Пал Генай, Йынгы-Кушыргы
Тевеш, Америкышты тене, Финн-Угр халыквлӓн культуры 2026 рӱдолам пачыныт. Тидӹ Хэнкок лӹмӓн халам Мичиган штатышты айыренӹт.
18 июньын тӹштӹ Suvefestival Juhannus Suurjuhlat (тенге финн йӹлмӹ дон сирӓлтеш) лӹмӓн кечӹ пӧртӹлмӹ айом эртӓрӓт.
Мӹнят тӹш кырык марын шӓлӓм колтенӓм.
Пӹтӓри сирмӓшӹм сирӹшӹм - цилӓ лыдышвлӓэм дон шайыштмашвлӓм-ӓшӹндӓрӹмӓшвлӓм ик пешӹреш постарен кудышкышкы шӹнден кодышым. Пыргедӓш тӹнгӓлӹнӹт векӓт - компьютырем шотла токо. Шанеда гынь теве тӹ сирмӓшем англин йӹлмӹ дон сирӹмӹ. Руш йӹлмӹш куштылгынок "вуйдымы ышым" (Artificial Intelligence) кычылтын ӹнде сӓрен кердӹдӓ - Copilot, Meta, ChatGPT пӹсӹнок сӓрӓт.
Лыднедӓ гӹнь тиш темдалдок.
Ӹжӓл - кырык марла пока вуйдымы ышет хударакын ынгыла.
Тагачыжы КУШЫРГЫШКЫ ТОЛАШ МАНЫН видеом токышты колтышым - https://youtu.be/G7BFXYRbu8E . Тидӹм 2017 ин симаен лыктым, но пыйырт уэмдӓрӹшӹм - мырым англин йӹлмыш сӓрӹшӹм - видео лӹвӓлӓн пиштӹшӹм.
Анжалдок! Ӓлдок ротньык халыквлӓ сагарак пижӹн ӹленӓ!
Тау!
Комментариев нет:
Отправить комментарий