Ондрин Валька, Йынгы-Кушыргы
Камакана кого, кымда,
Пиш керӓлвлӓм ӹштӓш тымда.
Сусун-сусун тӹргӓ тылжы,
Ти сусужы курым ылжы.
Тотештӓлӹн ширӹм-качым,
Сӓкен анзык анзылвачем,
Падырештен турим-кавштам,
Цылан мычкы пӹсӹн каштам.
Теве келгӹвлӓм-коашвлӓм
Нӱштӹл шӹнденӓм руашвлӓм:
Лижӹ шукы сыкыр-киндӹ,
Авартыла ӓль шергиндӹ.
Тышкалт шӹцок йӹле кагыль,
Кид лӹвецӹн лӓк падкагыль,
Тотлы-тотлы меленӓвлӓм
Кӱэшт лыкдок тӓ,селмӓвлӓ.
Нӓрӓйӓлтӹн цилӓ вецӹн,
Шӹц вацакыш кыравецем.
Шукым-шукым ӹштен пуэм,
Ситӓ шелем, ситӓ ӱэм.
Ӹнде пӓшӓн перке каеш,
Эх, ӹндежӹ лиэш паяш!
Толда тидӹм-йӓ анжалаш,
Толда токына хыналаш!
(Ондрин Валька, "Чарли"(Йошкар-Ола,2008) книгӓ гӹц, 48 стр.
Подписаться на:
Комментарии к сообщению (Atom)
-
Геннади Смирнов, Йынгы-Кушыргы Кӱшӹл шӹргӹштӹ суасламары лесник дон вӓтӹжӹ ӹлевӹ. Иван Григорьевич дӓ Анна Григорьевна - тетядеок, лач кок... -
Ондрин Валька, Йынгы-Кушыргы Ошым-шимӹм, Мажы лимӹм Кычы кӧргӹштет цилӓ: Сусу-ясы, Мӱӓн-качы Погыналтеш ач пӱлӓ. Ярла чиӓ, Вашталт...
-
Кыце тӹнгӓлмӹлӓ вӓл - когон шӱмӹм пачын-кӹдежтӓрен попынем ылнежӹ... Пиш сӹлнӹ поэзин шамак тагачы шакташ тӹнгӓльӹ - Ондрин Валькан (Вален...
Эх-х, махань яжо шамаквла,Толына,толына... Кыце вара ана тол?
ОтветитьУдалитьГотов
Лыдам-лыдам ти поэтӹн стихотворенивлӓжӹм дӓ шанем, махань позитивный корнывлӓ!Сылыкан агылеп, а именнӹ ӹняндӓрӹшӹвлӓ, пурын анзыкыла ажедшӹвлӓ!
ОтветитьУдалить