Пал Генай, Йынгы-Кушыргы

Сирем шӹрен - ыдыркалем
Кырык Сир каремӹш валем
Кӹчӓл каштам омын мыч
Мӹндӹрц шакта сылык пыч

Якшар шун йалгорным ужам
Саслем-мӓгрем - тӓмдӓм ӱжӓм
Ваштарешем шун дон ӓтӹм
Темен толеш тылык вӓтӹ

Шӹгерлӓш паштекем пыра
Шун меленӓм вӹр дон шӹра
Эргӹм пукшаш кечӹнь миӓ
Рок лӹвӓлнӹ тӹдӹжӹ киӓ

Цевер млоец ышмам ак пач
Нимат ак йӱ, нимат ик кач
Тӹшток кодеш курым вашт
Ӹдӹр волкыш акат кашт

Вӓтӹ мӓгрӓ: "Качмет ак шо!
Ӹнде кодым шкетемок!
Ыныкаэм шачын ак шо
Кодыц ӹдӹр нӓлтеок..."

Урмыж-мӓгрӹ тылык вӓтӹ
Сӹнзӓвӹдет темӓ ӓтӹм
Йакшаргемеш вӹрет пыт
Шамет пачылтеш пыйырт

Иктӹ-кокты, кымыт, шӱдӹ
Алык мычкы ташкен шудым
Мары халык - кузат кӱш
Кӱӓнгмеш Шанавӹл Кӱш

Кынам шанат ӹшкедурешлӓ
Йылыш кӱшӹцӹн тӹргештӓт
Тарвен лыктыт пӱӓн кӱм
Пачылт кежӹ Йылнан шӱм
Вуйта вӹдвлӓ урын валат
Пӹл дон ирӹк ялавала
Парсын савыцвлӓ чонгештӓт
Туан х/алыкнам йонгештӓт...

6

Оценили 6 человек

ОМЕМ АНЖЫКТА

Пал Генай, Йынгы-Кушыргы

Йыдым шижӓм - омем пӹтӓ
Ышем шӓмӓн кӹтӧм кӹтӓ
Тӱгӹц вуйта пыра Йынгем
Шӱлем-йӱӓм - вара сӹнгем
Руш шамакым ӧрдӹш шуэм
Мары шаям шактен кӱӓм
Камакаэмӓт олтенӓм
Кӱктӹшӓш коман меленӓм
Шиӓм омдымы кӹпцӹкӹм
Рушлан пукшем лач ӹлцӹкӹм
Мары йых пӹрцӹм кӧргеш кодем
Цецен пичӹм шотде тодам
Айыртемӹн алык мычкем
Кӹтӧм погем - пирӹм пӹчкӓм
Кӧк котиэмӓт мужедӹт -
Марла омыным раведӹт
Ирок - соты лӓктеш кӱш
Кузышаш {ӹ)не Шанавӹл Кӱш!

ИТ ШАГАЛ

Пал Генай, Йынгы-Кушыргы

Кӱшкӹлӓ анжет гӹнь нелӹцет куштылгы -
Йалетӹм кӹрӓт дӓ ньоцок ӹштӹрет,
Шӱленӓт ат керд, тупетӹмӓт шушыртет,
Но, - кӱш анжалатат сусунок йӹрет!

Анзык ашкедок сӹнзӓэтӹм кӓрен!
Пӹл лошты пӓлдӹртӹ шокшы ялгечӹм...
Ш/Вӓрӹм йаратенок кӹчӓл вес вӓрӹм -
Шылыш лым вӓшликтӓ яжо игечӹм!

Вычат алтанзыквлӓ корнывлӓ мыч -
Кыдыжым эртен ке, кыдыжым пӹч...
Пулышет охыр гӹнят, ит ӹнянӹ -
Нелӹцӹм шижӹн вел корныш тӓрвӓнӹ!

Корнетжӹ пиш кужы - кыш шоат вӓл?
Шоат гӹнь пакыла кок корны лӓктеш...
Анзык ӓль шайык? Йалетӹм ташкал!
Кӓрен сӹнзӓэтӹм кӱш вел анжал!
Йӓнгетӹм кол - пиш вет анзык вел вактеш!

ШАНАВӸЛ КӰМ

 Пал Генай, Йынгы-Кушыргы

Шанавӹл Кӱм лӹмӓн патыр ӹдӹр Кырык мары халыкым соты век виден лыктеш. Тошты годшы Йынгы-Кушыргы йамак семӹнь...

Кто такие финно-угры? Азиаты или европейцы?

КЫШ ӰЖӸДӒ - МАМ УЖЫДА

 

Чоте ышан мары!
Туан йӹлмӹ шотеш гӹнь тенгеок вет, ане? Рушэл школвлӓ мыч вескид йӹлмӹвлӓм вел тымдат. Мари Элыштына, туан мӱлӓндӹштӹнӓ, руш йӹлмӓт вескид йӹлмӹ ылеш вет. Руш толмеш марла вел цилӓн хытыренӹт! Тидӹм мондаш ак йары! Кыце мӓ, марынвлӓ, руш лӹвӓк вазынна? Идӓ монды - мӓмнӓм пуштыныт, йылатенӹт, кравенӹт... Дӓ ӹнде туан велнӓмӓт рушэлеш шотлат!!!
Мары халык пакыла чоте чӹнь рушемеш. Сӓмӹрӹквлӓм колышташ пиш намыс - воксьок попен ак мыштеп. Пеле марла - пеле рушла полдымактылыт...
А туан йӹлмӹвлӓм - лач ӹшке шанет гӹнь вел тыменьок. А экзаменӹм сдайыдеок аттестатым пуат гӹнь, ма цыгылан тидым тыменьмылӓ? Кӱлӓн келеш???
А мӹнь сойток туан велӹм Эстони дон Финлянди статян кузыктынем - Кырык Сир мыч марла вел, а рушла пашкуды татар доно, мордва, суасла, дӓ рушвла донжат седӹ...