Геннади Смирнов, Йынгы-Кушыргы
Шӹжӹм, ик рушӓрнян, тупешем кого котомкам тупыртен пуэн, ӓтям мӹньӹм Сӓвӓль Кыстанти докы колта ыльы. Тенге лиӓлтӹн и гӹц иш - тӹ намалтыш дон мӹнь кудвичӹ гӹц лӓктӹн кажланыш корны дон Сприлыкна мыч клуб докы ашкедӓм ыльы. Тӹшец, Изи лык вашт Кого лыкыш лӓктӹнӓм, вара шалахайыш сӓрнӓлӹн - Ӱлыкыш (Ӱл лыкыш), сек кӓта пӧрт якте валенӓм. Тевеш тӹ изи пӧртшӹ - вуйта кӹзӹтӓт сӹнзӓэм анзылны... Пӧртжӹ пиш тошты, ик векӹлӓ тӹрӹнялт шыцшӹ ыльы.
"Пырок! Пырок!" - кӹчӓкӓ йукым колын амасам пачам дӓ тавак шӹкш лош пырен шагалам...
Ой-йой! Когон цаткыды ыльы тӹ тавакжы - тӧрӧк кахыраш тӹнгӓлӹнӓм. Кыстантиэт тидӹм ужын цигӓркӓжӹм йӧртӓ дӓ камака анзык, пелтӹш лош шуен колта. Анзылныжы когон кӹжгӹ "бухучет" книгӓ киӓ. Тагынамшенок тӹ книгӓш Кыстанти тамам сирӓ да сирӓ... Чернилан кырандаш дон, - йӹлмӹ шимеммеш шӹвӹльтен тӹдӹм... "Кынам пырет гӹнят - со книгӓжӹм сирӓ!" - пашкудывлӓжӹ тенге попенӹт. Ӹшкежӹ со пиш кымылын хытыра, ӹлӹмӓш гишӓн, дӓ манеш-манешвлӓжӹмӓт ядыштеш. Ваштыл-ваштылын ӹшкӹмжӹн потикӓ ӓшӹндӓрӹмӓшвлӓжӹм шайыштеш...
Икӓнӓкӓт мӹнь тӹ Ялтым Кыстантим ойхырышым ӓль сылыкланышым ужделам...
Теве, ӹнде цилӓн лыдын пӓлӹшдӓ - Ялтым Кыстанти гишӓн тагачы ӓшӹндӓренӓ. Кок ялге ямден Сӓвӓль Кыстантиэт. Тагынамок, "ерманскийӹштӹ", - тенге солаштына попат ыльы. Кугижӓн армиштӹ немӹц ваштареш кредӓлӹн дӓ тӹшец вуйта ялдеок толын. Тенге ӓль агыл, но вес статянжат попенӹт - вуйта Кыстанти ялжым Йылымбалны ямден. Тагынамок "узкоколейкы" кӹртни корнышты ровотаен, дӓ пӓшӓ паштекет енгӓ-вӓтӹвлӓ дон тӹшкӓ лӹвӓлны чоте подылаш яратен тама. Вот икӓнӓ кӹртни корны торешок вуйта йӱкшӹ лин колтенӓт амален кен... Но, кыце лачокжы лин - тагачы тӹдӹм мӓ пӓлен ана керд.
"Тиш йӓстӓрок!" - пӧкен анзык анжыктен. Мынь тӹш мешӓкем гӹц худаланыш мижгем дон тьосынгывлӓм лыктын пиштенӓм. Ялвындашвлӓм тумышташ, кавалвлӓм шарга лаштык дон цаткыдемдӓш. Ти пӓшӓм Кыстантиэт когон яжон ӹштен мыштен. Седӹндон ялвыргем тӧрлӓш токыжы шукынок толыт ыльы да пӓшӓ тӓрешжӹ пыйырт оксам тӱлӓт ӓль тамахань качкышым, кыдыжы - ӓрӓкӓм канден пуат. Вот мӹньжӓт шӹжӹм - мижан ялвыргемӹм, шошым - шарган, кирзӹн ӓль резин кемвлӓм, ботинкывлӓм канденӓм.
Изирӓкем годымжы ти корны мыньлӓнем когонок проста ылте - кого саснавлӓ тамам мешӓкӹштем шижӹн налӹтӓт нерӹштӹм тупышкем шырен мӹньӹм лӱдӹктенӹт. Костан пивлӓ капкавлӓ лӹвӓц ӓзӹрен гань шӹдӹн оптат, кыдыжы тагышец кыдал миӓтӓт ял вурдышкем вот-вот кечӓлтӹт. Цаткыды нерӓн, кужы шӱан комбывлӓ кагаклен то чӹнгӓш, то шылдыр дон лыпшаш цацат... Осовын костан комбывлӓ Тихона Веняминӹн пӧрт ваштареш кого ляврӓ лаксышты вуйта со мыньӹм вычен шӹнзенӹт. А Ерохын Валенти оголыштыжы кого сасна со ньыргыж шӹнзӹш - со качмыжы шон векӓт...
