Пал Генай, Йынгы-Кушыргы
Шергӓкӓн халык! Первиш тетя мадмашвлӓм ӓлмӓдӓ ӓшӹндӓрӓлнӓ. Ӹнянӓшӓт акли, 30-50 и перви кырык мары тетявлӓн ӹлӹмӓшӹштӹ кӹзӹтшӹ гӹц пиш айыртемӓлтӹн. Тагачы тетявлӓ компьютырышты ик парня доно мадын ӹлӓт, кӓпӹштӹ акат янгылы. Первиш тетявлӓжӹ каремвлӓ мыч ньоцок пӱжӓлтмеш, моч гӹц кемеш мадыныт. Мадмашвлӓ гач нӹнӹ кырык мары ӹлӹмӓш дон йӹлмӹм яжоракын ынгылаш тӹнгӓлӹнӹт. Шукы йиш мадышла мадыныт. Тӹ мондымы мадмашвлӓм тишӓк ӓшӹндӓрӓш дӓ постараш цаценӓ - тӓжӓт палшедӓ гӹнь, пиш кого тау!
Цӱдеем. Эх,тетявлӓнӓ техеньы ылыт ылгецӓт...Тидӹжӹ вет сӹлнӹшаянам виӓнгдӹмӓш корны. Пушкинӹн ыдыркалымы корнывлажӹм ӓшӹндӓрӹктӓ. Тау, Генай, тӹнь тамамат тумаен лыктат, тӹлӓт ӓнят учитель профессим айырымыла ылын?
ОтветитьУдалитьПуры шамакетлӓн тау, Валька! Тымдышын пӓшӓ мӹлӓм пиш нелӹлӓ чучеш. Йоласал школышты лач кок тымдышым вел чоте яратенӓм. Весӹвлӓжӹ ти пӓшӓм ӹштен воксьок мыштыделыт... Лӹмвлӓм ам сирӹ - ӧпкӓлен ӹнем попы...
ОтветитьУдалитьТи изи лыдыш шотеш мам манаш лиэш? Мӹнь каллиграфи йиш мадмашым пыйырт тӹнгӓльӹм. Почеркем соок худа ылын, а кӹзӹтжӹ кид доно воксьок ам сирӹ. Но шонгеммӹ семӹнь кидӹм тренируяш келеш маныт - седӹндон каллиграфи мӓлӓннӓ яжон палшен кердеш. Школышты вет цилӓн чистописани урокыш каштынна, ане? Вот мынь эчеӓт тӹшкок кашташ тӹнгӓльӹм. А лыдышым сирӓлтӓш самыньвлӓм тӧрлӹдеок - тидӹ ышым пӹсӹмдӓрӹмӹ упражнени ылеш... Ти лыдышемжӹм тӧрлӓлтӹмлӓ седӹ. Ӓнят варарак...