Владислав Самойлов
Жепӹн корным каштамат,
Ши шӹдӹрвлӓм ӓнгӹрем -
Шкедурешем ваштылам,
Шкедурешем мӓгӹрем.
Эдем ясым пӓлемӓт,
Худам шанен ам мышты.
Котомкаэм нӓлӓмӓт,
Кишӓм кодем тагышты.
Эртен кешӹ жепӹштӹ
Ӓш дон лиӓш ясы ма?-
Пилӓ шалгем цепӹшты:
Соэшок сарасымы...
Ой, ашкедмӹ корныжын
Малан келеш кужыжы?-
Ӹжӓл изи кормыжым
Шӓвӓлтӓлӓш пурыжым...
Ашкед кешӓш пакыла,
Тӹтӹрӓвлӓ лошкыла -
Мыралталшаш лагыла,
Шужгалталшаш ошкыла.
Цӓш ганьок яратышаш
Ӹлыштӓшвлӓм ӓшыштӹ...
Соэшок ыжатышаш -
Жеп гӹньӹ вилӓшӹштӹ.
Кечӹ аяр лаштыкла
Соты шӱмемӓт ӹрен -
Шкедурешем ваштылам,
Шкедурешем мӓгӹрем.
Владиславын ти лыдыш шамаквлӓэшӹжӹ Виталий Салдушкин пиш яжо мырым сирен. Виталий Салдушкин 18.01.1947 ин Виловат монгыр Тьопай солаэш шачын- 19.10.2002 ин уке лин. Ӹжӓл, веремӓ шодеок, нелӹн ясыланымы паштек колен кен.Виталий шукы йиш талантан эдем ылын. Казань консерваторим пӹтӓрен, мырывлӓм сирен, пьесывлам шӹнден,а эче ик жеп тӹдӹ "Сила" футбол командым вуйлатен, тӹнӓм ти команды пиш яжон мадын,Виталий Салдушкин гишӓн Игнатьев музейӹн материалвлӓжӹ гач эче пӓлен лӓктӓш лиэш.
ОтветитьУдалитьСалдушкин Виталий Михайлович эче Виловат музыкальный школын директоржы ылын.
УдалитьВладиславын ти стихотворенижы шедевр манаш лиэш. Мырыжат яжо. Ти мыры ик мыры конкурсышты по-моему даже тамахань призым налын ыльы.
ОтветитьУдалить