Ондрин Валька (Валентин Афанасьев), Йынгы Кушыргы
Солаштына икӓнӓ техень потикӓ ылын. Изи-Коля доно Евтропи лач ик пичӓл доно веле Когоӓнгӹр (Когонянгӹр) шӹргӹ тӹрӹш морен кычаш каштыныт. Патронжым когон тыгыды тровы доно рӓйен шӹнденыт. Каштыныт-каштыныт,нимахань моренӹм кычыделыт. Мӹнгеш токышты толмы годым, Изи-Коля анзыцын ашкедӹн, а Евтропи-шайыцын. Кенӹт-кенӹт,каштмышты такеш ӹнжӹ ли манын, Евтропиэт пичӓлжӹм лӱктӓлеш дӓ икта луатвӹц ашкыл гӹц Изи-Колян тупышкыжы пырт-тунг лӱэн шелеш. Изи-Коля вуйта нимат лидеок пакыла веле кеӓ. Евтропи тӹдӹм поктен шоэш дӓ: - Вӹкет вет пичӓл доно лӱшӹм!- манеш.
Изи-Коля эчеӓт пакыла веле ашкедеш.
-Лӱшӹм вет!- Евтропи сасла.
-То-ты, "Шодыр-р-р-р-р-ррр!" шактыш, - Изи-Коля пелештӓлеш.
*******************************
А теве эче ик потикӓм сирен пуэм.
Танилӓн Лексе куды-клӓт крисвлӓ доно кредӓлӓш пижын. Пӹтӓри капканвлӓм пыртен шӹндӓ - котижӹ веле тӹшкӹ вӓрештеш. Вара сакой отравывлӓм моло шӓвен кода - кӱпцен вацшы калявлӓм веле моэш. Мам ӹштӓш? Тӹнӓм Танилӓн Лексе пичӓлжӹм нӓлешӓт, ӹшкеок клӓтӹшкӹ крисвлӓм оролаш пырен шӹнзеш. Олманга вӹлнӹ омжы доно кредӓл шӹнзӓ-шӹнзӓ дӓ сойтокат амален кеӓ. Трӱк шижӹн колта - кидӹштӹжӹ пичӓлжӹ уке. Тылым чӱктен шӹндӓ - анжет гӹнь, крисвлӓ ружге веле пичӓлжӹм ӹшке ыражышкышты шыпшыт.
- Эй-эй! Тырхалда! -Лексе, раж докы тӹргештен, сотыки пичӓлжӹм тула гӹц роалта.
- Колток, колток, ит ородыланы! - крисвлӓ тӹдӹлӓн попат.
- Ма-а-а?!.. -Танилӓн Лексен онгылашыжат седӹрӓ якте кечӓлт шӹнзеш.
- Курокым шыпшыл колтенӓ, вара пӓлет ма! - крисвлӓ пелештӓт.
Изи-Коляжым, йори, кого кӓпӓн, иктӓ кок метр кытан ылынат, тенге лӹмдӓт ыльы. Тӹдӹ изиш техень потикӓрӓк млоец ыльы, тагыштат со тӹдӹн доно тамахань историӓт эртен.
ОтветитьУдалитьИзи-Колян лӹмжӹм ӓшӹндӓрем, а Евтропижӹ дон изи ылмем годым когон яжо тӓнгвлӓ ылынна. Кышты кӹзытжӹ ӹлӓ вал?...
УдалитьӸжӓл, Евтропи иктӓ лу и перви тагыш ямын ("пропал без вести"), иктӓт нимат ак пӓлеп. Уке.
УдалитьИкӓнӓ Опанас ечӹ доно кырык кӱшӹцӹн вален. Как раз корны торешӹжӹ морен тӹрген эртен ылын. Опанас ти моренетӹм кок пылвуй лоэшӹжӹ -р-раз! - пӹзӹрӓл тӹ шынден.Пӹлӹшвлажӹ гӹц кычен, токыжы намал толын дӓ вара калпакым ти морен гӹц ырген шӹнден.Тенге цилӓлӓн хывален сӓрнен доко. Толькы калпакшы чоте кроликӹнлӓ чучеш... Пазарышток нӓлде вӓл?
