КӰШӸРГӸ

 Пал Генай, Йынгы-Кушыргы

ВӸТЕЛЬӸ

Пал Генай, Йынгы-Кушыргы

Сирнӓм ӓштен
Кӹчӓл каштам
Тӧр шамакым
Мӱн йамакым
Кыдым йӹрен
Тӹрде тӹрлен
Тошты тӓнгем
Тагынамок

Ӹндеж ак чӱчӹлт
Ышмажы
Ӹндеж ак пачылт
Сӹнзӓжӹ
Ӹндеж ак йӹрӹ
Тӹрвӹжӹ
Урмыж каштеш
Шамдеок

Малан тӓнгем
Тӓрвӓ йӓнгем
Вӹкем кӹшкӓ
Шим чиӓм
Малан мӧсквӓн
Шим шыр вӹлӓн
Шамде шӹрӓ
Ош чиӓм

Кок-вуй вӓрӓш
Пӹсмӓн вӓреш
Шӓрлӓ вырсым
Вескид мыч
Шамде пуштеш
Руш кугижӓ
Шӓвӓ вӹрӹм
Йӱдӹш пыч

Орлен йукын
Каштыт шукын
Тошты тӓнгем
Лоштышток
Вӹржӹ ӱкшен
Мӧсквӓ шукшан
Шамжы шӓпнӓ
Вуйстыкок

Арок тӓнгем!
Мочет келеш
Йыхнан йӓнгӹм
Ӹлӹжтӓш -
Йынгы гач
Тянгра вӹтельӹ
Мӓгрен анжа
Шогерлӓш...

ЫР

 Пал Генай, Йынгы-Кушыргы

Эртӓ курым - кӱлӓн сирем?

Ам керд монден нигнамат

Шачмы вӓрӹм - Кырык Сирӹм

Колен йамшы тӓнгвлӓмӓт

Йыдым пачылтеш солаэм

Кӱкшӹ сир шогерлӓ доц

Пӱкшӹм пӓлдӹртӓ сӹнзӓэм

Укшым тодам пӹркем лоц

Шанавӹл Урмашын кӹлӹм

Пиш перегем и гӹц иш

Халык лоэш кӧргӹш шӹлӹн

Цӓшӹм вычем - толжы тиш

Пӱлӓ кечӹнь кырык марла

Попем-сирем ӧрӓт вел

Тангыж гачок йукем шӓрлӓ

Цымырланаш акат кел

Тангыж мӓмнӓм ушна ижӹ

Марла шакта вӹд вӹлвӓц

Ак керд ӹнде руш кугижӓ

Лошна пырен вӹд лӹвӓц

Йойжым пӓлен тӓ тырхедӓ

Йыхнам перкен йойынок

Мырен каштыда - тӹргедӓ

Вуйта рушла - марынок

Лыга жепвлӓм ик тагачыш

Шанавӹл Кӱн анзылвач

Йыл дон Йынгын тетя шачеш

Корнымат вӹтельӹ пачеш

Сирвлӓм ырген тангыж гач

ВӸТЕЛЬӸ

 Пал Генай, Йынгы-Кушыргы