Пал Генай, Йынгы-Кушыргы
Кӓнгӹж шӹльӹ - шӹжӹ тольы.
Йурын-йурын пӹлгом шольы.
Йыдым шижӓм - комбы кек
Йукын чӱктӓ шокшы век...
Йурын-йурын пӹлгом шольы.
Йыдым шижӓм - комбы кек
Йукын чӱктӓ шокшы век...
Комбы-комбы - ылам шонгы
Тел вашт вычен шоам вӓл -
Шошым йонгын шӓрлен онгым
Тӹньӹм вӓшлин кердӓм вӓл
Лымвлӓ кӱшыц ӱлӹк валат,
Укшвлӓш пижыт йалавала.
Тӓгӱм ӱжӓм ивлӓ гач -
Шим капканам мӹлӓм пач...
Тӓгӱ йукдеок ынгыла -
Капкам пачеш кечӹвӓлӹн.
Ужаш цацем — шӹлеш-шыла -
Пӧрт лӹвӓк сыралан вален?
Большак Валька — тӓгӱм ужат?
Ак пыр гыце ӹнде пӱжӓт?
Йара-йара, хайзи ам лиок
Мӹньӹм ит лӱд — хозаланок...
Мӹлӓм тишец - тангыж гач
Пӧртем каеш пиш цевер
Тӹньжӹ сӹнзӓм пач-ит-пач -
Сойток ак пачылт кӹвер...
Тенге ӹлӹмӓш вашталтеш -
Ик кишӓш кок йал ташкалтеш
Иктӹ эртӹш корны мычкы,
Весӹ толшым цаца пӹчкын...
