Йыд вашталта кечӹм,
Ӱштӹ телӹм-шошым,
Цӓрет ма игечӹм?
Вуйта кӹцкен ожым.
Эх, чонгештӓ пӹсын
Мӓмнӓм шӹндӓлӓлӹн,
Шӹжӹм, телӹм вӹсӓ,
Кӓнгӹж ӹрдӹнӓт.
Мӓжӹ шукын чоте
Шӹнзӓлтенӓ вӓш,
Шӹм иӓт вет шоте –
Ылынна йӹрвӓш.
Кым гӓна нӱштӹлӓш
Кечӹ мыч Йынгыш.
Вара пӱкшӹм кӹрӓш
Кырык вӹк шӹргӹш.
Йечӹм роалтенӓ
Кынам толеш тел.
Пуалтем дон кенӓ
Вӹсӓ поран вел.
Школыш шӹм иӓшын
Кешнӓ цилӓнок.
Лыдмы-сирӹмӓшӹм
Пӓлӓш яжонок.
Тенге лу и эртӹш,
Тымень лӓкнӓ мӓ.
Пӓшӓ цилӓ вецӹн
Цевер капнӓӓт.
Жепнӓн имни ӹнде
Цилӓн цила йиш,
Кыды – вӹсӓ чӹмде,
Кыды – лач изиш.
Ма гӹнят, кыдалда,
Сӓрнӓлт идӓ вац.
Анзык вел анжалда-
Соты каеш пац.
1970 и.
Витали Петухов сира.
ОтветитьУдалитьГеннади! Кого тау "Цикмаэш" лыкмы повестем гишан пуры шамакым келесыметлан.Тау - кырык мары йылмым да овуцавлам мындырнат ат монды. Пакылаат пашаэт ашныжы!
Кого тау, Витали! Первиш ӹлӹмӓш мӹньлӓнем кӹзӹт пиш керӓл мадмашла чучеш))). Ӓлмӓдӓ шукыракын иквӓреш мадындалына! Пиш шукы мондалтын вет... Ӓшндӓрмӓшнӓ ӓнят Кырык Мары культурым пыйырт яжоракын перегӓш палша. Тенге тумаем.
Удалить