ШАРТЯЛ ЛИШЕМЕШ

Пал Генай, Йынгы-Кушыргы

Шартял лишемеш - уэмеш тӹлзӹ

Шылдырым шӓрлӓ йыд анзылвач

Кужемдӓш кечӹм тӹнгӓлеш Кечӹ

Кек Комбы корны сотемеш лач!

Шӹдӹрвлӓ вилӹт - ӹдӹрвлӓ анжат

Ош лымвлӓ вӹлӓн шим лӹмвлӓ вел

Йамшы пелӓшвлӓ шогерлӓш ванжат

Иӓнгӹт йӓнгвлӓ - пиш ӱштӹ тел...

Махань ӹлӹмӓш - техень ылымаш

Ит лӱктӹ вуйым - йӹлметӹм нел

Кугижӓ халыкым пиш мышта шымаш -

Шыр лошты ӹлен йӹлгӹжӹт вел...

Шартял лишемеш - кӱ ӹнде шачеш?

Йымына лоштына улы вӓл?

Кок ышмаражан лӓшкӓдӓм качкеш

Тӓжӹ савалам адаат нӓл...

...

Тенге ямакым пӹтӓрӓш ак кел

Ӹнянӹ - толеш! Шошымшым уж!

Йыл кычыш кӱэр ӹшкеок ак шел

Сир мыч кӹчӓлок - акпарсвлӓм ӱж!