Кыстантиэт корнем мыч ужмы лиӓлтмӓшвлӓ гишӓн мӹньӹм со ядыштын: "Македон ваштарешжӹ маняр комбы тӹньӹм чӹнгӓш цацевӹ маньыц? Лекандырын комбывлӓжӹ ӹш тӹкӓлеп ма?... Карем лапеш пыдыргыш трактыржым эче тӧрлӹделыт ма?.. Веняминжӹ арава дон кеш маньыц? Кышкыла кыдальы - цаклышыц?"
Вара пыйырт вычалаш ядешӓт кырандашжым шӹвӹльтен "бухучетыш" тамам сирӓлтӓлеш. Тӹ жепӹн мыньжӹ Лёнит-ыныкажы дон кол ӓнгӹрӹм гишӓн попалтеннӓ - коктынат Йынгы тӹрӹштӹ кечӹ кыт ямаш яратенӓ ыльы...
Кыстантиэт трӱк шая лошкына пыра дӓ эртӹш жепӹн кол кычым гишӓн шайыштын.
"Солана ваштареш Йынгышты кым вӹд вӓкш пӱӓ ылевӹ! Сек когожы Ольгын лыкышты! Ольгы лӹман ӹдрӓмӓш хозажы ылын. Тӹдӹм комуниствлӓ раскулачиваенӹтӓт тагыш ямын - амат пӓлӹ! Тӹ пӱӓштӹ коллоэцвлӓна пышвлӓм ижӹ кычылтыныт. Кого пӱӓ ыльы... Чоте шукы, цилӓ йиш, кол тӹштӹ ылын! Сазан-ӓнгӹретжӹм тӹнӓмшенок тенге лӹмдӓт вет. Тӹ ӓнгӹр лӓкмӹ вӓрӹштӹ сек кого сазанвлӓм кыченӹт! Вес пӱӓвлӓжӓт когон колан ылыныт. Кокшыжы сасна фермӹ ваштареш ыльы. Кӹзытӓт вӓрӹштӹжӹ сир гӹц лӓктӹн шим пренявлӓ кечӓт. Ужында вет? Кымшыжы Кого йӓмӹштӹ, Кожваж дон Изи Йынгы ушным вӓрӹштӹ ылын. Хозавлаштӹм тагыш ыдырен кенӹт - иктӓт ак палеп! Революци!!! Хозадежӹ нимаат курым ак перегӓлт ане? Шылыш лым вӹдӹм шошым ат йоктары гӹнь тӹ вӹд погынаат пӱӓэтӹм сӹмӹртӓ! Тенгеок и лиалтӹн! Кого лыман тел паштек шошым пиш кого вӹд кузышат цилӓ пӱӓвлӓм урын валтыш. Рушт-рушт-рушт, костан вӹдет кым пӱӓге ик кечӹгыт урын шӓвӹктӹш! Техень "революцим" ӹштӹш! Тӹнӓмшен Йынгына ирӹк лин колтыш, незер хресӓнь ганьок... Колжат тӹнӓмшен пӹтӹш... Сазан-ангӹр! Потикӓ ане?! Колжы уке, лымжӹ улы! Ээххх-эх-эх!!!" - ти шая дон Кыстанти трӱк вӹлкем пӹсӹн анжальыат шайышташ цӓрныш. Изи ылынам гӹнят чоте ынгылышым - тӹнӓм утым попаш ак яры ылын!
Кыстантин ыныкавлӓжӹ, Лёнит дон Зоя, тӓнгвлӓэм ылыныт. Нӹнӹ ӓвӓштӹ дон Звениговышты ӹленӹт, кӓнгӹж каникулеш вел солашкына толыныт. А когорак лин колтымыкышты Кыстанти сага, тошты пӧртӹштӹжӹ нӹнӹ плоток ӹлӓш тӹнгӓлевӹ дӓ мӓ иквӓреш шӹренок Йоласал школыш каштынна.
Тагачы тӹ мӹндӹр ямшы жепӹшкӹлӓ анжен мӓ ӹжӓлӓен вел кердӹнӓ. Вуйта тӹнӓм вӹджӓт начкырак ылын, сиремжӓт жаргырак, лымжат ошырак...
Ойхыжат ойхырак...
Сӓвӓль (Савельев) Кыстантин ӹлӹмашжӹ пиш когон нелӹ ылын седӹ - ялдымы кодмык кыце ӹлет? Но! Тӹ бухучет книгӓжӹ дон шывӹльтӹм кырандашжы Кыстантилӓн вуйта кок цаткыды ял ылыныт! Кыш шанен - цилӓ велкӹ нӓнгенӹт! Дӓ ӹлӹмашжӹм чоте сӹлнештӓрен кужыктенӹт!
