2019 КЫРЫК СИР

Измаил Ефимов, Макарсир

Измаил Ефимов, лӹмлӹ художник, Кырык Сир мыч эртӹш ӓрнян каштын тольы дӓ у фотовлӓм мӓланнӓ анжыкта.
Кыце тенге мышта вӓл, но анжалдок, - пӓлӹм вӓрвлӓнӓм вуйта угӹц мӓлӓннӓ пачеш.
Цӱдеяш вел лиэш, но вет кынамжы цӱдӓлӓнӓшат келеш, ане?
Цевер гач яратымаш цаткыдемеш вел, ӓӓ!?
Измаилын фотовлӓжӹм уже пиш яратен коментируенӹт Рушэл йӹр, дӓ вес сӓндӓлыквлӓ гӹцжӓт...
Пиш кого тау, шергӓкӓн Измаил!

Пал Генай








4 комментария:

  1. Пиш цевер, яргата да мастарын симайымы фотовлӓ.Лачокат, тиштӹ художникӹн кидшӹ шижӓлтеш.
    ШАЧМЫ ВӒРЕМ
    Мӹньӹ лӓктӓм ирок ирӹ
    Соты шокшы кечӹ век.
    Анжа кечӹ вӹкем ирен,
    "Шӓлӓ" - манеш мӹлӓм кек.

    Мӹньӹ кеем корны мычкы:
    Эх, кыцелӓ мадеш вӹр!
    Сусун-сусун йӓнгем йӹчкӓ-
    Цевер-цевер йӹрӹм-йӹр!

    Эх,кымдемем, шачмы вӓрем,
    Сӹлныракшӹ улы вӓл?
    Мӹньӹ кидвлӓм кеклӓ шӓрем-
    Тӹрген-тӹргӓ кӱшкӹ ял.

    Мӹньӹ шӱлем йонгын-йонгын,
    Темӹн кердде нигыце...
    Ылам ӹрвезӹ, ылам шонгы-
    Тидӹм мондым(ы)ла кыце?

    Тагыштакенлӓ мӹндӹрнӹ
    Вара каят омын гач:
    Вуйта шанымы ӹдӹрӹн
    Ваштыл колтымыжы лач!

    Вуйта пуры-пуры шая
    Тагецелӓ толеш лиш.
    Вуйта ӹмӹл паштек аяр
    Пачын шуа шӱмнӓм виш.

    ОтветитьУдалить
  2. Яжо анжаш,мышта Измаил симаен. Фотоаппаратшат шергы наверно, проста агыл, техень аппараты
    м эче вет кычылт мышташ келеш, кышак шагалаш, махань ракурсым кычаш,кыце соты-ымылым цаклаш,кыце сек цевержымок палдыртен пуаш. Фотоаппарат доно кисть доно агыл седы,куштылгы, циланат кердыт вуйта, но...когонок ак кердеп. Тау!




    ОтветитьУдалить