Пал Генай, Йынгы-Кушыргы
Курым мыч ял корны дон ашкедӹн
Цӱдӓм шонем пыракым пыргедӹн...
Курым мыч Йынгы вӹд лоэш коэн
Цӱдӓм лоэм кого колла шоэн...
Курым мыч шӹргӹшкӹ кузым семӹнь
Цӱдӓм анжем ӓен пӱкш пӹркемӹм...
Курым мыч Шур алык салым жепӹн
Цӱдӓм колам - тянгыран мырыш кекӹм...
Курым мыч пышкыды лымыш вазын
Цӱдӓм шӓрлем пи дон мадын хайзин...
Курым мыч сӱӓнӹм ӓрен-кычен
Цӱдӓ гань ӱӓн меленӓм вычем...
Курым мыч Шанавӹл Кӱшкӹ кузен
Цӱдӓм лыктам тужыш вӹдӹм ружген...
Курым мыч Сарлай шӹргӹшкӹ вален
Цӱдӓм вактам пистӹм пӹчкӹн нӓлӹн...
Курым вашт кугилӓш шошым каштын
Цӱдӓм йӱӓм ош пушӓнгӹм ражтен...
Курым вашт морен кишӓм какляртен
Цӱдӓм поктем ечемӹм кашартен...
Курым вашт йыдпелӹн имним кӹтен
Цӱдӓм кӱктем турим тылыш пыртен...
Курым вашт немоткам пидӹн шӹнзен
Цӱдӓм йӓмдем шӹртӹм шыпшын-пынзен...
Курым вашт цажвычым ныр мыч кӹрӹн
Цӱдӓм таем тыгыр кӧргӹш шырен...
Курым вашт окня им нылен ражтен
Цӱдӓн тотым охоницӓш ваштем...
Курым вашт лач кӱшыц вала тирем
Цӱдӓн лӹмӹм шӓпнӹш лым дон сирем...
Курым вашт йур вӹдӹм поген вачкыш
Цӱдӓм шотлем - патькыш паштек патькыш...
Курым вашт сӹнзӓэм кӱшкӹ лӱктен
Цӱдӓм шӹлтем – кердшӹ тӹдӹ чӱктен...
.......
...
.
Курым вашт колыш эдемвлӓм ӓштен
Цӱдӓ корным паштекӹштӹ ташкем...
Ай-яй, Генай! Курым вашт тӹнь цӱдӓм кӹчӓлӓт. Пиш яжо образвлӓ.// "Курым мыч шанавӹл кӱшкӹ кузен,//Цӱдӓм лыктам тужыш вӹдӹм ружген...// Когон цевер-йӹвӹлӓ шамаквлӓ. "Тужыш" шамакым веле шӹм ынгылы.Дӓ цилӓок ти лыдыш ире-соты, дӓ туан шачмы вӓрӹм яратышы шам гӹц веле лӓктӹн кердӹн. Цӱдӓ- тидӹ вуйта ямак сюжет, тидӹм ӹвӹртен веле ик корны паштек весӹм лыдат дӓ вара тӹньӹм тамахань кӧргӹ шокшы ӓвӓлтӓ.Тау!
ОтветитьУдалитьЭче ик-кок шамакым келесӹде ам цӹтӹ. Пал Генай, тенге ӹшкӹмжӹм марла лымден гӹнят, мары йӹлмӹм, грамматикым ик урокыштат тыменьде, но анжалда, кыце сирӹмыжӹм ынгылен лыдаш лиэш, кыце ти корнывлӓжӹ йӹнгӹшкӹнӓ шот. Кыды-тидӹ шамакшы изиш кӹзӹтшӹ грамматикылан ак яреп гӹнь, ӓлдок ти авторым простен колтенӓ, вет тӹдӹ пиш мӹндӹр ӧрдӹжӹштӹ ӹлӓ, но шамжы доно со сагана линежӹ. А кыды-тидӹ мары эдемжӹ саганаок ылыт гӹнят, но нӹнӹ ӹшкӹмыштӹм тамахань ӧрдӹж эдемлӓ веле анжыкташ цацат, марлажат ак попеп, марынешжӓт ӹшкӹмыштӹм ак шотлеп.
УдалитьТау, кого тау когоньландаат!
УдалитьВалька цӱдеем вел - Саваткован словарьышты "ыржамольы", "туж" шамаквлӓм шӹм мо... Дӓ "когоньлан" - тидӹмӓт шым мо.
"Тужыш, тужын, туж" - сильно, мощь. Изиэм годшенок тенге попат ыльы, а кӹзӹт ак попеп ма?
Словарь уэмдӹм пӓшӓм ӹне кӹзӹт иктӓжӹ ӹштӓт вара?
Тагынамшенок вроде тидӹм ӹштӹмла манын сирӓтӹш, ане вет?
Ане,словарьвлашты цилаок моаш ак ли. "Туж" мары шамак лишашлык,палыделам,э-э, ышкал лимы годым туж-туж маныт ыльы вет. Мондалтеш, но тынь Генай анжок вара шукы техень шамакым переген коденат. Вообще, изи самыньвлам шотыш налде, ти лыдышым пиш шотан да яжо образвла доно кылдымы. А словарь шотышты, вет кыце маныт "нет предела совершенству".
УдалитьТужын - тужиться?
УдалитьТужын - тужиться?
ОтветитьУдалить