Сӓвӓл Кыстантим мӹнят ӓшӹндӓрем, хотя ужаш ик гӓнӓ лач тӹдӹм ик сӱӓнӹштӹ веле ужынам: тӹдӹ, йӱкшӹрӓк, йӹрен-ваштылын пу савалавлӓ доно гармонь шактышы сага куштымы семӹм лочке шӹнзӓ ыльы. Мӓ, изивлӓ, седӹ, турежӹ погынен шагалын, ышмам кӓрен шалгеннӓ. А тӹдӹ, шутяла, кидшӹ доно кырмалтен, куштымы семешет мӓмнӓмӓт севӓл колта ыльы, ик гӓнӓ мӹньлӓмӓт тӹкнӹш. Леонид доно Зоя ыныкавлӓжӹ, мӓ гӹцнӓ 6-7 иэш когораквла ылыныт,сагана мадделыт седӹ, но мӓ ужынна нӹнӹм со клубыштат,спорт- физкультуры мадмашвлӓ годымат, колхоз пӓшӓвлӓштӓт. Тӹнӓм вет, 60-шы ивлаштӹ твист, клёшвлӓ, вуй-ара причёскывла ӹдӹр-рвезӹвлӓн йӓнгыштӹм аздаренӹт,дӓ нӹнӹ шукынок тӹ модыш шоаш цаценӹт, шукерды агыл тагыльген шӹцшӹ фуфайкы доно мыльген каштыныт, а теве болоневый плащвлӓ-курткывлӓмӓт кыды-тидӹжӹ чиӓш тӹнгӓлевӹ.
ОтветитьУдалитьМане,Ялтым Кыстантиэт, ялжым лачокат войнашты моло ямдыде, вет войнашты ямден ылгецӹ, пенсимӓт яжом нӓлеш ылын( 1 группа), ӓшӹндӓрӹ доко, тӹньӹн пашкудеток, Руш Яшы Авдонькин гишӓн, тӹдӹ яжо пенсим нӓлӹн,тӹдӹлӓн оксам ӹштӓш дӓ нимат тумыштылаш ак кел ылын.Но мам вара Ялтым Кыстанти сирен ӹшке кӹжгӹ амбарный книгӓэшӹжӹ? Кӱ пӓлӓ...Но икӓнӓ солашкына толын ылын кырык мары филолог Виталий Акцорин, тӹдӹ кырык мары ямаквлам поген, дӓ вет кок ямакым тӹдӹлӓн Кыстантин пашкудыжок, Кашуть Леонид шайышт пуэн,кыды Кыстантиэт дорц мӹндӓрнӹ агыл ӹлен, тӹнӓм Кыстантижӹ уже колен ылын. И вот мӹнь шанымаштем, тӹдӹн книгӓжӹ гӹцок тӹ ямаквлӓжӹ нӓлмы агылеп вӓл?...
Мане, первишӹ эдемвлӓ нигнамат иктӓт пӓшӓде шӹнзӹделт, цилӓн тамахань-ӓнят кид пӓшӓм ӹштенӹт: иктӹ плотник, весӹ ыргызы, весӹ мижгемеш тумыш-кавалвлӓм шӹндӹшӹ. А вот мӹньӹн ӓвӓм шке тьосынгы-мижгемвлӓм йӧрӓ ыльы дӓ мӓӓт, тетявлажӹ, тӹдӹлӓн кердмӹ семӹнь со палшеннӓ.
Мам тиштӹ келесӹмӹ шоэш: Генайын шайыштмашвлажӹ ӹнде ик изи книгӓланӓт ситӓлык линӹт, нинывлӓ изиш тӧрлӓлтӓлаш дӓ шачыкташ келеш ылнежӹ. Кӱлӓн кыце ам пӓлӹ, но Кушыргы эдемвлӓлӓн - тиды пиш яжо пӓлӹк линежы.
Ондрин Валька, Йынгы Кушыргы солаэш шачын кушшы рвезӹ.
Генайын сирӹмӹвлажӹм ИЗИ ГОДШЫ ӒШӸНДӒРӸМӒШВЛӒ манаш лиэш, техень ӓшӹндӓрӹмӓшвлам Николай Егороват сирӓ ыльы, тӹдын техень книгӓжӓт улы-"Цӓрӓяла жеп". Но Генайын сюжетвлӓжӹ, йӹлмӹжӹ дӓ орфографижӓт йӓл дорц айыртемӓлтӹт, тӹдӹ НАИВ йӹлмӹ доно сирӓ,вет НАИВ тидӹ тетян сӹнзӓжӹ, тетян ышыжы дӓ тетян попымыжы ылеш дӓ Генайын сирӹмӹжӹлӓн чоте ӹнянӹмылӓ.
ОтветитьУдалитьГенай, ПАЛ ГЕНАЙ(Павыл Генай) псевдонимӹмӓт нӓлӹн кердеш ылнежӹ, тидӹ пиш яжо псевдоним,а ПАЛжы- эче мӹндӹрнӹшӹ ганят шакта.
