Шергӓкӓн халык! Первиш тетя мадмашвлӓм ӓлмӓдӓ ӓшӹндӓрӓлнӓ. Ӹнянӓшӓт акли, 30-50 и перви кырык мары тетявлӓн ӹлӹмӓшӹштӹ кӹзӹтшӹ гӹц пиш айыртемӓлтӹн. Тагачы тетявлӓ компьютырышты ик парня доно мадын ӹлӓт, кӓпӹштӹ акат янгылы. Первиш тетявлӓжӹ каремвлӓ мыч ньоцок пӱжӓлтмеш, моч гӹц кемеш мадыныт. Мадмашвлӓ гач нӹнӹ кырык мары ӹлӹмӓш дон йӹлмӹм яжоракын ынгылаш тӹнгӓлӹнӹт. Шукы йиш мадышла мадыныт. Тӹ мондымы мадмашвлӓм тишӓк ӓшӹндӓрӓш дӓ постараш цаценӓ - тӓжӓт палшедӓ гӹнь, пиш кого тау!
понедельник, 4 февраля 2013 г.
Пӱа тангыжышты
Альбина Курилова, Акту сола
Солаштына кӓнгыжӹм Коговал каремыштӹ ӓнгӹрӹм сӧ пӱӓт ыльы. Вӹдшӹ ӱштӹ-ӱштӹ тӹштӹ, кечӹ мыч ӹренӓт ак шокты кугивлӓ дӓ вӹтлӓвлӓ лошты. Пӱаштӹ вӹд погына Коговал гӹц Изивал якте. Ялын ванжаш лиэш лач Изивалышты веле. Кӹвержӹ Коговалышты ылеш. Мӓжӹ, изивлӓжӹ, тӹнӓм нимагӹцӓт ана лӱд, каремӹш кыргыжталынна. Хангам нӓлӓтӓт, каремыш, пандыжы каремӹшток шукы. Шагалына хангаш дӓ пӱӓ мыч Изивал гӹц Коговал якте мӹнгеш-анеш каштына, ик сир гыц вес сир якте моло.Маняр гӓнӓ вӓл вӹдӹшкӹ кенвазына, анат лыд. Инжӹ цилӓнок ана мышты, икта ик-кок эдем веле лоштына.Цӹтӹрена, кӹлмена, токы кемӹ ак шо. Тӹрвӹнӓжӓт луды цӹреӓн лин шӹнзеш, когон кӓкӓргӓ ӱштӹ вӹдешет, вӓш-вӓш линжӓт ак керд, но иктӓт ак талашеп токы векӹлӓ. Тыгырнажат вӹлӓннӓок кошка. Мӓмнӓм кӹчӓлӓш Огаптя папамат вала ыльы каремӹш. Кынамжы йӓлӹн папаштат- ӓвӓштат кӹчалӹнӹт. Вырсат гӹнят , изирӓквлӓ ылынна, ынгылделна, лӱдделна вален кимӓш гӹц. Йымы палшен- переген мӓмнӓм, векӓт.
Подписаться на:
Комментарии к сообщению (Atom)
Ку* техеньы тишты пы*нга?
ОтветитьУдалитьВы*сен каштеш арашы*нга.
Ку* техеньы тишты вызга?
Шукш - капшангы ты*рынь йыжга.
Ку* техеньы куза ку*ш?
Тиды му*м намалеш му*кш.
Ку* талаша шуды мычкы?
Тиды равым шыпшеш кыткы.
Ку* выд вы*лны* каеш раш*
Тиды* мы*ньы анжем вашт!
Ондрин Валька, Йынгы Кушыргы
О-о-ооо! Валькы!!! Пиш сусу ылам тишäк тӹньӹм вäшлиäш! Пел ылымäш курым эртен кеш. Тынäмшен (1966 ин шке корнышкем лäктӹн кешӹмäт...) воксьок "Йынгушыргы" сäндäлӹк рвезäшвлäм ужтелам... Айа-а-а-айй!!! Когон цäшäн лин колтышым - йукет тӹ мондым сäндäлӹк капкам мӹлам пыйырт пачын пуш... Тӹньӹн äшӹндäрӹмäшвлäэтӹм дä лыдышвлäэтӹм пиш яратем. Ти сайт-блогышты халыклан анжыктынем - сирен колтет гӹнь... Вычем!
ОтветитьУдалитьИкманяр лыдышем да" тетявла*лан шайыштмашвлам finnougria.ru сайтышты
Удалить(Марийцы-поэзия-детская литература) моаш лиэш.Просты, "Ондрин Валька" техень поисковый шамаквла донат интернетышты (Googl) информацим моаш лиэш.
Па*лет, Йынгы-Кушыргы йы*р каремвла*эш ка*нгыжым пиш кого шуды кушкын шы*нзеш, пырашат ак ли. Вольыкым ак кы*теп. Вольык уке. Ак урдеп. Ондри Вал каремеш шы*ргы кушкын шагалын.Вот тенге.
Ондрин Валька, Йынгы-Кушыргы
Тау, Валькы, сусу ылам! Сола ӹлӹмӓш пиш вашталт шӹнзӹн, ынгылем. Дӓ, сойток ямын кодшы "Йынгушыргы" сӓндӓлӹкӹм ӓшӹндӓрӓлӓмӓт йӓнгем аварген куза... Седӹндонок векӓт ти мадмашыжымат тӹнгӓльӹм)))...
ОтветитьУдалитьКышец ла*ктын сола лы*м -"Йынгы-Кушыргы"? Официально попат тенге: "Йынгы"- тиды а*нгыр лы*м, "Кушыргы" - Кужы шы*ргы* гы*ц вуйта. А мы*нь вес семынь шанем. Ку* шерга- пиш простан шакта. Ку*- тиды ынгылыман(кы*рпыц агыл), а шерга*- рушлажы "серьга". То есть роды вуй хозажы ку* шерга* доно па*лемда*лдтын. Вет первижы Йынгы-Кушыргы веле ылде, а эче Йыл-Кушыргы да* вес Кушыргывла*ат ылыныт. Коли цила ва*ре кужы шыргывла шыпшылтыныт?
ОтветитьУдалитьШерга*, ша*ргаш, шергы*, шер - техень шамаквла* первишы марын шамаквла*ок ылыт. Марынвла перви яжон да* паян ы*леныт, шукы имниан, вольыкан ылыныт да* роды вуйвла*н ы*шке па*лы*кышты ылын са*й.
Ку* седы* шергы* ылын. Сапфир, янтарь... даже бриллиантат лин кердын. Малын ма* со тошты годым эдемвла* ма* гы*цна* хударак да* ородырак ылыныт машанена? Перви эдемвла* ма* гы*цна ышанрак ылыныт да* шукыракым мыштеныт да* па*леныт.
Ондрин Валька, Йынгы-Кушыргы
Версийетжӹ пиш тӧрлä кайеш! Цӱдеем дä ӹнянем!!! Тау, Валькы!
ОтветитьУдалить