Вуйжым кӱш лӱктен сӹнзӓжӹмӓт кӓрен
Нержӹм кашартен дӓ цаткыдемдӓрен
Онг вашт Комбы Корны мыч колтымла Кечӹм
Тыртнялан согоньлымла яжо игечӹм
Кӹртни ял тӹлӓнет пишок керӓл лиэш
Тышманвлӓ ваштареш кредӓлӓш дӓ шиӓш
Кӱн пӱӓм урыктышаш - Йылым сӹсӹртӹшӓш
Ӓптӓн доно цӹвӹм палшалташ сӹгӹрӹшӓш
Пач кӹлдӹм якшартен дӓ тӹрлен мужедӹн,
Керемет шӹгӓм тайы пыным пыргедӹн...
Тыл нерӹм виктӓш, тышманвлӓмӓт ӓрӓш,
Вуй кӧргӹш келеш вӓрӓшвлӓм постараш...
Пӹл тӹрвлӓм ражташ шылдырлан кымыл!
Йур вашт хӹдӹрлӓт рашкалтышвлӓ: «Йыл!!!»
Пӱӓм урыктен, кӱвлӓм шӓлӓтен, ирӹкӹм пачеш кӹл!
Йур вӹд согоньла, хӹдӹртӹш рашкалтеш: «Шӹл!!!»
Тыртняэмӹн корныжы пачылтын вел дӓ ӱлӹцӹн куза кӱш...
Мӓлӓннӓ сагаэт - «Келеш ак кел?», но тӹньжӹ сойток мӓмнӓм ӱж!
P.S. Пыргедӹт вуй кӧргӹм ӹрвезӹ дон ӹдӹр — ма тиды ылеш: «Кӱш!»
Кӱшкӹлӓ кузымла тенгелӓ ӱжӹт гӹнь? Ӓль Йыл тореш пиштӹмӹ кӱш?
Ай-яй махань цевер тыртня лин!Ӧркӓнӹделат вет, мастар!Вуйжым кӱш лӱктен, сӹнзажӹмӓт кӓрен, нержӹм кашартен дӓ цаткыдемдӓрен! Цаткыдемдӓрен- ӧрӹктӓрӹшӹ шамак. Такшым цаткыдемден маныт. Махань пушӓнгӹ пу гӹц ӹштӹмӹ? Цӱдӓ-цӱдӓ кек поханя! Шылдырешжӹ "шӹл" шамакшым малын сирӹмӹ? Мары орнамент тӹрлецвлӓ доно теве пӓлдӹртӹмӹ тама доко... Ти тыртня комбыжы кырыкмары векӹ чонгештен кеӓш йӓмдӹлӓлтеш векӓт...
ОтветитьУдалитьИк шылдырыштыжы - ЙЫЛ,
УдалитьВес шылдырыштыжы - ШӸЛ!
Ик пӹлышӹштӹжӹ - ӰЖ,
Вес пӹлӹшӹштӹжӹ - КӰШ!
Ужым-ужым, лачокыш... Цилӓ логически кӹлден шӹндӹмӹ. ШӸЛ - убегай-улетай, ӓль ШӸЛ - кавашты шӹл, кок значениӓн шамак. Тум гӹц чанген- шуштын лыкмы ылыныш, тӧрӧк цаклыделам.Ма маншаш,ти поханя шукы символ палӹкӹм намалеш, кыдывлӓ туан вел верц ойхырымым анжыктат.Пиш мастарын ӹштӹмӹ.
УдалитьТуан сӓндӓлык пӓлӹквлӓм онг кӧргыштӹ кычен урдымым пӓлдӹртӓт, вет кек тагынамшщен первишӹ мары халык символ.
Удалить