Кого тау, Валька, пуры шамакетлӓн! Книгӓ лыкташ ирӹ, дӓ пецӓтлӹм книгӓ кӹзӹт халыклан когонжок акат кел векӓт. Reader, tablet, smartphone - ти йиш хӓдӹрвлӓ пумагам, шӹргӹм перегӓш палшат дӓ книгӓ лыкмы оксажымат...
ОтветитьУдалить"Пал Генай" псевдонимӹм чоте ярыктем! Яжон шакта ӓӓ?! Тангыж гач ижӹ))). Форумвлӓштӹ "Чаломкин" лӹмӹм кычылтам - шачмы солаэмжӹ Салымсола ылешӓт...
Сӓвӓль Кыстанти гишӓн. Тӹдӹ вуйта ялдеок "ерманский" вырсы гӹц толын маныт ыльы сӓй. Пӹтӓриш вырсы гӹц, кыды лиӓлтӹн революци анзыцок. Ӓшӹндӓрӹмӓшем семӹнь тӹдӹ шонгы ыльы - иктӓ 60-65 и кытла векӓт. Сӓмӹрӹк жепӹн руш кугижӓ армиштӹ служен кердӹн. Ӓнят путыялтам, ӓнят тӧржӹ попымет семӹньок лиӓлтын...
Эче ик истори вуйем гӹц ак лӓк. Йоласалышты "революционный матрос Макаровлан" памятник улы вет? Попат ыльы: Йынгы кӹвер вӓрӹштӹ тӹдӹм "кулаквлӓ" пуштыныт. Комунист идеологи семӹнь Макаров мары халык верц кредӓлшӹ патыр ылын, а "кулаквлӓ" - мары халык ваштареш кредӓлшӹ шӹдӹ тышманвлӓ ("враги народа"). Тӹ Макаров мары халыкын остатка киндӹм "реквизируен" нӓлӹн - техень мандатжы ылын. А кӱ тетяжӹлӓн пыйырт таен гӹнь - тӹдӹм пушташ, ӓль туан сола гӹц Сибирьӹш колташ - техень мандатжат ылын...
Пиш когон лӹмвлӓм пӓлӹмем шоэш! Хресӓнь лӹмвлӓм, кӱн семнявлӓштӹ шужен-хвораен ясыланенӹт Макаровын реквизици паштек. Махань солавлӓштӹ тӹдӹ "хынален" каштын, кӱн томавлӓ охыремӹныт, кӱн тетявлӓ тылыкеш кодыныт...
Малын тӹ Макаровлан памятникӹм переген урдат?!!! Малын халык Макаровын "якшартерор" жертвывлӓн лӹмвлӓм ак пӓлӹ?!!! Лачокок ам ынгылы! Кырык Сир историн пезменжӹ кӹзӹт якте каклякан кечӓ - цилӓ кир ик монгырышты цымыренӹт. Вес монгырышкат кырвлӓм пиштӓш келеш. Нелӹцӹштӹ иканьок лижӹ...
И.О.Макаров родился в 1885 году в дер.Сиухино,с 1906 года матрос Балтийского флота, в 1918 году был бойцом Нижегородского красногвардейского отряда.Бюст в селе Еласы в честь его был установлен в 1961 году.Каждый год и поныне на это место приходят школьники и возлагают цветы. И.О.Макаров был бойцом и подчинялся воинской дисциплине, выполнял приказы...он был исполнителем. А вот то, что местные еласовские зажиточные крестьяне, в их числе были мужики и из Юнго-Кушерги,над ним учинили самосуд: избили,сбросили в Юнгу и добили потом баграми- ну это же было в самом деле убийство представителя власти, причём убийство жестокое... среди белого света и принародное.Как это могло быть воспринято властями? Эту тему в 90-е годы поднимал в газете "Жера" известный краевед Клим Юадаров, он рассуждал примерно так же, но... это тогда был глас вопиющего в пустыне.У нас никто даже не хочет вникать во всё это, не то что...да и забылось всё. В 90-е годы ещё кое-что писали, а сейчас всё вернулось на круги своя. Хотя, Геннадий прав, историю надо знать подлинно, без перевесов в одну только сторону. Но ведь, с другой стороны, если не люди, то бог всё уравновешивает. Посмотрите вокруг: где та большевистская власть, где та идеология,где те партийные деятели? Нету ничего. Вот так-то.Может быть появится ещё какой-нибудь историк-краевед, который всё обо всём расскажет по-честному.
ОтветитьУдалитьКого тау коментлӓндӓ, шотеш пиштӹмӹ Аноним! Тевеш мӹнят тӹ трагеди гишӓн кӹчӓл мом: "Здесь же, в с. Еласы, 14 мая 1918 г., в базарный день от рук хлебных спекулянтов и кулаков погиб революционный балтийский матрос, участник бурных событий 1917 г. в Петрограде, Иосиф Никитич Макаров (1885-1918), уроженец д. Сиухино Козьм. уезда." Тӹ жеп гишӓн эче тиштӹ сирӓт http://cyberleninka.ru/article/n/krestyanskoe-dvizhenie-v-mariyskom-krae-v-period-grazhdanskoy-voyny-1918-1921-godov-problemy-istoriografii-i-arheografii ...
