Пал Генай, Йынгы-Кушыргы
«Кышкы анжет сынзӓм карен, кышкы - чӱчӹн?» -
Шонгы тӓнгӹм ядым шужгыш тангыж гач.
- Амат пӓлӹ? Тамам ужам, тама - чучын...
Тыргыж коэм цӓртем кӧргӹш шӹлӹн лач...
Кугижӓн окняшты ужам иктӹм -
Шокшы кӓнгӹж, цевер туан вел...
Косир диктор у тыгырым виктӓ -
Чиэм, лӓктӓм... Ӧрӓм! Тӱнӹ - тел!!!
Сӹнзӓм чӱчӓм - лӱдӹктӹш тӹтӹрӓ
Кӱшӹц вала халык корны вӹк...
Кок вуйан кек вуйвлӓ кӧргӹш пыра
Шамым качкын кушкеш уждым кек...
Сола мычкы колам пӹльдӹр йукым -
«Котим каля поктылеш ирвец!»...
Саслен пыртат пӧртӹш кайдым сӱкӹм -
«Мӧскӓм шыра кӹзӹ вадывец!»
Кырык Сирӹм пӓлдӹртенӓ мырен
Айо шӓрлӓ и гӹц иш - йӹрвек...
Мары йӹлмӹм мыры кӧргӹш шырен
Сӹлнӹм пӹзӹремдӓ уждым кек...
Йыдпел шамак туан вӓрӹш пыра
Кугижӓн окняшты кок вуян кек вел
Туан окням чӱчеш чӹнь тӹтӹрӓ
Важна кошкен ак ям вӓл, шӱмбел?..
...Шонгы тӓнгем йукым лыкташ цӓрнӹш
Вуйым сӓкен тагыш пырен кеш...
Тангыж гач сӹгӹрем – «Толеш кӓнгӹж!
Ит ям – вӹдӹм кӹшкӹмлӓ йӹрвеш!!!»
Тиок веле ужын колтышым ти лыдышым.Ай-яй, кыце сирен шӹндӹмӹ. "Кышкы анжет сӹнзӓм кӓрен, кышкы ЧӰЧӸН?" Тӧрӧк тидӹм шӹм ынгылы. ЧӰЧӸН... Анжет сӹнзӓм кӓрен, кышкы- чӱчӹн. Ядым тӓнгӹм шужгыш тангыж гач. Тиштӹ тенге ынгылаш келеш ма: Ик яжо эдем вес яжо тангжӹ гӹц тангыж гач ядеш- кышкы тӹдӹ анжа чӱчӹн. Мам чӱчӹн? Тевеш амасам чӱчӹт, а эче вес семӹньжӹ- ЧӰЧӒТ, ражтат, тевеш вуйжыр доно моло ражтат ял кавалым(мижгемӹм тумыштымы годым). Чӱчӓт, пролат... А-а, иктӹжӹ тагыш-ӓнят анжен шӹндӓ сӹнзӓжӹм карангдыдеок, вуйта анжалтыш донжы тамам прола. Икманаш, тӓгӱм кӓпшӹ гач ЧӰЧӸН анжа. Тенге ма? Ой! тенге агыл векӓт. Кӹзӹт веле ышем пырен кеш. СӸНЗӒМ КӒРЕН, СӸНЗӒМ ЧӰЧӸН. Тамам ужам, тама чучын...Вот кыце автор сирен ылын. Тӧрӧк атат шиж. Ӹнде цилӓ раш лин колтыш. Пакылаат цилӓ лыдын лӓктым. О-о, пиш ышан сирӹмӹш дӓ цилӓок толкеш толеш. МӦСКӒМ ШЫРА КӸЗӸ ВАДЫВЕЦ... Тидӹм эче тӧрӧк шым ынгылы...А-а, мӧскӓ тидӹ Российын символжы вет. Рушла маншаш гӹнь: Запад Россию постоянно вуйта ножом колет, козни строит. Ынгылышым ӹнде. Ой, махань ӧрӹктарӹшӹ лыдыш, анжет гӹнь. Йӧнӓн. Мам келесӹшӓш. Кердеш Генай, пиш кердеш сирен. Пиш кӱкшы мастарлык дӓ чоте ышан сирӹмӹ.
ОтветитьУдалитьТыргыж коэм цӓртем кӧргӹш шӹлӹн лач? Тидӹм нелӹ ынгылаш. Эче: Сола мычкы колам пӹльдӹр юкым - "Котим каля поктылеш ирвец!" Эче Мары йӹлмӹм мыры кӧргӹш шырен, Сӹлнӹн пӹзӹремдӓ уждым кек... Нелӹ ынгылаш.
Удалить