Мӹнят сагада анжалам - пишок сусу ылам. Завклуб-Толя дон мӓ, тетявлӓ да сӓмӹрӹк ӹдӹр-ӹрвезӹвлӓ, иквӓреш шукы концертвлӓм анжыктен каштынна, КВН-ым мол солаштынаок ӹштеннӓ, пиш веселӓ лиӓлтмӓшвлӓм ӓшӹндӓрем...
Тиштӹ нӓлмӹ - https://www.facebook.com/groups/302459210171351/?multi_permalinks=567537653663504¬if_id=1534944253410406¬if_t=group_activity
"Юнга-фильм" любительский киностуди Йынгы-Кушыргы тӹнгӓлтӹш школын пӧртӹштӹ варлӓнӓ ыльы.Тидӹ государственный кырык мары культуры отделын штатный структурыжы лин: кок штатный единицы- Амельченко А.Д. дӓ помощникшӹ.Помощникешӹжӹ шукы солана ӹрвезӹ каштевӹ, дажы шоляэм, Петя Афанасьев, вара Тихонькин Ептихи, вара Скворцов Вова молы, весӹвлӓат...Но чӹдырак оксам ти единицылан туленӹтӓт, 75 тангӓ веле, дажы колхоозышты механизаторвлӓ тӹнӓм шукыракым нӓлӹт ыльы, седындон векӓт помощниквлӓжӹ йӹле вашталт-вашталт миэнӹт.Но, киновлӓм кырык мары лӹмлӹ эдемвлӓ гишӓн Толя шукым симаен. Цигансола куаки(ӓвӓмӹн ӓкӓжӹ), Маликеева Федосья Григорьевна гишӓн киножым 1988 ин даже всесоюзный 1 канал ТВ доно анжышна.Ӹшкежӹ Анатолий Дмитриевич курымжы солана клубым вуйлалтен шалген,пиш проста эдем ыльы,пуры кымылан дӓ эче шутя мастарат, соланавлӓ тӹдӹм цилӓн яратеннӓ.
ОтветитьУдалить75 агыл, 60 тангам.
УдалитьТоля пиш пӹсӹ завклуб ыльы. Со сола халыкым цымырен пьесывлӓм дӓ концертвлӓм йӓмдӹлен дӓ вара пашкуды солавлӓ мыч анжыктен кандыштын. Ӓвӓмӓт пӹтӓри тӹ пьесывлӓштӹ мадын, дӓ мӓмнӓмӓт изи шыжарем дон изи годшенок тожы ӱжӹн пыртен. Шӹренжок Геля дон мӓ коктын руш йӹлмӹн потикӓ миниатюрывлӓм йӓмдӹлен анжыктеннӓ. Телӹм мол, ӓшӹндӓрем, Паратмарыш иктӓ вӹц имни тир дон каштынна...
ОтветитьУдалитьТӹнӓм ик Паратмар ӹдӹрӓш концерт вашт вӹкем анжен шӹнзенӓт мӹнгеш корны мыч йӓнгем цӓрнӹдеок изи оравилӓ онг кӧргӹштӹ тӹргештӹлӹн...
Йӹр-йӹрвек шӓрланен вацшы Йынгы алык йыдымат пиш цеверлӓ кайын...
Ӱштӹ шӹдӹрвлӓ кӱшӹц пытькен-йӹрӓлтен вуйта маланнӓ "Концертдӓ пиш яжо!" маныныт...
Техень романтикан ӓшӹндӓрӹмӓш тӹнӓмшӹ (1960-70) солана молодежын шӱм кӧргеш перегӓлтшӓшлык...
Амельченко Толялан тидӹ гишӓн кого тау!
А вот малын Толян киновлӓжӹм интернетӹштӹ кызӹт якте моаш ак ли? Кӱ вара тенге тӹ киновлӓм тенге оролен урда? Цилӓн видео, киновлӓм ютубышкы ӓль вес йиш интернет-сайтвлӓш лыктын Земля йӹрвеш цилӓлӓн анжыкташ цацат, а Толян (90???) симайымы киновлӓжӹ гыц иктӹмӓт моаш акли... Тиды культуры вуйлатыш бюрократвлӓ ак пуэп ӓль ма эче???