ОтветитьУдалитьКышты, махань архивӹштӹ документвлӓ перегӓлт киӓт? Киӓт вӓл? Макаровжы вет ӹшкеджок ылте сӓй - отряджы перегӓлт кодын вара? Хресӓньвлӓжӹ ма гишӓн тӹдӹм пуштыныт? Кыце техень шӹдӹ сытона ганьок лин кердӹнӹт? Махань худам ӹштен нӹнӹлан Макаровжы? Кыце пакылажы халыкна ӹлен? Мам тумаенӹт, кӱ вуйнамат, кӱ сулыкдымы? Шукы ядыштмаш вуй кӧргӹштӹ сӓрнӓ...
ВАЛЕНТИН
УдалитьГенай, эче ик гӓнӓ, пуры лижӹ!Техень темывлӓм йонгештӓрӓш кӹзӹтӓт ак яратеп: ни мӓмнӓн мары телевидеништӹ, ни мары "У сем" журналышты, ни газетвлӓштӹ.Тидӹм тенге пыргедаш тынгӓлмӹкӹ, вет тамахань ӹмӹлкӓ вуйта тӹ большевик-коммуниствлӓн власть вӹкӹ вазын кердеш, а вет СМИ пӓшӓвлаштӹ кӹзӹтӓт тошты идеологи доно пынзалт шӹцшӹ эдемвлӓ шӹнзӓт. Тевеш, "У сем" журналлан 85 и теммӹ лӹмеш тене шошым мӹньӹмӓт телевидениш "Кырык сирем" передачыш шӱденӹт ыльы дӓ иктӓ 15 минут сиревӹ. Мӹнь литературы 90-шы ивлӓ якте цензуры лӹвӓлнӹ, ирсӓ партийный ылын, колхозвлӓ дӓ колхозниквлӓ гишан со яжом веле сиренӹт, а колхозниквлӓ фактически рабвлӓ гань ылыныт, пандыла ровотаенӹт, нигышкат вес вӓре кен кердделыт,потому что паспортым нӹнӹлӓн пуделыт, со шужен ӹленӹт, ӓнпичӹвлӓм ӓнгӹсӹремденӹт, олмавувлӓ тӓреш налогым тӱлӹмӹлӓ ылын, вара мыным, мижӹм, пайым, ӱм, тарыкым со сдайымыла,гос.займ облигацивлӓм нӓлӓш заставляенӹт, икманаш нимат тидӹм сирӓш ак ли ылын. Тенге попымывлӓэм вара цилӓ пӹчкеден шуэнӹт, лач 4 минут стихотворени лыдмем веле колтенӹт. "У сем" журналжат кӹзӹт якте со тошты идеологи инерци доно йыжна векӓт дӓ вес семӹнжӹ линжӓт ак керд. Анжалда, кӱ редколлегиштӹ шӹнзӓ: Николай Гаврилов, КПСС молнамшы обкомын вуйлатышыжы,да весӹвлажӓт цилӓн шонгем шыцшӹ,дӓ весӹвлажӓт рехенят шӹцшӹвла, кыдывлӓ шке научный пӓшӓвлӓштӹм эче Сталин дӓ Ленин лӹмӹм мактенок тӹнгӓлӹныт. Нӹнӹ истори тӧрвлӓм кӹчӓлӓш кӹзӹт пижӹт ма?.Иктӹ обиднӓ: тенге вет нӹнӹ рвезӹвламӓт мары литературы дӓ истори докы ӱкшӹктен кердӹт. А вет Иосиф Макаров гишӓн историжым такшым пиш когон чиӓлтен шӹнденӹт. Фактически Макаровым агитируяш веле колтенӹт ылын,Макароветшӹ пиш хайзиланен сӓрнен ылын маныт, йӓл анзылны ӹшкӹмжӹм пиш когоэш шотлен. Йоласал пазарышты тӹ кечӹн пӹтӓри йӓл сага ӓрӓкӓм моло подылын, а вара нӹнӹ лоошты пиш выступаяш тӹнгӓлӹн, тӹдӹн вӹк дажы политика гишӓнӓт агыл, а просто хайзижӹ гишӓн шӹдешкен колтенӹт дӓ пӹтарижӹ шин пуаш веле шаненӹт... а вара тӹдӹ когон тамахань революционный шамаквлӓм попаш тӹнгӓлӹн, тиштӹшӹвлӓэтшӹ нимат ынгыледелытат, утла эче шырланылеш машаненӹт дӓ эче прамойок лочкен пуэнӹт. Тенге тӹдӹм шин пиштенӹт дӓ вара худа делам цаклен колтен, пазар туре Йынгы вӹдӹш шуэнӹт.Кырык марывлӓ вет тидӹн шотышты, ӹшкеок пӓледӓ, махань шидӓлӓш яратышы геройвла ылыт. Вот и цилӓ истори.А малын ти историм 1961 и якте киктенӹт да вара веле бюстым шагалташ тумаен колтенӹт? Да потому что анзыцынжы тидӹ гишӓн шукын пӓленӹт, кыце лачокшым ылын.А шукы и эртӹмӹкӹ пӓлӹшӹвлаэтшӹ цилӓн колен пӹтенӹт.И.Макаров Зимнийӹм штурмуен, манын сирӹмӹ.Кӹзӹт йӹрӓлтен веле колтымылӓ. Маняр матрос тӹнӓм ылын- цилӓн штурмуеныт.А кӹзӹт пӓленӓ, нимахань штурмжат ылде. Ылын матросвлӓн да салтаквлӓн ӓрӓкӓ йӱмӓш,проституткывлӓ докы каштмаш, да арик-суриклӓ ӹшкӹмӹм видӹмӓш.Ти версим мӹнь эче изиэм годымок когораквлӓ гӹц колынам ыльы.
