ПИРӸВЛӒ ТОЛЫТ...

Пал Генай, Йынгы-Кушыргы

...Каремвлӓ гач урмыжмы йук шакта...

Амасашкыда мочем яммеш вактам:

Пирӹвлӓ толыт! Кӹтодӓм пӹчкедӓт!

Ада лӓк гӹнь мӱлӓндӹнӓмӓт кышкедӹт!!!

...

...Шӹнзедӓ кӧргӹштӹ мӹньӹм ада кол,

сӹнзӓм ада пач, шӱмдӓжӓт ак шол...

Вуйвлӓдӓ сӓрнӓт вуйта пыргедеш

тӓмдӓм сытона, дӓ шӹдӹн мужедеш -

лач келтӹмӓшӹм вел келшӹктӓш шӱдӓ,

ӱкшӹктӓ йӓнгвлӓдӓм, лым нӱшмӹм ӱдӓ...

...

Киндӹ ныр вӓреш пуалтемвлӓ шӓрлӓт...

Кӹлтем ада пид ӹнде! Акат кел сарла...

Ныр мычкы шӹдӹм йоктаредӓ арын

Пуры пашкуды вӹк шӹнзӹдӓ... шарын...

...

Сӹнзӓвӹдӓт ак йогы ӹнде сӹнзӓгӹц -

пӹчкӹт и лаштыквлӓ вел - вӹдсӹнзӓгӹц...

...

Кловой окнявлӓ гӹц пыра тӹтӹрӓ -

Мӧzкӓ тӹлец тӓмдӓм вырсыш пӹтӹрӓ!!!

Иӓнгшӹ пикшвлӓм йӓнгвлӓшкӹдӓ колта...

Йӱкшӹ тӹтӹрӓм пыт шӓрлӓ дӓ шолта...

Кид доно йалдам виктӓрӓ - Керемет!

Шӹдӹ дон пыт темеш Кого каремет...

...

Тӓнгвлӓм ужнедӓ но уже тышманвлӓш

сӓренӹт нӹнӹм тӹтӹрӓ-шайтанвлӓ...

...

Вырсым тӹнгӓльӹ сытона икечӹ -

пуштыда тӓнгвлӓдӓм!!! Пӹтӹш игечӹ!

...

Вескид гӹц ӹнде тӓ токыда вел

кӓнгӹжӹмӓт толеш пиш ӱштӹ тел...

...

Тӓнгвлӓлӓн палшыкым Земля йӹрвеш

халыквлӓ погат война пӹтӹмеш...

...

Мӧzкӓн шун йалжат уже мытыкемеш...

Шыла тӹтӹрӓ - кечӹ сотемеш!

...

Ох, Кырык Сирем! Мӓгӹрен сирем -

Раскыдын уждай йӓ ирӹкӹм ирем

Окням, амасамат пачдок йӓ тӱгӹ -

шыр логӹц лӓкдӓй йӓ, анжыдок угӹц!

Шун йалан мӧzкӓ кым курым алтала,

тӓнгвлӓм тышманыш со сӓрен ӧпкӓлӓ!

Окня вашт анжыкта ӱштӹ тӹтӹрӓм,

шамнам пӹтӹрӓ дӓ тӓнгвлӓнӓн вӹрӹм

шамде йоктара!...

...

Дӓ вырсышкы колта!..

...

Тенге келтӹмӓш келтӹмӓшӹм шолта!!!

...

Пӹсмӓнвлӓ гачат тӹ урмыжмы йук шакта!

Амасадам лыпшем, окнядамат пиш вактам!

Пирӹвлӓ толыт - мӧzкӓм вел колыштыт,

мӱлӓндӹм кышкедӹт,

тетявлӓдӓм шолыштыт...