ОтветитьУдалитьВалентин Афанасьев(Ондрин Валька),Йынгы-Кушыргы
Ти статян шайыштмашым морен гишӓн ӓшӹндӓрем токо. Тамахань тетя ечӹ дон Пайскырыкышты тенге кыдал валым кодым лым лӹвӓлнӹ шӹнзӹш морен вӹк кутанжы дон пырен шӹнзӹн. Тӹ моренжӹ кутан лӹвӓц пиш когон силан тӹргештен лӓктӹн дӓ тетяэтӹм "ородыш кемеш" лӱдӹктен))). Моренжӓт "йӓнг лӓкмеш" лӱдӹн сӓй...))).
ОтветитьУдалитьТидӹм "Жерӓ" газетеш Николай Егоров иктӓ 15 и перви сирен ыльы. Тӹштӹ именнӹ ечӹ доно валымыжы годым Софроний Гайдов (Лидывуй) пылвуй лоэшӹжӹ моренӹм пӹзӹрӓл шӹнден вуйта. А мӹнь вара Опанас персонажем гач анекдот постолым сиренӓм( цилӓ анектодвлӓэмжӹ ӹлӹмӓш гӹц вет нӓлмӹ ылыт). Тагачы Похро кечӹ - тидӹ гишанӓт анекдот улы.
ОтветитьУдалитьИкӓнӓ Опанас вес сола мары доно иквӓреш корны мычкы ашкедӹнӹт:
- Армиштӹ тӹнь кышты молы служенӓт?- Опанас тӹ мары гӹц ядеш.
- Марышты* ...
- Э-э.. мӹндӹрнӹ агылыш,- Опанас ынгылымыла лиэш(Йошкар-Ола лишнӓт вет служат),- Тенгежӹ кечӹ мычкок тӹшец сӓрнен толын шоктымыла.
- Кечӹ мычкок агыл,- тӹ мары вуйжым ӹрзӓ,- Толашок кым сутка толмыла доко.
- Ане-ане, пыдалок...- Опанас йӹрӓ,- Мӹнят теве Йӓкӹнырыш Похро йӱӓш кенӓмӓт, ӓрня толын кердделам,- манеш.
------------------------------------------
* Мары - Туркмеништӹшӹ хала.
Валентин Афанасьев(Ондрин Валька).Йынгы-Кушыргы
Лачок вет Софронь (аль Софронь гишӓн...) шайыштын ыльы векӓт. Тӹдӹ дон мӓ ик Йоласал школышты ик классышты тыменьӹннӓ ыльы...
ОтветитьУдалитьИкӓнӓ Опанас Йоласал гӹц Йӓкӹнырыш ашкедӹн. Йӹрвӓш рӹмӓлгӓш тӹнгӓлӹн дӓ вара когонок пӹцкемӹшӓлт кеен. Сагажы эче ик ӹдырӓш вӹд лаксаквлӓ гач тӹрген-тӹрген кеен. Теве ик кытлашты тури сескӓ ара шимӹн кайын колта. Эдемвланӓ тама машанен, шеклӓнӓл колтат.
ОтветитьУдалить- Ма тӹве?!. - иктӹжӹ цӹтӹрал-цӹтӹрӓл ядеш.
- Тама ара... - весӹжӹ лӱдын келеса.
( Ӹдӹрӓшӹжӹ Матвеева Тамара ылын).
"Тама ара - Тамара!" - тенге тӓгӱ пашкуды Тамуснам мыскыла ыльы. Мыскылызын лӹмжӹм ам ӓшӹндӓрӹ.
УдалитьИкӓнӓ Опанас сола мыч ашкедмӹжӹ годым, тӹдӹм ик окня вашт ӹшкет ӹлӹшӹ вӓтӹ сӹгӹрӓлеш:
ОтветитьУдалить- Ма вара со ӧрдӹж доно кен колтет, пыры иктӓ гӓнӓ!.. Патылым моло теве шӹшкӓм, вӹлвӓлрӓкӹм пуэм!
_ Мам?!.
- Вӹлвӓлрӓкым!
- Э-э-э...- Опанаслан тӓ йӹрӓш, та тама, акат шагал, пакыла веле ашкедеш.
- Кыш кеет?!.- вӓтӹ ак цӓрнӹ.
- Ожылан! - Опанас келесен пуа.
- Улы-улы!..
- Мажы улы?!.
