Земфира Шкляр, Йынгы-Кушыргы
Ӓвӓм дон ӓтям 1947 ин мыжырангыныт. Тӹнӓмок ӓтямӹм армиш нӓлӹныт - Вольск халашкы. Ӓвӓмӓт сагажы тӹшкӹ кен. Ӓти шофыр ылын - командиржӹм шывштен, а ӓвижӹ детсадышты пӓшӓлен. 1949 ин тӹшток Жорик-ӹзам шачын.
Коктынат Вольск халам чоте яратенӹт, ӹлӓш тӹшток шаненӹт, но папинӓ нӹнӹм мӹнгеш, Йынгы-Кушыргышкы, со ӱжӹн-сарвален... Седындон шачмем анзыц ӓтям-ӓвӓм, дӓ изи ӹзам, мӹнгеш Кырык Сирӹш толыныт.
1955 ин уже мӹнь Йоласалышты шачынам...
Ӓтям больницӹштӹ, скорая помощь машинӓштӹ ровотаен, ӓвӓмжӹ интернатышты, тӹнгӓлтӹш класс тымдышы ылын...
1956 ин ӓтинӓ мамнӓм шуэн дӓ вес ӹдрамӓш дон ӹлӓш кен...
1. Вургымлашты (сек кӓтӓ) ӹшке ылам. Пеледыш пайремӹштӹ куштеннӓ... Амельченко Толя тӹнӓм солана ӹдӹрӓшвлӓм цымырен да концертвлӓм цӹрвеш анжыктен каштынна.
2. Жорик-ӹзӓмӹн классжы. Ӹшкежӹ сек шайылны, покшалны, кок кӓтӓ гӹцӓт вӹзӹмшӹ млоец. Йоласал кӹдӓлаш школ.
3. Ӹзӓм ечӹм чоте ярата ыльы.
4. Ӹзӓм иктӓ 9-10 иӓш.
5. Ӹзӓм изи годым.
6. Ӹзӓм Вольскышты шачын. Тӹ халашты, детсадышты витнӹ симаенӹт. Ӓвӓм попым семӹнь тӹ жепӹн ӹрвезӓшлӓнӓт кужы выргемӹш чиктенӹт.
7. Ӹзӓм школым пӹтӓрӹмӹ анзыц векӓт.
8. Тошты яратымы томаэм...
9. Ӹзӓм, папинӓ дӓ Вероника - шыжарем.
10. Папи, ӹзӓм да Валя-ӓкинӓ...
11. Пашкуды ӹдӹр тӓнгем доно. Геля Смирнова, кӹзытжӹ Асланова...
12. Тиштӹ ӓвиэмлӓн 18 и веле...
13. Ик иӓш ылмем годым ӓви доно - 1956 и.
14. 1956-57 ивлӓ лошты...
15. Йоласал детсадышты - шайылны шалгем, ош вуян...
16. Ӓкӓм дон ӹзӓм сага...
17. Тиштӹ уже медучилищем пӹтӓрӹмӹк - 1978 и.
Комментариев нет:
Отправить комментарий