Ондрин Валька, Йынгы-Кушыргы
Лыдым-лыдым
Сирӹмӹвлӓэтӹм-
Сӹнзӓӓт якшаргы ӹнде вӓк.
Ядам, кыды
Тӹнгден пиш ышетӹм,
Кыдын кӱкшӹ манаш лиэш ӓк?
Теве йӱӓт
Цаткыды ӓрӓкӓм:
Изи веле цӓркӓ - йӱкшӹ трӱк.
Тиштӹ пуа
Вишкӹдӹ ӓляквлӓм.
Шамде шукы шамак лошты сӱк.
Тиштӹ кеет
Иӓн мыч яклакан,
Тӹрген-тӹрген лявӹрӓвлӓ гач...
Вуйта эдем
Корны мыч акшакла,
Тӹшкӹ-тишкӹ йӧрӹлтӓлтӹн лач.
Уке, агым,
Ам колты ямакым,
Кыды пиш алтален пуа йой,
Ам пу ӓкӹм,
Куктенӓт шамаквлӓм -
Шӧртньӹ агыл сирӹметшӹ. Той.
Шергӓкӓн халык! Первиш тетя мадмашвлӓм ӓлмӓдӓ ӓшӹндӓрӓлнӓ. Ӹнянӓшӓт акли, 30-50 и перви кырык мары тетявлӓн ӹлӹмӓшӹштӹ кӹзӹтшӹ гӹц пиш айыртемӓлтӹн. Тагачы тетявлӓ компьютырышты ик парня доно мадын ӹлӓт, кӓпӹштӹ акат янгылы. Первиш тетявлӓжӹ каремвлӓ мыч ньоцок пӱжӓлтмеш, моч гӹц кемеш мадыныт. Мадмашвлӓ гач нӹнӹ кырык мары ӹлӹмӓш дон йӹлмӹм яжоракын ынгылаш тӹнгӓлӹнӹт. Шукы йиш мадышла мадыныт. Тӹ мондымы мадмашвлӓм тишӓк ӓшӹндӓрӓш дӓ постараш цаценӓ - тӓжӓт палшедӓ гӹнь, пиш кого тау!
"Вуйта эдем
ОтветитьУдалитьКорны мыч акшакла,
Тӹшкӹ-тишкӹ йӧрӹлтӓлтӹн лач." -
пиш сулыкан дӓ шулыкан образ пачылтеш, Валька...
А рифмывлӓжӹм кыце мастарын чанген лыктынат!!!
Пиш яжо...
Ти сирӹмӹм кӱ кыце ынгыла, кыдыжы яратымы эдем дорц сирмӓшӹм вуйта лыдыт, но ты эдемжӹ яжо агыл шамаквлӓм вуйта сирен колтен...А мӹньжӹ тидӹм эче 90-шы ивлӓнок ик поэт гишӓн сиренӓм ыльы.Лачокат, кынамжы атат пӓлӹ, махань шӱлӹшӓн корнывлӓ кид лӹвецӹнет лӓктӹт: тӹнь ӹшежӹ шанет иктӹ гишӓн ,а весӹвлӓ воксеок весӹм шижӹт.
Удалить