Кӱ пӓлӓ, кыце лачокшы ылын... Вот, седындон,архиввлӓэт и келӹт.
Интересны, малын Генай Кыстантин бухучётшы темы гӹц Макаров темыш ванжен кеш? Ӓнят тӹ бухучёт книгӓштӹжӹ как раз тӹ событи гишӓн сирӹмӹ ылын?Мӹнят тагынам колынам, тӹштӹ вроде "бытовуха" веле ылын, пиш шукым привайымы, дӓ вара тенге сӓрен шӹндӹмӹ, вуйта пагырвлӓ доно моло...Ӓнят нимат тенге ылде, тидӹ парт идеологи дӓ пропаганды отделын пӓшажӹ веле, вет келеш ылын герой, келеш ылын памятникым шагалташ. А кынам шужен колышы кырык мары эдемлан памятникым шагалтат, кӱн остатка киндӹ пӹрцӹжӹм макароввлӓ тӹ жепӹн кравен лыктыныт?
УдалитьИосиф Макаров- балтийский матрос 1906 ин лин?Но лач пӹтӓриш ишток тӹдӹ офицерӹн шамакшым колыштде, тыдын ваштареш шагалын, седындон ти воинский преступлени гишан тӹдым 12 иэш суен колтенӹт дӓ 1917 и якте тюрьмашты шӹнзен,1917 ин февраль революции веле тӹдӹм амнистируен. 1916 ин 6 майын Валентин лӹм доно тӓгӱ сирен, как будто тидӹм вуйта мӹнь сиренӓм, но мӹнь техеньӹм сирӹделам. Мӹньӹн лӹмем Ондрин Валька.
УдалитьТау, тӓнгвлӓ! Техень "келгӹшвлӓм" Макаров гишӓн воксьок пӓлӹделам...
ОтветитьУдалитьРепрессин жертвывлӓ гишан Рушэлышты шукы пачылты, тӹштӹ-тиштӹ памятниквлӓжӓт улы. Но Кырык Сир вуйлатышывлӓ вуйта кӹзӹт якте тошты якшар чиӓм изи халыкнан истори вӹлӓн перегӓт. Район администрацин сайтышты мӹнь тагынамок (3-4 и эртӹш сӓй) сирӹшӹм тидӹ гишӓн. Ядынам ыльы спискым ӹштӓш дӓ сайтеш анжыкташ - сулыкдеок репрессируйымы эдемвлӓм курым гӹц курымыш мондаш ӹнжӹ ли. Тӹ спискыжы вырсеш ямшы халыкнан патырвлӓ сагаок анжыктымы лишашлык! Вес регионвлӓштӹ техень спискывлӓ улы! Малын Кырык Сирӹштӹ уке???
Хоть-ма дӓ хоть-кыце перви лин гӹнят, тидӹ тӹнӓм техень веремӓ ылын дӓ техень эдемвлӓ ӹленӹт, кӹзӹтшӹ ситуацим тӹ жепӹш вазалыкташ ак ли. Мане-йӓ,Йоласалышты Макаровлан ӓштемикӹм большевик-коммуниствлӓ шагалтенӹт, нӹнӹн тӹнӓм ӹшке властьышты ылын, кыце шаненӹт, тенге ӹштенӹт. Тидӹм ӹнде кыце вашталташ лиэш- памятникшӹм сӹмӹрен шумыла ма? Ак кел!Нимат вашталташ ак кел- тидӹ мӓмнӓн историнӓ. Но кынам тӹ памятник докы школьниквлӓм кандет, навернӹ сотыки тӹ веремӓ гишӓн ӹдӹр-ӹрвезӹвлӓлӓн цилӓ ынгылдарымыла.Макаров-матрос Зимнийӹм штурмуен ма- кышты фактвлӓ? Макаров Нижегородский красногвардейский отрядын боецшӹ ылын ма-ӓнят вара веле тидӹм тенге манмы? Макаров Йоласал пазарыш ӹшкедурешӹжӹ толын, ӓль тӹдӹн иктӓ-махань мандат-пумагажы ылын? Кстати, продразверсткы гишӓн ленинский СНК 1919 ин 11 январьын веле декретӹм лыктын, а тӹшец анзыц киндӹм поген каштмаш незаконно ылын. Просты грабёж ылын. Йоласал монгыр марывлӓ ти грабёжым 1918 ин 14 майын тырхышашлык ылыныт? Цилӓ тидӹм ӹрвезӹвлӓлӓн тӧр келесен пумыла ылнежӹ.А мӓмнӓн учительницывлӓ мам ӹштӹлӹт? Кыце хангашты сирӹмӹ, тенге веле ынгылдарат.
