МӦСКӒВӒ

 Пал Генай, Йынгы-Кушыргы

Эчеӓт шун йалан мӧскӓ лӓктӹ...

Эчеӓт пашкудым шӹдӹн вакты...

Эчеӓт тӹдӹлӓн мӓ палшеннӓ...

Эчеӓт пашкудым мӓ вырсеннӓ

Эчеӓт йӹрвеш нимат ана уж...

Эчеӓт мӓ кӱшкӹлӓ ана куш...

Эчеӓт мӓлӓннӓ тотлы шыр...

Эчеӓт йӹрвеш шӓпнӓлтеш вӹр...

Снова злой медведь наружу вылез...

Снова у соседа холку выгрыз...

Снова мы медведю помогали...

Снова мы соседа обругали...

Снова ненавидим мы неблизких...

Снова не высоки мы а низки...

Снова жрем мы теплое говно...

Снова кровь залила все окно...

ПУРЫ СӸНГӒ

Евгения Савельева, Цикмӓ

Пӹзӹлмӹшкӹ лым вазальы

Дӓ «Тотештшӓш, - маньы, - райзы».

Тотым нӓльӹ шекланӓлын.

Качы кӹцкӹ – пӓлен нӓльӹ.

- Мӱӓн кӹцкӹм - чӹнгӓт пӹсӹн,

Шужыш кек мӹнь докем вӹсӓ, -

Ынгылдарен пуш пӹзӹлмӹ, -

Телӹм кеклӓн ӹшӹк - мӹньӹ.

Ӹлӹмӓшнӓ, ӓнят, качы -

Тӹдӹ вет у корныш лӓкшӹ.

Корны такыртымы агыл,

Шачын кердеш тупынь ашкыл.

Тьотянавлӓ пыт труенӹт,

Нелӹ, ясы гач эртенӹт,

Нӹнӹн шам мӓмнӓн вӹрӹштӹ -

Лӓкненӓ мӓӓт сӹнгӹшеш.

Тек пӹзӹлмӹн укш цевергӓ,

Сарастара туан велнӓм.

Качы кӹцкӹм кекшӹ чӹнгӓ -

Качы ямеш, пуры сӹнгӓ.

ЦЕРМЫШАЛЕМ, ЦЕРМЫШАЛЕМ...

Владислав Самойлов, Цермышал

Сола вуйыштет мӹнь валем.
Ӧлицӓшкет, лач лицӓшкет,
Ӓнжал колтем - кышкы вӓшкет?

Жеп -
Окнявлӓӓн сӹнзӓштет,-
Изи годшем моло ӓштет?
Теве,
Нӱштӹлӓш сарвалем:
- Цермышалем, Цермышалем...

"Пычихалкы", пырсавичӓл,
Сӹлнӹ Шурлап, Кардывичӹ -
Кушкылдалынамат, салем:
Цермышалем, Цермышалем...

Тек романым сирен мышты,-
Пӹтӓриш лыдышем кышты?
Кырык сирем - шӱм покшалем -
Цермышалем, Цермышалем...

Яратенӹт - яратенӓм,
Штурма годым вӹсен кенӓм.
Эртен,пӹтен. Кӱм алталем -
Цермышалем, Цермышалем?

Цермышалем - шӱм вокзалем -
Сола вуйыштет мӹнь валем.
Тӹньӹм шӹрен шаныкалем -
Цермышалем, Цермышалем...

Жеп, анжалыма, чонгештӓ,
Соты ивлӓнӓм йӹргештӓ.
Цермышалем, Цермышалем -
Шачмы пӧртӹштӹ...
Хыналем.