- Ошемӓт улы... Арава тартавлӓэм веле тӧрлен пу!
- Тартавлӓм-тартавлӓм... Тӧрӧк тенге келесӹшӓш, ато тамахань вӹлвӓлрӓк тӓгӓнӓвлӓм веле попедӓ- тиштӓкен Опанас мӹнгеш сӓрнӓлешӓт, сотыки ӹшкет вӓтӹн кудывичӹшкӹжӹ пырен кеӓ.
(Ти потикӓ лачокат Йынгы Кушыргышты Мату Елис доно лин).
____________
Ондрин Валька сирен.
Ха-ха-ха! Когон потикӓ! Техень вӓтӹвлӓжӹм "енгӓвӓтӹ" маныт ыльы векӓт...
УдалитьИкӓнӓ Опанас тошты автостанциштӹ билетӹм нӓлӹн( ӓшӹндӓредӓ вет хала кӱшнӹ тошты автостанци пӧртӹм). Халык, кӹзӹтшӹ гань олакын агыл, тӹнӓм хоть-кыштат со ньорток каштын. Церотышты Опанас анзылны пышкыдырак- техень яжо вӓтӹ шалген ылын.
ОтветитьУдалить- Йӓ-ма, вӹкемжӹ пырен вазынат?! - трӱк ти ӹдрӓмӓш кыце кердмӹн сӹгӹрӓл шӹндӓ.
- Мӹньжӹ мам ӹштен кердӓм?! - Опанас лачокат тӹшкӹлӓ дӓ тишкӹлӓ йыштылеш - вет шайыцын тӹдӹм когон шӹкӓт.
- Ат керд гӹнь, мам каштмыла?! - ӹдрӓмӓш келесен пуа.
(Техеньӹ лачокат ылын: тидӹм мӹланем солана Ироин Йоргы шайыштын).
Ондрин Валька сирен.
Ти постол шайыштмашвлӓм шӹренок "коный дворышты" колаш лиэш ыльӹ. Кого марывлӓ тӹштӹ картла мадаш погынат ыльы...
Удалить"Конный двор"-ыш мӹнь кашташ ам яраты ыльы, тӹштӹ марывлӓ картла мадыт, пиш когон табакым шыпшын шӹндӓт ыльы, хыть таварым сӓкӹ. Шамак толшеш, Кутр Михала моло, ик кӹшӓнӹш ӹшкӹлӓнжӹ пероскы пачкым ("Север"-ӹм ӓль "Прибой"-ым) пиштен толеш ыльы, а кӱ шыпшаш кӹчӓ, тӹдӹлӓн йори вес кӹшӓнеш махоркым йӓмдӹлен шӹнден ылын. Ӓшӹндӓрем тӹдӹн икӓнӓ ӹрвӹжӹм кычаш каштмы гишӓн шайыштмыжым. Но шукыжымок когораквлӓн потикӓ семӹнь шайыштмашвлӓм мӹнь шуды салымы годым, а вара вӓкш доны дӓ пӹрцӹ йӹдӹмӹштӹ колынам.
ОтветитьУдалитьОндрин Валька
Тенге-тенге! Эче тӹштӹ когон кого падеш турим имним пукшаш(?) шолтат ыльы... Эче тагынамракжы - иктӓ 1955-58 и лошты тӹштӹ кажланыш кӹне арам урдат ыльы. Мӓжӹ тӹ ара вӹлӓн пачангын тотлы нӱшмӹм кӹчӓл мона дӓ качкына ыльы...))). Кутр Михалажым воксьок монденӓм - сирӹшӹцӓт трӱк ӓшӹндӓрен колтышым. Анжок...
УдалитьЭх, Генай... пиш шукым монденӓтӹш... Теве тӹлӓт йори шотлен кеем. Онти Санькы (Антонов), Сӓвӓй Панти, Кутр Михала, Пертюк Арсень, Мартик Лексе, Мартик Кыстанти, Сергеев Венидикт Иванович, Ироин Йорги, Онти Естаф, Власов Филимон, Беляй Васли, Смирнов Кыпитон, Иванов Естаф, Ерохин Клавди, Кришкӓн Аркади, ИвановНиколай, Мату Елис, Столяров Валя, Иванов Танилӓ, Иванов Михивыр, Сиволот, Мартик Миколай, Лексе, Йорги, Сергеев Софронь, Мария Павловна (Эмма, Вадим, Кира, Муза. Надя), Купри Арсень (Коля, Магдалина). Павливан Лийы, Михалан Лексе, Мату Веник, Онтон Марья, Лида, Фаина, Хӹльӹп Ондри(Ондрин Валька). Прокон Валериӓн, Мартик Марья. (Теве тӹлӓнет Кӱшлык -ыштышы (шалахай гӹц вургымлаш) пӧртвлӓм дӓ нӹнӹн молнамшы хозавлӓштӹм лыдын кешӹм.