ОтветитьУдалитьТау шотеш пиштӹмӹ К. Тумайымашвлӓдӓм чоте ынгыленӓ, шукынжок сӓй... Лачок вет тагачы уже тошты идеологи воксьок палшен ак керд. Наоборот, ышан сӓмӹрӹквлӓ техень тымдышым колыштын вара весӹвлӓлӓнжӓт ак ӹнянеп. Алталымаш лошты кушкын ӹшкежӓт алталаш куштылгынок тӹнгӓлӹт...
УдалитьУчительницывлӓ ӹшкӹланӹштӹ хоза агылеп, если иктамам утым келесӓт гӹнь, школ директор дӓ районо тӧрӧк тӹдӹм шим спискыш пыртат лиэш, а вара "до свидани"-ӓт манын кердӹт, Эх, тӓ нимат ада понимайы, кӱ гӹц вычедӓ тӧр ынгылдарымаш шамаквлӓм? Нигнамат вычен ада шокты!
ОтветитьУдалитьПиш пӹцкӓтӓ ӹлӹмӓшӹм анжыктедӓ... Ӹнянӹмӓт ак шо... Но, мам ӹштет вара - вычаш вӓрештеш. Кынам гӹнят сойток свезӓ мардеж тошты ӹлӹштӓшӹм каремвлӓ мыч шӓлӓтен ыжар шудылан вӓрӹм йонгештӓрӓ... Кынам гӹнят...
УдалитьМожно ли было Макарова по-настоящему называть балтийским матросом? Какой же он был балтийский матрос, если, будучи призванным во флот в 1906 году в первые же дни службы за неподчинение и противодействие офицеру, военным судом он был приговорён к 12 годам тюрьмы? Настоящий балтийский матрос- это матрос, прошедший морские походы и порядком наглотавшийся солёной воды, морской волк? А Макаров просидев более 10 лет в тюрьме, был освобождён февральской революцией 1917 года и во флоте больше никак не мог служить. И как он, будто революционный матрос мог штурмовать Зимний? Какие-то нестыковкив его биографии. Сплошной обман. Дальше. Будучи бойцом красногвардейского Нижегородского отряда в мае 1918 года он фактически занимался грабежом крестьянских хозяйств и выгребал у них последнее зерно, в том числе и семенное, чем вызывал у крестьян к себе страшное озлобление, ведь люди после этого умирали от голода, в том числе и дети,тем более , что декрет Совета Народных Комиссаров о продналоге был издан только 11 января 1919 года. А до этого всё это было незаконным и Еласовские крестьяне восприняли Макарова, как наглого грабителя и преступника и расправились с ним своим самосудом. Да, избили сначала, потом бросили его в Юнгу, он стал барахтаться и хотел выплыть, но один мужик притопил его багром, придержав под водой продолжительное время. Этого мужика, потом, аж в 1932 году осудили за это убийство. Кто виноват в этом событии? Такие события происходили по всей территории тогдашней смутной России. Кто тут герой, кому нужно было поставить памятник и кто тут преступник- судите сами. А ведь пострадавших и умерших маленьких детей от голода тогда было больше.
ОтветитьУдалитьЯ сам отслужил в российской армии 25 лет и к таким солдатикам-матросикам, которые не подчиняются офицерам отношусь отрицательно. Наши горно-марийские парни вообще-то не такие, они добросовестно несут службу и добиваются отличных результатов. Очень много парней, закончив военные училища проходят службу офицерами в разных подразделениях и родах войск по всей России. А в данном случае, почему не пошла служба у Макарова? Я думаю, что он наверное был психически нездоров.По-другому его неподчинение и противодействие офицеру не объяснить.Такие случаи тоже бывают в армии и на флоте. Сейчас таких просто комиссуют.Ненормальность Макарова также проявилось в том, что он приехал грабить свой же собственный народ, отбирать последнее зерно у людей. И это в мае, когда надо сеять, чтобы получить новый урожай.Неужели такие отряды собирали из таких отщепенцев?Как тогда местные крестьяне должны были к ним отнестись?
