Пал Генай, Йынгы-Кушыргы
Йыд вецӹн ирвекӹ шӹдӹрнат шӹдӹрвлӓ...
Тӹтӹра Шур сирӹм ӹштӹрӹш пӹтӹрӓ...
Пышкыды мӹшкӹр дон кол ошмам ыдыра...
Пыш вӹдӹм пӹчкедӓ, вешлӓ дон йышкыра...
Якшаргыш пӹл тӹрвлӓ шӓрлӓнӓт шылдырла...
Тӹтӹрӓм шалатӓт цӹтӹртен кӹдӹрвлӓ...
Ӹжӹвӹр шӹжвӹк дон хытырат пӹльдӹрлӓ...
Уала йӹлгӹжшӹ вӹдъялым тӹкӹлӓ...
Шергӓкӓн халык! Первиш тетя мадмашвлӓм ӓлмӓдӓ ӓшӹндӓрӓлнӓ. Ӹнянӓшӓт акли, 30-50 и перви кырык мары тетявлӓн ӹлӹмӓшӹштӹ кӹзӹтшӹ гӹц пиш айыртемӓлтӹн. Тагачы тетявлӓ компьютырышты ик парня доно мадын ӹлӓт, кӓпӹштӹ акат янгылы. Первиш тетявлӓжӹ каремвлӓ мыч ньоцок пӱжӓлтмеш, моч гӹц кемеш мадыныт. Мадмашвлӓ гач нӹнӹ кырык мары ӹлӹмӓш дон йӹлмӹм яжоракын ынгылаш тӹнгӓлӹнӹт. Шукы йиш мадышла мадыныт. Тӹ мондымы мадмашвлӓм тишӓк ӓшӹндӓрӓш дӓ постараш цаценӓ - тӓжӓт палшедӓ гӹнь, пиш кого тау!
Генай, лач ти ик пӓшӓ донок тӹньӹм яжо поэт манаш лиэш. Анжок вара, кышты молнамжы ылынат, пиш яжон сирен мыштетӹш! А шамаквлӓжӹ, шамаквлӓжӹ...Техень шамаквлажӹм кӹзӹт акат кычылтеп, тидӹ 100 и первишӹ шамаквла ылыт, мӹнят теве ӹжӹвӹр-ӹм шӹм пӓлӹ. Но сирымет чоте яжо шӱлӹшӓн дӓ вет лыдын лӓкмӹкӹ, сӹнзӓ анзылнет ЙЫД ВЕРЦӸН ИРВЕКӸ ма лиӓлтеш, цилӓ тӹдӹм ужын колтет. Толькы вот ВЕРЦӸН шамакшым ВЕЦӸН- ЙЫД ВЕЦӸН манмыла агыл? ВЕРЦӸН шамакшы (за кого, за что?)вес значениӓн агыл? Ма верц? Мир верц! Кӱ верц ти цӓркӓнӓм лӱктӓлӹнӓ? Генай верц!А ВЕЦ- тӹ вел гӹц манмым анжыкта, кӹтӹкӹнжӹ -ВЕЦ.Но тидӹ яра йок, нимат агыл.
ОтветитьУдалитьЭх! Туан йӹлмӹ пиш мондалтеш... Тау, Валька, тӧрлӓш палшет! Когон ӓклем палшыкетӹм! ВЕЦӸН лишашлык - тӧрлӓлтем...
ОтветитьУдалить"...хытырат пӹльдӹрлӓ..." . "...вӹдъялым тӹкӹлӓ" ти шамак сӓрӓлтӹшвлӓм шӹм ынгылы.
УдалитьШотеш пиштӹмӹ "библиотека"!
ОтветитьУдалитьСаваткован словарь семӹнь "пыльдӹрлӓ" - "беззаботно", а "вӹдъял" - "залив"...
Пурым шанен...