Ондрин Валька, Йынгы-Кушыргы
Мӹньжӹ малын шачынам,
Малын сӹнзӓм пачынам:
Кӱ когонжы ӱшты ин
Мӹлӓм шамде сусу лин?...
Цила вӓре йӓл да йӓл -
Кӱ когонжы вычен вӓл?
Тӹтеок лит шачшывлӓ:
Шулыканвлӓ, ясывлӓ,
Мӹнгеш-анеш каштшывлӓ.
Тӹтеок сӓй вӓрвлажӹм
Ташкат кымдан ялвлӓшты...
Ташкат шукын, партьы дон -
Кӱ кӹтӧзӹ, сӓртыдок!
Мӹнь кӹтошкӹ ам пыры,
Шӱдӹ лошты ам мыры,
Мӹньӹ шкедурешынем
Вес семӹнь келесӹнем.
Цаклыда-йӓ, ӓклӹдӓ -
Малын ак ли, ак ли ма?
Угӹц ынде ат тышкы,
Пырыделам партьышкы.
Кӱ ярата шкетӹнвлӓм,
Когонок "техеньӹвлам"?
Ужын-ужде лӱдӹшӹм,
Колыштделам шӱдӹшӹм:
Ваштарешлӓ попенӓм,
Шке чиӓвлӓм погенӓм,
Тӧрлаш цацен тӧрсӹрӹм,
Со кӹчӓлын Тӧр Сирӹм.
...Кышты тӹдӹ -
Улы ма?
Ылам иктӹ
Курыман?...
Ай-яй! Кыце раскыдын дӓ тӧрӹн келесен пумы. "...//Цаклыда-йӓ, ӓклӹдӓ- // Малын ак ли, ак ли ма?...// Ондрин Валька - тидӹ аймылтыдеок, тӧр попышы, мары поэток ылеш. Яжон сирӓ.
ОтветитьУдалить//Ваштарешлӓ попенӓм...// Кӱ ваштареш попен? Нигнамат ваштареш попымыжым колтелӓм... "...Малын шачынам...", манеш... "...Пырыделӓм партьышкы..."Кӱ ярата шкетӹнвлӓм?.." Мавлӓм тишты сирен оптен, ой-ой...
УдалитьТаня, ти лыдышым автор ӹдӹрӓшлӓн агыл сирен, тидӹм кымдаракын ынгылаш келеш. Пӱэргӹ эдемвлӓ изиш вес йишрӓк ылыт, если ӹдӹрвлӓ лач яратымаш гишӓн дӓ ӹшке цеверӹштӹ гишӓн веле шанат гӹнь, то пӱэргӹвлӓ кыце ӹшке йӹрнӓ сандӓлӹк шотан лижӹ, кыце ӹшке йӹрнӓ поратка лижӹ, политикы гишӓнӓт сирӓш яратат, тӹштӹ молнамшы эдемвлӓм дӓ ӹлӹмашӹм ӧпкӓлӹмашӓт лин кердеш. Икманаш, мары поэт Ондрин Валькаат ти стихотвореништӹжӹ ӹшке гишӓнжӹ дӓ махань анжалтыш доно тӹдӹ йӹржӹ ӹлӹмӓш вӹк анжа, тидӹм келесен.
УдалитьНина, "Мӹньжӹ малын шачынам?" тидӹ авторын пиш когон ӹшкедуреш келгӹ шанымашыжы дӓ йӹрвӓш ӹлӹмӓш вӹк тӧр анжалтышыжы. Рушла маншаш гӹнь- это его жизненная позиция, его кредо. Ведь все наверное сами себе задавали вопрос, а зачем я на этот свет родился... Для чего?... Какая цель моей жизни? Кто меня направляет? И когда человек задумывается на эту тему, он не пустой, никчемный человек и не хочет он жизнь свою прожить бесцельно, а хочет он в этой своей жизни сыграть какую-то серьезную роль, полезную для общества.
УдалитьЭдем малын шачеш? Тидӹм кӱ пӓлӓ, иктӓт ак пӓлеп, йымы веле пӓлӓ. Но пӹтӓриш вӓрӹштӹ - тетявлӓм шачыкташ, ыныкавлӓм анжаш дӓ нӹнӹлӓн ӹшке туан йӹлмӹм дӓ тӹвӹлӓм тымдаш.
Удалить