Пиш кого сусу шӱмемӹм ӹрӹктӓ: 10000-шӹ кырык мары тагачы сагана пижӹ!!!
Мулӓндӹ мычжы иктӓ 25000 - 40000 эдем ӹшкӹмӹштӹм "кырык марынеш" шотлат.
Тенге гӹнь ти блогым лыдшы партьы цилӓ халык гӹц 25%-45% якте кушкын кеш!!!
Тидӹ пиш шукы!
Тау цилалӓндӓ! Пиш кого тау!!!
Ти сӹнгӹмӓшӹм кырык мары тӓнгвлӓ иквӓреш труен канденӹт.
Нӹнӹлӓн, шергӓкӓн мастарвлӓлӓн, цилӓ палшышывлӓлӓн пасна келесӹнем: "Пиш когон кого тау, тӓнгвлӓ!"
Измаил Ефимов, Валентин Афанасьев (Ондрин Валька), Леонид Асланов, Витали Петухов, Валери Аликов (Валери Микор), Анатоли Ларькин, Евгения Савельева, Альбина Курилова, Ольга Микрякова, Ангелина Асланова, Тамара Петрова дӓ весӹвлӓ - цилӓланда пиш кого тау!
Яратым Кырык Сирнӓ цеверемжӹ!
Кырык мары халыкна цаткыдемжӹ дӓ цӓшан лижӹ!
Тау цилӓлӓндӓ!
Ӹнянӓшӓт ак ли, лачокат вӓл 10 тӹжем мары эдем ти сайтыш анжальы? Тенге гӹнь, тидӹжӹ когонок яжош, ӹнде ти пӓшӓм эче пакыла веле нӓнгеӓш келеш. "Кырык мары тетя мадмашвлӓ" тевеш тенгелӓ ти лыкым лӹмдӹмӹ.Тидӹ тетя годшы жепӹм ӓшӹндӓрӹмӓшвлӓ гӹц тышкалт- тышкалт миӓ. Материал шукы погынен, пиш кого тау Пал Генайлан (палнышы Генайлан), шукы ӓшӹндӓрӹмӓшӹжӹмок лач тӹдӹ сирен. Мадмашвлӓ гӹц тӹнгӓлӹн, вес темывлӓшкӓт ӹнде ванжен кеен, седӹндон, анзыкылажы ти сайтын лӹмжӹмӓт вашталтымыла агыл? Шамак толшеш тидӹм- ТЕНГЕЧӸ ДӒ ТАГАЧЫ- манаш лиэш ӓль кыце-гӹнят вес семӹнь- ӸЛӸМӒШ ЙОГЫ? Молодёжымат токынала ӱжмӹлӓ сӓй, нӹнӓт мӓмнӓн мары шӱлӹш дорц ӹнжӹ ӱкшеп, мары овуцавлӓм ӹнжӹ монден шуэп, вет 10000 лыдшы тидӹ пиш кого аудитори. Кырык мары Жерӓ газет 2000 экземпляр доно веле лактеш, шукынжок пенсионервлӓ веле сылат, а У СЕМ журналын тиражшы лач 300 экз. Валери Аликовы ЦИКМА журналжы ито ӹшкӹмжӹм тенге макталтен ак керд, кышец вара КЫРЫК МАРЫ ТЕТЯ МАДМАШВЛӒЖӸН техень популярностьшы? А вот кышец: мӹнь шанымаштем, материалвлӓм утла ышанла кайын агыл, а проста йӹлмӹ доно сирӹмы, кыдым цилӓн ынгылат, кыдывлӓ цилӓлӓн лишӹл ылыт- вот и цилӓ секретшӹ.
ОтветитьУдалитьТау, Валька, пуры шамакетлӓн! Но, ЦИКМӒ журналжым сойток шукыракын ужыныт, лыдыныт - вес йишлӓ итӓт попы. Пиш яжо лыдышвлӓ, артикльвлӓ тӹштӹ улы, Кырык Сир вуйлатышывлӓлӓн чоте керӓл аналитикыжат...