ОтветитьУдалитьКутр Михалаэтшӹ охотник ыльы, икӓнӓ санзалым рӓен, пичӓлжӹ доно мӹньӹн кутанышкем моло лӱэн колтен- токыжы олмам шолышташ пыреннӓ ылын.
Ондрин Валька
Тангвла, кыце кырык марла буквавлам сиреда?
ОтветитьУдалитьТеве тиштӹ марын клавиатуры улы. Инструкцижӓт улы кыце тӹдӹм компьютырышкыда пижӹктӓш. Пӓшӓдӓ ашныжы!) http://wiki.fu-lab.ru/index.php/%D0%9C%D0%B0%D1%80%D0%B8%D0%B9%D1%81%D0%BA%D0%B0%D1%8F_%D1%80%D0%B0%D1%81%D0%BA%D0%BB%D0%B0%D0%B4%D0%BA%D0%B0_%D0%BA%D0%BB%D0%B0%D0%B2%D0%B8%D0%B0%D1%82%D1%83%D1%80%D1%8B
УдалитьИКӒНӒ изи ОПАНАС...
ОтветитьУдалитьИкӓнӓ учительницы изи Опанас гӹц ядын:
- Алфавитӹштӹ маняр буква?
- Шӹмӹт!
- Кыце-э-э?
- А.Л.Ф,А,В.И.Т.
- ?????????
- Шотлыда!
-Э-э, лачокатыш.....
ЫНГЫЛЫШЫЦ?
УдалитьИкӓнӓ вӓтӹжӹ марыжылан попа:
- Ситӓ мӹлӓм техеньӹ!... Анзылгечӹ тӹнь тенгечӹ токына тольыц, а тенгечӹ-тагачы. А если эче тагачы токына иргодым толат, то весиргодым мӹнь разводыш пуэм! Ынгылышыц?
ИКӒНӒ ОПАНАС...
ОтветитьУдалитьИкӓнӓ Опанас тракторист ылын. Теве токыжы бригадир толын шагалеш.
- Уже кок чӓс сирем вӹлнӹ киэт, а тракторет шалга!
- Мӹньжӹ мам ӹштен кердӓм, вазын ак мышты гӹнь?..
Йӹрӓлтӓлӓм-ваштылалам... Опанасым ӓштӓлтӓлӓм... Лапка анзылны ӓнят... Тӹдӹ выча мӹньӹмӓт...
УдалитьМАРЛА ПОПЕНА?
ОтветитьУдалить- Маэтшӹм мамӹштӹшӹц?
- Мамӹштӹшӹм!
- Ӹнде марак?
- Эче ак мамӹштӓлтрӓк!
* * * *
Мясым мӓ населени гӹц закупаенӓ.
* * * *
Молодавлӓ дружат.
* * * *
Подаркам подараш.
* * * *
ИКӒНӒ ОПАНАС...
УдалитьИкӓнӓ Опанас сӱӓнӹштӹ ылын.Теве ӹнде
тӹдӹн гӹц пашкудывлӓ ядыт:
- Лӓшкӓэтшӹм качкыц?
- Качкым!
- Мам качкыц?
- Мам-мам...Лашкӓм...
- Тӹхӓлӓкок пукшевӹ гыце?
- Агыл... Кым стопка гӹц пасна стӧл ло гӹцшӓт шӹм лӓк!
Икӓнӓ Опанас ныр мыч пичӓл доно сӓрнен.
ОтветитьУдалить- Ну, ма- тӹдӹн гӹц ик мары ядеш,- иктӓмам лӱшыц?
- О-О, лӱшӹм!
- Кышты? Мам?
