кӱшкӹ - Шанавӹл кӱшкӹ

Нравится

Комментировать

Отправить

ШОШЫМ ПӒШӒ АШНЫЖЫ

Тевеш Йынгы-Кушыргыштына ӹлӹмаш воксьокат ак шагал.

Вес статянжы кыце вара? Солана пиш ладна вӓрӹш кузен шагалын. Ик вец - яратымы Кого шӹргӹ, вес вец - яратымы Йынгы. Ик вец - рушмары Йоласал, вес вец - суасламары Пошкырт. Пашкудывлӓ дон пурынок кӹлӹм кычаш келеш ане? 

Соланажы вуйта сӓндӓлӹкз-ныр покшалны шӹнзӓ...

Мам эче ужам? Шӓдӓнгӹ олым скирдывлӓ, алык мыч кӓвӓнвлӓ, кӹтӧ, пӹркем ӓнгӹрваштырвлӓ, царӓ йалан тетявлӓ цаж вычым тыгыр лӹвӓк шӹшкӹн Сазан-ангӹр сирӹштӹ погат...

Пакылажы ӹне ӹшкеок сирен лыкдай. Шукыракым пӓледӓ векӓт!

Ти видеожым Вероника симаен лыктын. Пиш кого тау, весир пашкуды!

Пурым шанен,

Пал Генай

 https://vk.com/wall151478817_3476