Шергӓкӓн тӓнгвлӓ!
Анжыдок, лӹмлӹ кырык мары поэт Ондрин Валька туан солашкына каштын тольы дӓ жерӓлӓок чӹнь чӱктӹшӹ пеле-кӓнгӹж - пеле-шӹжӹ жепӹм ужын мӓлӓннӓ кычыш...
Фотовлӓштӹ Йынгы-Кушыргына курымжым ӹшкедурешӹнок пакыла шыпшеш - анзыкыла кеӓш цаца, корныжы куштылгы агыл гӹнят. Тошты пӧртвлӓ изин-олен пӹтӓт, лоштышты у томавлӓ кӹрпӹцемӹт - коговлӓ, но кыдыжын цеверӹштӹжӹ чӹдӹрӓк...
Сойток ти томавлӓ вес курым солалан пачыт - незер ӹлӹмӓш шайылан кодшашлык...
Косир архитектурыжат солаш сойток миӓ, но варарак витнӹ - эдемын сӹнзӓжӹ цилӓ вӓре цеверӹм кӹчалеш, ане?..
А уж солана йӹр пӧртӱсжӹ махань хирӹ лин колтыш!!! Алыквлӓ, лидӹвлӓ-каремвлӓ, шӹргӹвлӓ - тӱня ӹшкедурешок пиш сусун ӹлӓ... Вет кукыр эдем тыдым кравен ак йышкыры гӹнь природа пурлыквлӓжӹм мӓлӓннӓ ӹжӓлӓйӹдеок пуа!
Ӹнде Валькана у лыдышвлӓм сирӓ - а мӓ тӹ лыдышвлӓм вычалына...)
Пал Генай
Тау,Генай. Тиштӹ мӹнь цевер пейзажвлӓм агыл ӹшке фотовлӓштем анжыктенӓм, а кыце солана 30 и лошты вашталтын, тӹдым пӓлдӹрташ цаценӓм.
ОтветитьУдалитьВашталтеш, вашталтеш цилӓ со,
Тагачы тенгечӹш ана шо.
Нимат, нигнамат иктӹ агыл,-
Техеньӹ тышкалтеш падкагыль.
Солаштына улы медпункт, улы магазин. Ылыныт клуб дӓ тӹнгӓлтӹш школ дӓ колхозын производственный участок, кӹзӹт нынӹн вӓреш фермервлӓн складвлӓ. Ӹжӓл, "Юнго-Кушергская стоянка древних людей" пӓлӹк вӓрымӓт ӹнде ак тӹвӹлӓеп, тӹ вӓрыштӹ пиш кого шуды кушкын шагалын.Молнамшы соланам пӓлӓш ак ли, каремвлаштӹ шыргӹ кушкын шагалын, халыкшат чӹдӹ кодын, шукыжок ӹлалшӹ эдемвла веле.
Кынам вара Валька тидӹвлам симаен каштын? Мане, Кушыргына ӹнде молнамшы гань агыл, шукы вашталтыш лин.Бабушкин фермер Пӹнгель Парнингӓш гыц теве ӹнде солашкына толын, молнамшы колхоз клӓтвлӓ вӓрышты ӹшке кого терминалым строен шӹнден, Кушыргы йӹр нырвлӓм кычылтеш.Асфальт корны кӹзӹтӓт уже шелӹшт шӹнзӹн, а варажы, фермервлан кого машинавлӓ кыдалышташ тӹнгалмыкӹ, йӹлеок пыдырген кеӓ векӓт...Анзыкыла кыце лиэш, кӱ пӓлӓ, но ӹнянӓш келеш со яжолан.
УдалитьТи фотографивлӓм анжен лӓкмӹк, Кушыргыжымат дӓ йӹржӹмӓт пӓлӓш ак ли.Ма вара, цилӓ вӓре пиш кӱкшӹ шуды дӓ теве когон цӱдейӹшӹм, Йынгы тӹрӹштӹ молнам техень агыл ыльыш, а кӹзӹт пушангывлӓ шалгат? Эх-хе-хе, ане вет, молнам школ, библиотекы, клуб ылевы. А маняр лӹмлӹ эдем ти сола гӹц лактӹн... Шӓлӓненӹт цилӓ векӹ...
УдалитьЦаклышда вет, ик фотографиштӹ, кӱшӹл шӹргӹ тӹрӹштӹ, ӹлӹшташӓн пушӓнгӹвлӓ сага, имӓн пушӓнгӹвлӓ шалгат. Тидӹ йӓктӹвлӓ.Кыце тенге нинӹ тиш вӓрештӹнӹт? Тидӹ солаштына 1958-59 ивлӓн эче изи колхоз годымок ылын.Мӹнь тынӓм изи, 4-5 иӓш веле, но ӓшӹндарем, кыце мары-вӓтывлӓ, дӓ ӓвӓмӓт тӹштӹ ыльы, ти кытлашты пушангӹвлӓм сӹмӹревӹ, ик пушӓнгӹжӹ тиок вӹкемӓт кенвазеш ыльы, мӹньжӹ покаш кыргыж лӓктӹмӓ,пиш чӹнь кытын кыргыжынам, "пуш-ш-шт" укшвлӓжӹ дон тупем ыдыралын, тӹ пушӓнгы рокыш шыралт вазы.Ай-яй, кыце ытаралтым!А вӓтӹвлӓ:"Йымы ытарыш, йымы ытарыш!"-, тенге ӓрдӹвлӓштӹм шин, сӹгӹрал колтевӹ.
УдалитьТи пушӓнгӹвлӓ вара солаштына электро-тыл мӓнгӹвлӓм шагалташ дӓ электро-подстанци пӧртӹм строяш керӓл линыт векӓт. А вара ти шӹргӹ тӹрыштӹ йӓктӹвлӓм шӹнденӹт.Генайат тӹ шӹндӹшӹвлӓ лошты ылынам манеш доко.Тевеш, махань коговлӓ ӹнде кушкын шагалыныт.