- Телефон мӓнгӹ вуйышты...Пиш когон кого кек шӹнзӓ ыльы...Как пушым: кӹчвлӓжӹ ик монгырыш,плоскозыбцыжы-вес могырыш!
Ти анекдотшым чукчы гишӓн шайыштыт ыльы.
УдалитьИКӒНӒ ОПАНАС
ОтветитьУдалить- Опанас?!
- Ма?
- Вот мӹньӹн машинӓэм улы, машинӓ дон ӹдыр док кыдал толам, тӹдӹм машинӓш шӹндем дӓ вырдинг токем шыпштен кеем.
- Кого дела!Машинӓ аравам сӓртен, цилӓнок кердӹт! А тӹнь цацен анжы вот, ӹшке йӹлметӹм сӓртен, луатвӹц уштышым тӹ ӹдӹрӓшӹм токет ашкедӹктӓш.
Ма манаш... 90-шы ивлӓн тамахань йонгы кайын колтен ыльы, кӱ кыце шанен, тенге попен. А кӹзӹт эчеӓт мӹнгеш молнамшы диктатурынаок сӓрнен толын. Эдемвлӓ первишӹлӓок эчеӓт утым попаш лӱдӹт... Дӓ ирӹкӹн попашыжы тыменьжӓт эче шотелыт векӓт. Таманяр поколени эртӹмӹкӹ веле ӓнят ти пӹцкӹтӓ веремӓжӹ эртӓ.
ОтветитьУдалитьТырхалдок... Чоте ынгылем тӓмдӓм, но лач тырхаш дӓ тама йиш йонгы вӓрӹм моаш келеш векӓт. Ӓнят садывичӹштӹ, ӓнят шӱм кӧргӹштӹ тӹ вӓржӹ ылеш - кӹчӓлдок...
УдалитьШотеш пиштым Г.вес пичыш пырен шагалтелда? Тидын шотышты мӓмнӓн кырыкмары юмористнӓ (Ондрин Валькы) техень анекдотым сирен:
ОтветитьУдалитьИТӒТ ЦАЦЫ
- Нигнамат ынгылаш ит цацы, мам ынгылен ат керд !
- Шӹм ынгылы...
- Итӓт цацы!..
При чём тут милиция, когда поросёнка громом убило?
ОтветитьУдалитьИкӓнӓ Опанас церот семӹнь солам оролен.Дӓ куды сагажы пыйхынен шӹнзӹн, йыд вашт тамамат ужын.
ОтветитьУдалить- Пӹтӓри молодёжь мӹнгеш-анеш когон каштын шӹндӹш,- вӓтӹжӹлӓн ӹнде шайыштеш.- Вара тӓгӱвлӓ(ситӹде виднӹ) ӓрӓкӓм кӹчӓл кыргыжталевӹ,- манеш.
- А варажы?
- А ма варажы... А вара мӹнь эче элтӓлӹмӓш-шыпшалмаш делавлӓмӓт ужынам,- йойын вӓтыжӹлӓн пӹжгӓ.
- Кыце техеньвлӓжӹм ужынат, пӹцкемӹш ылын сӓй?Кайын ма?
- Кыце ак кай?!
- Шукы нӹнӹжӹм ужынат?
- Вот ӹшкӓлӓ...Ирок якте!
- Ӹне тӹньжӹм цаклыделыт ма?
- Кыце цаклат...пренявлӓ лӹвӓлнӹ киэнӓм гӹнь...
- Ай-ай, маханьы ылат?! Тӹлат вет солам тыл гӹц оролаш ӹнянен пуэнӹт, а тӹнь?..
- Вот ӹшкӓлӓ, тыл гӹц...Нӹнӹжӓт вет со тыл гишӓн веле попевӹ:" Йӓнгем йыла, йыла тылла..." дӓ вара эче:" Малын тӹнь шаным тӓнгем, тылым ӹлӹжтӹшӹц?.."- Дӓ шукы весӹ- молымат,- Опанас вӓтӹжӹлӓн попа,- Седӹндон пагырымат кид гӹцем шӹм колты,- манеш.
Идиотство!..
УдалитьЭто всего лишь анекдот. Видимо, ӹдӹрӓмӓш сирен.Нӹнӹ шукынжок юморым ак ынгылеп.Яра йок!Но техень истори лачокат лин кердын, вет молнам (дӓ кӹзӹтӓт маныт доко)каждый солашты томан йӹде церот доно пожар лимӹ гӹц эдемвлӓ йори йыд вашт дежуренӹт.
