Пал Генай, Йынгы-Кушыргы
Изи́ ныр ка́рем гӹц Його́р лык ка́ремӹш?
Йымыдылмы нер доцын Йымын йӓр лиш?
Йымын йӓр ли́дӹ гӹц Кӹне нер каремӹш?
Кого ӓнгӹр кӓрем гӹц Ку́жы ли́дӹш миш?
Кыва́ куды дорц Кӹневи́чӹ ка́ремӹш?
Кӹневи́чӹ гӹц кыргыж Марташ ли́дӹ лиш?
Михи́выр ка́рем доно Они́ колемӹш?
(Опанаси́ ныр ка́рем - Куды вӓр лык ка́рем?)
Паза́р лык - Поте́р лык - Пеке́т ли́дӹш лӓк?
Пыжи́ лык мыч лӓктӹн Серге́н ли́дӹш валем?
Тада́р ка́рем гӹц Танилӓн (ка́ремжӹ) келгӹрӓк?
Цӓпи́ ли́дӹ, Це́ркӹ кӓрем, Чугу́н лык - анжал...
Шӹльӹ кӹвер Якша́р ӓнгӹр гач вашта вӓл?
Эче ти сола лишӹл вар лӹмвлӓм пӓледӓ гӹнь (Л.П.Васикован лӹмдерӹштӹш акситӹвлӓм) — тиш сиремӓдӓ!
Шергӓкӓн халык! Первиш тетя мадмашвлӓм ӓлмӓдӓ ӓшӹндӓрӓлнӓ. Ӹнянӓшӓт акли, 30-50 и перви кырык мары тетявлӓн ӹлӹмӓшӹштӹ кӹзӹтшӹ гӹц пиш айыртемӓлтӹн. Тагачы тетявлӓ компьютырышты ик парня доно мадын ӹлӓт, кӓпӹштӹ акат янгылы. Первиш тетявлӓжӹ каремвлӓ мыч ньоцок пӱжӓлтмеш, моч гӹц кемеш мадыныт. Мадмашвлӓ гач нӹнӹ кырык мары ӹлӹмӓш дон йӹлмӹм яжоракын ынгылаш тӹнгӓлӹнӹт. Шукы йиш мадышла мадыныт. Тӹ мондымы мадмашвлӓм тишӓк ӓшӹндӓрӓш дӓ постараш цаценӓ - тӓжӓт палшедӓ гӹнь, пиш кого тау!
Подписаться на:
Комментарии к сообщению (Atom)
Пӓлӹдӹмы лӹмвлӓ, лач ик "Йымын йӓр" веле туанла чучы. Мӓмнӓн солана лишнӹ Кого Лидӹштӹ улы ыльы техень йӓр, тӹ йӓрӹм лым вӹд дӓ юр вӹд веле темен миэнӹт, седӹндон векӓт ЙЫМЫН ЙӒР маныныт.Эче теве Когоӓнгӹр карем тожы солана лишны улы.А махань сола лишӹл вӓрвлӓ гишӓн сирӹмӹ- ат пӓлӹ гӹнь, ат пӓлок.
ОтветитьУдалитьВалька, лачок вет! Ӹшке сола лишӹл вӓрвлӓм вел шукынжок яжон пӓлӓт. Но, ти солажы Йынгы-Кушыргы гӹц воксьок мӹндӹр агыл... Мӓмнӓн блогыштына ик ӹдрӓмӓш тӹшец ылеш - пиш яжон ти вӓрвлӓм пӓлӹшӓшлык ылеш...
УдалитьЛыддерак эче тама, но Кырык Сир ӹлӹмӓш гишан чоте лыдаш ярата - яра вычалына ӹне тӹдӹм...
Яра, тӓнгвлӓ, пакыла ӓлдок ӹне кенӓ. Тидӹ Пистерлӓ лишнӹш вӓрвлӓ гишӓн лыдыш. Лӹмвлӓм Васикован лӹмдер гӹц айырен лыктынам. Но, пистерлӓ ӹлӹзӹвлӓжӹ ти спискым ярыктат вӓл? Ӓль эче вес лӹмвлӓм лӹмдерӹш привайымла???
ОтветитьУдалитьӸнде вес сола гишӓн изи лыдыш-тыштым сирӹшым - сирмӓшвлӓдам вычем...