ЦЕВЕРӸН КОД...

Пал Генай, Йынгы-Кушыргы

Сирем шӹрен - шактем шоэн...
Кырык Сирӹш коэн коэм...
Тыргыж шытыр, сусу шытыр -
“У йыдал дӓ... шӱкшӹ ӹштӹр!»
Шӱкшӹ ӹштӹр?... Йыдал у?...
Вуйда сӓрнӓ? Нӓл?... Ӓль — пу?…

Кӹлден мыштедӓ кӹлӹмдӹм?
Таен мыштедӓ мышкындым?
Толын токы — мам манат?
Пӧртет урын кеш гӹнят...
Тӓмдӓм тангыж гачок ужам,
Со сарвалем, анзык ӱжӓм…

Тоцда ж шӹдӹ - пӹсмӓн гач
Сӓрнӓ шамде анзылвач
Йукшым пуа пырохот -
эчеӓт: «цеверӹн код???»
Эчеӓт Йыл коэ шӓрлӓ
Шамде мӓгрӓ - Кырык марла…

Кӱм пуштыт пӱэргӹвлӓ?

Кӱ вец колат эргывла?
Пуштын ӹштӓт кого оксам?!
Вӹран оксам! Шыран оксам!!!
Кӱлӓн вара тидӹ келеш?
Йӓлӹм пушташ, тӓмдӓм шелӓш!

Шайык анжен тӓ куштедӓ
Ӱпдӓм анзыцын колтедӓ…
Мӧсквӓн кӹлдӹм Керемет
Анзык нигынам ак равед
Кишӓдӓжӓт — шайык-шайык
Шӹдӹ шӓмӓн - шӓпнӓ артык...

Вескид мычкы ж кечӹдонгвлӓ
Кушкын кӱш саремыт онгвла
Симсӹ пӹлгом кӱшнӹ шарлӓ
Кырык марын туан вӓрвла
Кайыт тӹшец тенгеок
Дӓ сынзӓжӹм чӱчдеок
Тырын кола тӓгӱн эргӹ
……
…
.
Мӓгрӓ тӓгӱ — кӱлан шергӹ...