ОтветитьУдалитьЯра, мӓжӓт изин-олен пакыла кенӓ.
Тагынемшенок ик шанымаш мӹньӹм соте йылата - кӹзӹтшӹ тетявлӓм тиш сирӓш когонок пижӹктӹнем. Кыце тидӹм ӹштӓш лиэш вӓл? Туан йӹлмӹ тымдышывлӓ палшен кердӹт ылнежӹ, но мӹнь нимамат тӱлен ам керд. Ти блогнажы лач мадмаш постол - оксам воксьок ак ыштӹ...
Вуй кӧргӹштем тевеш ти йиш тумайымашвлӓ пачангыт - ӓнят Кырык Сир фермервлӓ, дӓ бизнесменвлӓ "Мары йӹлмӹ" фондым пачын кердӹт - нӹнӹжӓт туан йӹлмӹнӓ пӹтӹмӹ семӹнь ойхырат сӓй. А тетявлӓлӓн школвлӓ мыч заданим пуат - халыкнан первиш ӹлӹмӓш гишӓн шайыштмашвлӓм марла сирӓт дӓ "Жерӓ" газетӹш, дӓ тишкыжӓт, мӹнь токемӓт, колтат. А мӹньжӹ блогышты пасна тӹнг укшым пачын тетя сирӹмӓшвлӓм тӹшӓк сӓкӓлтем. Ик и вашт ти пӓшӓм ӹштен пӹтӓрӹмӹк Кырык Сир тымдышывла, дӓ сирӹзӹвлӓ сек яжо сирмӓшвлӓм айырат дӓ авторвлӓштӹм "Мары йылмӹ" фонд гӹц премируят.
Иктӓжӹлӓн ти идейӹ керал лиэш гынь эче вара пасна дискусим пачаш лиэш... Но, тагачыжы ситӓ!
Эчеӓт цилӓлӓн кого тау!
КЫРЫК-МАРЫ ПАПИ
УдалитьКырык мары администрацин культуры дӓ образовани отделвлӓжӹ тидӹ гишӓн ак шанеп гыце? Шанат ылгецӹ, нӹнӹ тагынамок мары йӹлмӹ фондымат, пасна конкурсымат дӓ весӹ-кымшымат ӹштӓт ыльы. Нӹнӹ тетявлӓ туан йӹлмӹ докы шӱмӓнгӹштӹ манын, изишӓт ак тыргыжланеп тама доко.
Вычышым-вычышым, но КЫРЫК-МАРЫ ПАПИ гӹц пасна иктӓт идейэм гишӓн йукыштым ӹш пуэп. Тӓлӓндӓ, КЫРЫК-МАРЫ ПАПИ, кого тау! Кырык Сир вуйлатышывлӓжӹ тишӓк ак сиреп гӹнят, ышышкышты иктамам ӓнят пиштӓт дӓ кынам гӹнят туан йӹлмӹ шӓрлӹмӹ верц кредӓлӓш тӹнгӓлӹт сӓй. Мӓжӹ пакыла ӹшке мадмаш статян корны дон кенӓ. Но, цилӓн вет ынгыледӓ - мадмашнажы Кырык Мары йӹлмӹм, культурым, традицивлӓм перегӓш палша. Ти корны цилӓлӓн пачылтеш - ӓлдок иквӓреш мадын кенӓ. Уже луатик тӹжем яктеок вот-вот шона ӓӓ?!!!
ОтветитьУдалитьГенади, ит алталы,лу тыжемӹнжок агыл сӓй.Ӓнят иктӓ 10 эдем нӓрӹ веле улы. Седӹ, нӹнӹ тӹжем гӓнӓ ти страницӹш пырымыкышты, как раз лу тӹжемет и лиэш.
ОтветитьУдалитьШотлыш машинӓэм пӹтӓриш пырымашым вел шотла. Вара хыть милион гӓнӓ пыры - тӹдӹм ак шотлы! Марын гӹц пасна шукын Руш Эл гӹцжӓт, да вес сӓндӓлӹквлӓ гӹц пырат - кырык марынвлӓ вел агыл...
ОтветитьУдалить