Изи пӓшӓзӹвлӓ. Измаил Ефимовын фотовлӓ.


Шур алыкышты. Кӓвӓнӹм шӹндӹмӓшӹштӹ. 1968-69 ивлӓн. Солана бригады. Когорак ӹдӹр-рвезӹвлӓ пиш палшат. Фотожы Добросмыслова Розан, лишӓшлык.

Шур алыкышты шудым ӹштӹмӓшӹтӹ. 1968-69 ивлӓн. Солана бригады. Фотожы Добросмыслова Розан, лишӓшлык. Техень сюжетӓн фотовлӓ шукы семня альбомвлӓштӹ перегӓлтеш.

Шур алыкышты шудым ӹштӹмӓшӹтӹ. 1968-69 ивлӓн. Солана бригады. Шудым авартымашышкы шукынжок ӹдӹр - рвезӹлӓ лӓктӹт ыльы. Фотожы Добросмыслова Розан, лишӓшлык. Тӹ жепӹн фотоапаратем эче уке ыльы, но ӓнят мӹньок снимаенӓм, плёнкывлӓм анжалаш келеш (мондалтеш вет).

Тиштӹ шкеӓт шалахай покашты шалгем. 1968-69 ивлӓн. Солана бригады.

Шур алыкышты шудым ӹштӹмӓшӹтӹ. 1968-69 ивлӓн. Солана бригады. Ӹдӹрвлӓ кечӹвӓл качкышым йӓмдӹлӓт. Техень пӓшӓм повыр вӓтӹвлӓ сага тетявлӓштӓт палшат ылын; кынамжы толковый ӹдӹрвлӓлӓнӓт ӹнянен пуат ыльы ти керӓл пӓшӓм.



Кечӹвӓл кӓнӹмӹ лошты ти снимокым ӹштенӓм. Рвезӹвлӓ мадашат веремӓм моныт. Шур алыкышты сек остатка гӓнӓ шудым ӹштӹмӓшӹтӹ 1973-75-шӹ ивлӓ лошты. Солана бригады.


Рвезӹвлӓ шке бригадыш, алыкыш шолшы вӹд вӓр гӹц вӹдӹм кӹртни пецкӓэш имни араваэш шыпштат. Утла нелӹ пӓшӓ агылат, рвезӓшвлӓлӓн ти пӓшӓм пуат ыльы. Шур алыкышты сек остатка гӓнӓ.1973-75-шӹ ивлӓ лошты фотом ӹштенӓм.

Кырык мары тетявлӓлӓн мадмы лошты тоны соок маханьы гӹнят пӓшӓ лӓктӹн миэн, когораквлӓлӓн палшыде ӹлӓш ак ли ылын. Теве ик-кок сюжетым пыртем.
Генай: Мӹнь тенгеок изи ылмем годым карем вӹдсӹнзӓ гӹц пел-ведрӓ рӓдӹ темен вел канден кердӓм ыльы. Кечӹ гыц 15-20 гӓнӓ каремӹшкет валаш вӓрештӹн.Ай-яй!!! Пиш когон орланен каштынам кынамжы. Йӓл тетявлӓ Йынгы тӹрӹштӹ колым кычен каштыт, нӱштӹлӹт, а мӹнь - вӹд вачкым темӹшӓшлык ылынам...)))
Альбина Курилова: Вӹдвӓрӓжӹ - кужы. Мӓӓт изинӓ годым тенге Изи вал - Кого вал карем гӹц вӹдӹм намалынна.

Калявонгым постарат.
Имни вӹлнӹ кыдалаш - пиш яратена ыльы, пӓшӓжӓт нелӹлӓ чучте. Сурский совхозын нырышты 1970 ивлӓ тӹнгӓлтӹшӹн снимаенӓм.
Мынастир пӱӓштӹ колым ӓнгӹрӓт.

Вот теве кыце рвезӓшвлӓ имним кӹцкӓтӓт дӓ пӓшӓш лӓктӹт ылын.

Имни крӓпляш когорак рвезӹвлӓм шӹндӓт ыльы. Тожы яратымы пӓшӓ ыльы. Кӹзӹтӓт эче техень крӓплявлӓм ныр-алыкышты шоэн ужаш лиэш, но имнижӹмӓт ӹнде солашты почти ужаш ак ли.
Шуды капнавлӓм кӓвӓнлӹмӹ годым тенге кӓвӓн вӓрӹш шывшын канденнӓ.

5 комментариев:

  1. Ка*нгыж кечы сы*лны,-
    Шы*нзем имни вы*лны.
    Пы*лгом симсы, ире,
    У*лны - ыжар сирем.

    Ида мамышты мы*лам:
    Имни миа лишкыла.
    А сагажы шим цама,
    Мадмыжы шоэш, тама.

    Кыдал кеа то*ргышдон -
    Имни шу* гы"ц ты*ргештет!
    Кыргыж миэм цама лиш:
    "Ио-ио-ио-ио-их!"

    ОтветитьУдалить
  2. Кечы мычкы тидын верцын
    Кидвла шамде шымыт:
    Лыктат иктым рок лы*вецын -
    Ла*ктын вазеш кымыт.

    Тури,картук да роколма -
    Ох-ох-ох маняры!
    Мы*нгеш-анеш каштеш кольмы,
    Шалгаш так акъяры.

    Улы-улы тене перке,
    Поген веле шокты.
    Ира,Саша,Оля,Серге,-
    Икты-весым покты!

    Тури кого, картук ошы,
    А махань околма!
    "Мо*ска ганьым улы мошы,-
    Ты*ньжы тишкы толма!

    Ныр покшалны,йонгы вы*лны
    Кеа" пы*сын паша.
    Эх, маханьы тишты сы*лны,-
    Ы*лымашна ца*шан!


    Ондрин Валька, Йынгы-Кушыргы

    ОтветитьУдалить
  3. Тау, Валькы! Лыдышвлäэт мäмнäн тетя годшы ӹлӹмäшӹм пиш äшындäрӹктäт...

    ОтветитьУдалить
  4. Изи па:ша:зы:вла: гиша:н архивыштыш фотоснимоквла:эм "Кырык мары ылына" страницыш пырташ ты:нга:ла:м. Кера:л кадрвла:м пакылажат тишкы: пыртен керда:т. Кы:зы:т архивем цифровой форматыш сканируен вашташ ты:нга:лы:нам. Интересный тоштырак фотоснимоквла:м момы семы:нь анжыкташ со:рем, пакылаат вычы.

    ОтветитьУдалить
  5. Тау, Измаил! Изин-олен ӹштем)))...

    ОтветитьУдалить