ОтветитьУдалитьНочной дозор!
УдалитьСола орол!
УдалитьИк марын имнижӹ ылын, ти имним анжалаш, а вара ӓнят шулдыла нӓлын кеӓш цигӓнвлӓ толыныт. Но мары имнижӹм циганвлӓлан выжалыде.Циганвлӓ кен колтымыкышты, хоза мары шке имнижӹм низаштоат ӹнде сарай-капкашкыжы пыртен ак керд. Капка лиш веле канда- имнижӹ кок яла шагалын, мынгеш веле тӹргештӹлеш. Кок кечӹ мары тенге кредӓлын да вара кымшы кечеш веле цуцок-цуцок имнижӹм капка гач пыртен кердӹн.
ОтветитьУдалить- Ма вара?- йӓлвлӓ палӹнештӹ.
- Ах-х!.. Сарай капкаэш мӧскӓ шелӹм шӹрен коденӹт ылын, явылвлӓ!
Аманырышты тенге ылын. Имнижӹ каремӹш шӹлын, тӹшты тӹдым циганвлӓ вычен шалгенӹт да шолышт кенӹт.
ОтветитьУдалитьИкӓнӓ Опанас ик ӹрвезӹ дон хытырен шалген.
ОтветитьУдалить- Мӹнь машина аравам сӓртен, хоть-махань ӹдӹрӹм токем шыпштен кен кердӓм!- пашкуды попа.
- Кого дела!..- Опанас вӓшештӓ.
- Ма?
- А тӹнь кердӓт ма ӹшке йӹлметӹм сӓртен, иктӓ ӹдӹрӹм луатвӹц уштыш токет ашкедӹктӓш?
- А тӹнь кердӓт ма?
- Кердӓм!
СМС-ВЛӒ
ОтветитьУдалить- Кӹзӹт кышты ылыда?
- Дачы-садышты.
- Мам ӹштедӓ?
- Шашлыкым жаренӓ!
Эче иктӓ лу минутышты:
- Ӓрӓкӓм идӓ йӱ!
- Тидӹжӹм анзыцынрак сирӓлтӓш келеш ыльы....
КЫШЕЦӸН?
УдалитьВрач доны.
- Тӓ мӹшкӹран ылыда, тама доко?!.
- Ма-а-а?!. Мӹнь мӹшкӹрӓн?!.Кышецӹ-ӹ-ӹн?!.
- Кышецӹн-кышецӹн...Ӓнят, стӧл вӹлецӹн...
СОИКТОК АГЫЛ МА?
ОтветитьУдалить- Тӹлӓт ма яжорак: чӓйӹм йӱӓш мӱ дон ӓль амален лӓктӓш кӱ дон?
- Соикток агыл ма - пӱжӓлт кеӓш лижӹ!
ЯМДЕН КОДЕН?
УдалитьИкӓнӓ Опанасын вӓтӹжӹ чапокыш толын.
- Мӹньӹн марем тенгечӹ тиштӹ ылын ма?
- Тиштӹ сӓй.
- Цила оксажым йӱн колтен гыце?
- Цилӓ сӓй.
- Э, тенге гӹнь яра хоть, а то мӹнь тагыштакен ямден коден машаненӓм.
Э, эче Ондрин Валькаэт техеньӹм сирен.
УдалитьИКӒНА ОПАНАС..
Икӓнӓ Опанаслан попат:
- Пӓлет-агыт, рубльын курсыжы валаш тӹнгӓлӹн, а долларын - кузаш?
- Кого дела, иктӹн иктамажым валтен шумыкы, седӹ весӹн иктӓмажы кузен кеӓ!
...Ӓштем, 90-шы ивлӓштӹ "Жерӓ" газет гач ти юморист мары халыкым пиш ваштылтен.
Тенге, лачок. Йоласал КДП колхоз механизаторвла газетым лыдыт, со ваштылыт ыльы. Молнам техеньым иктат сирыде шкала.Ондрин Валька, маныт, ой-йой кердеш! Вуйта шке гишанна цила масакла шая кеа. Кынамжы техеньок ылына.Яжон цила порыктен лыктеш ыльы.Тау!
Удалить