УдалитьТочно таким же "героем" был сделан и Павлик Морозов. В годы перестройки было очень много газетных публикаций и дело Павлика Морозова в 1999 году вновь пересматривалось следственными органами. Так вот ,там обнаружилось очень много следственных недоработок и очень много было притянуто за уши.Оказывается Павлик Морозов был неспособен к учёбе, он три года сидел в 1 классе, а потом переведён во 2 класс,в этом классе 4 человека были приняты, а он в пионеры принят не был, но зато его партийные идеологи потом сделали пионером, якобы он организовал пионерский отряд и боролся с кулаками. А между тем, никаких кулаков у них в селе не было, а были бедняки и спец-переселенцы, привезённые из других мест.А отец, будучи председателем сельсовета, выдавал справки, чтоб спец-переселенец мог уехать домой обратно.Фактически Павлик отца не выдавал, а в этом деле замешана была женщина, так так отец одну жену бросил, и привёл молодую. Вообщем,фактически было всё не так, как большевицкая пропаганда тогда слепила героя-пионера.Убили ведь не только его одного,как писали большевицкие газеты, а вместе с 5летним братом. А кто убийца? Будто-бы дед. А зачем деду убивать своих внуков? Тёмный лес. До сих пор из-за этого идеологического вранья правда так и не установлена.
ОтветитьУдалитьСейчас историками большевицкая героизация полностью пересматривается и переосмысливается. Было признано, что пропагандистская работа у красных большевиков была организована лучше, чем у белых, поэтому они и выиграли гражданскую войну. Большевистские пропагандисты, конечно, очень много придумывали и переиначивали факты, попросту говоря, сочиняли красивые сказки. А что нужно было неграмотному населению да и кто тогда стояли во главе той идеологии? Евреи.
УдалитьШотеш пиштӹмӹ "историк"!
УдалитьПиш сарвален ядам тӓмдӓм - ӓлдӓй национализм дон шовинизм корныш ана лӓк, яра? Ти корны вет сотывелкӹ нигынамат ак лык... Примервлӓм амат пӓлдӹртӹ - ӹшке цилӓ пӓледӓ...
Мӹньлӓнем пасна иктамам келесӹнедӓ гӹнь тиш сирмӓшӹм колтыдай: chalomkin@yahoo.com
Идӓ ӧпкӓлӹ, пожалуйста...
Пурым шанен.
Действительно, в Америке(в США) даже негров нельзя называть неграми, а надо называть их афро-американцами. А то получается - шовинизм и расизм. Евреев тоже нельзя называть евреями- и тоже получается шовинизм и национализм? А если видных марийцев назовём марийцами? Ой-ёй-ёй, какие же мы шовинисты и националисты?!А кеми же тогда были Троцкий - Лейба Давидович Бронштейн, Луначарский(Розенель), Зиновьев, Каменев, Свердлов- выкресты, Лазарь Шацкий и многие-многие другие.Читайте в интернете ЕВРЕИ, СОТВОРИВШИЕ РУССКУЮ РЕВОЛЮЦИЮ. Не стыдиться, а гордиться этим надо, что они смогли тогда перевернуть весь мир с ног на голову!Но, чтобы никому было не обидно, давайте назовём их ИНТЕРНАЦИОНАЛИСТАМИ. Не зря же у них был и одноимённый гимн- ИНТЕРНАЦИОНАЛ!
ОтветитьУдалитьШотеш пиштӹмӹ "историк"!
УдалитьИктамам Кырык Сирнӓ гишӓн сирӹдӓй - тидӹ мӓлӓннӓ тиштӹ керӓллӓк ылеш вет. Еврейвлӓ гишӓнжӹ вес сайтвлӓштӹ сирен кердӹдӓ - дӓ тӹшток вес ышан "историквлӓ" тӓмдӓм пиш сусун вӓшлит дӓ курым вашт цилӓ йиш конспирологин теоривлӓм нӹнӹ дон обсуждаен кердӹдӓ. Ти йиш сайтвлӓ пиш шукы интернетӹштӹ улы...
Кырык марын сайтвлӓжы лач иктӹ-кокты вел...
Седӹндон мӓлӓннӓ туан ӹлӹмӓшнӓ шергӹрӓк дӓ ӧрдӹж векӹ тишец ӓлдок ана лӓк.
Пурым шанен вел эчеӓт тӓмдӓм пиш сарвален ядам...
Я удивляюсь, где наши историки, где МарНИИ учёные? Где наши университеты? Почему столько шероховатостей остаётся в нашей истории марийского края неразьяснёнными? Я думаю, что наши учёные историки тоже все повязаны по рукам и ногам старыми путами советско-партийной идеологии и даже своими научными работами, которыми они защищались именно теми старыми постулатами, а теперь они ничего и сказать-то другого не могут, так как им в глаза сразу могут ткнуть, мол " ...а ведь у вас там-то и там-то всё по-другому утверждается..." Одним словом, застой... Видимо, пока новое поколение историков не раскроет нам глаза. Вот такой застой исторический у нас пока...Так что молодёжь, дерзайте!
ОтветитьУдалить