Пал Генай, Йынгы-Кушыргы
Ныр вашт кеӓ корны тӧр,
Карем мычкы кӱэш мӧр.
Цӓрӓ ялым нӧртӓ лывш,
Пӧрт левӓш гӹц куза шӹкш.
Кӹтӧ лӓктеш алык вӹк...
Кышкы шӹлӓт - жар цӹрцӹк!
Ӓнят тӹньӹм кычем мӹнь...
К(о)ропля кӧргӹш пиштем чӹнь
Тӓнгвлӓм вара масакланен
Тамам ӓнят ӹняндӓрем...
Ӓли Ольгын Лыкыш кенӓ,
Тӹньӹм ӓнгӹрыш чиктенӓ -
Кого пӓрдӓшӹм кыченӓ!
Ой! Парняэм! Ит пыр! Каршта!
Вӹрем патька вуйта шаршы!
Кышты вара калявач?
Тӧрлӓ мӹньӹм тӹдӹ лач...
Цӹрцӹкемжӹ кыш вар(а) кен?
Пикшлӓ тӹргӹш, ӓзӹрен!...
.........................
Кӱшкӹ кечӹ куза пӹсӹн
Ямакемжӹ тишкӹ вӹсен...
Тетявлӓлӓн чоте яжо лыдыш. Мастарын сирӹмӹ: "...Ольгын лыкыш кенӓ... Кого пӓрдӓшӹм кыченӓ..." Пӓрдӓш- тидӹ вет голавль? "...Кӱшкӹ кечӹ куза пӹсӹн... Ямакемжӹ тишкӹ вӹсен"? Тӹшкӹ агыл ма- кечӹ паштек ӓль тидӹм тенге ынгылымыла: Ямак ымбак, а мӹнь тембӓк? Изиш тетя ыщлан кӓньӹсӹррӓк ынгылаш, ращемдӓлӓш келеш ылнежӹ, шамакеш: "Кӱшкӹ кечӹ куза пӹсӹн, а ямакем тишкӹ вӹсӓ.Ам алталы, агым ач- вӹсӓлт вазеш пумагаш."
ОтветитьУдалитьТау, Валька! Пӓрдӓш - язь. "Ямакемжӹ тишкӹ высен" - ВКонтакте-шкӹ вӹсен манын сиренӓм.) Фейсбукышты - "Ямакем фейсбукыш вӹсен"))). Остатка кок корныжы лач шутяланен сирӹмӹ))). Лоштышты точкывлӓм кодымла ылын седӹ - вот самынемӹм анжыктышыцат тишӓк тӧрлем ӹнде.
УдалитьМа техеньӹ ОЛЬГЫН ЛЫК цилӓнжок ак пӓлеп. Тидӹ Кого Йынгы ӓнгӹрӹн сӓрӓлтӹшӹжӹ, тидӹн туре молнам келгӹ йӓм ылын, а кӹзӹт техеньӹ уке, Йынгым Йоласал кӹвер доны пӱмӹ, вӹд цилӓ Йынгы мычкы кӱшкӹлӓ темӹн кузен, седӹндон шукы тошты вӓрвлӓ пӓлӹдымӹн вашталт шӹнзӹнӹт, кӹзӹтшӹ тетявлӓлӓн седӹ тенге сирӹметшӹ ынгылыманат агыл. Ольгын Лык Сазан ӓнгӹр йоген лӓкмы вӓр гӹц изиш ӱлнӹрӓк веле ылеш, ик монгыржы пиш тура, кышты шун яре кӱвлӓ доно вуйта шанавӹл гань кӹверӹм рисуен шӹндӹмӹ. Малын ти вӓрӹм Ольгын Лык маныт? Ти вӓр якте перви Шереметьевский замокын тӹнӄмшӹ помещицыжы Ольга Шереметьеван лач Йынгы ӓнгӹр мыч владенижӹ ылын маныт.Млӓндӹ мыч агыл, а лач Йынгы ӓнгӹр мыч. Тенге тӓгӱ пайылен пуэн ылын.Седӹндон, халыкын ӓшеш тенге Ольгын Лык вӓр лӹм кӹзӹтӓт перегӓлт кодын.
УдалитьМӹнь вес йишлӓрӓк попымвлӓм ӓшындӓрем. Вӹд вӓкш тӹштӹ ылын. Хозажы ылын ӹдрӓмӓш - Ольгы лӹмӓн. Сазан ӓнгӹр гӹц пыйырт ӱлнӹрӓк пӱӓжӹ ылын. Кӱэрӓн вӓр тӹнгӓлмеш эче. Шӱкшӹ мӓнгӹвлӓжӹм ат ӓшӹндӓрӹ ма? Лач арава (машинӓ) ванжым корны анзылны кайыт ыльыш... Тӹ корныжы йори вӓкш докы ӹштӹмӹ агыл ылын вӓл? Вӓкш урмыкжы вел вес Цынгы сирӹш кӱэрӓн коаш вӓр мыч ванжаш тӹнгӓлӹныт витнӹ...
УдалитьГенай, тӹньӹн попымет тӧрӹрӓк векӓт. Мӓжӹ изирӓк ылынна дӓ тӹ вӹд мӓнгӹвлажӹм ужделна, ӓнят первирӓкшӹ ылыныт, а мӹ годымна тӹ вӓрӹшты нимат ылде. А Йӱрнӹ помещицыжы гишан мӓланнӓ Роза Ивановна,учительницы, вет шайыштын ыльы. Ольгын Лык- Лык- это ЛУКА( тевеш улы Жигулёвская Лука молы, пиш яжо картин улы ти темеш), ужыда вет ЛЫК-ЛУКА, шамаквлажӹ иканьок ылыт. А Ольгын лыкышты лачокат Йынгынажы янгеж гань сӓрӓлтӹшӓн ылеш.М-да, вӓржӹ лачокат пиш цевер ылын, но кӹзӹт цилӓ вашталтын. Тӹ тошты йӓмвлӓэшет шукы вӓреок нальы шӹнзӹн, тӹ йӓмвлӓэт уже йӓмвлӓ агылеп, тӹ йӓмвлӓжӹ лач шамешнӓ веле перегӓлт кодыныт, мӹнгеш уж сӓрӓл кандаш ак ли.
ОтветитьУдалить... Вашталтеш,
Вашталтеш
Цилӓ со,-
Тагачы тенгечӹш
Ана шо.
Нимат,
Нигнамат
Иктӹ агыл,-
Техеньӹ
Тышкалтеш
Падкагыль...
А колым кычен каштмы шотышты мам келесӹмӹ шоэш. Кӹзӹт ӹрвезӹвлӓ тенге мӓ ганьна Йынгы- Кожваж тӹрвлӓ мыч колым кычен воксеок ак каштеп дӓ ӹрвезӹвлӓжат пиш чӹдын ылыт, шукыжымок нӹнӹ тонышты телевизорым анжен шӹнзӓт дӓ планшетвлӓ доно мадыт.Ӹлӹмӓш пиш когон вашталтын. Но тӹньӹн срӹметӹм лыдаш- рушла келесӓш гӹнь- одно удовольствие.Мане, цӹрцӹк доно пӓрдашӹм ӓнгӹрӓт ыльы вет. Цӹрцӹкшӹм вет эче пӹтӓри кычаш келеш- тидӹ чоте пӹсӹ пӓша.Кӹзӹт Йынгыштыжы колжым кычен каштыт вӓл- вет Кырык-Марышты пиш шукы плотинӓ-пӱавлӓ ӹнде улы, колвлажӓт тӹштӹ когораквлӓ.