КӰСОТЫ

Пал Генай, Йынгы-Кушыргы

Луатнӹлӹмшӹ ин руш вӹк шудальыц!
Коклыкокымшы ин руш век сӓрнӓльӹц...
Ма вара лин колтыш? Вӹр мӱӓнг кӱн?
Руш вырсеш эргӹцжӓт колен дӓ шӱн...

Кыш вара шырет ӹндежӹ оксажым?
Кӱлӓн вӓл цикет тӹ ош машинӓжӹм?
Пӧртет йӱкшемеш, ӓмпичӹштет сам...
Шӹдӹ мӧсквӓ шыр - тӹр гач темеш шам...

Мӧсквӓм вел колат, мӧсквӓвлӓм ужат...
Кечӹньжӓт-йыдымжат марынвлӓм ӱжӹт,
Окня вашт пырат, ӱпшӓнгмеш шолтат...
Шотлыде тӱлӓт, вырсышкы колтат

Марла мӹнь тӹньӹм сарвалем-йышкырем...
Кугилӓш лӓктӓш иквӓреш сӹгӹрем -
Лӓктӓш иквӓреш, кузаш ик вӓрӹш,
Кышты йых семнӓм кӱш кузыкта кӓрӹш...

Кузен шагалына Кӱсоты Кӱш!
Корнынам тӹш ӹнжӓт мо шӹды руш -
Йынгы гач шанавӹл вӹдвӓрӓм кӓрӓ,
Кек-лыды шамнам тышман гӹц ытара...

Мӓ Кырык Сирӹштӹ ӹленнӓ, шачынна,
Йаратен вӓшлин мӹшкыр(н/т)еннӓ, каштынна,
Вольыкым кӹтеннӓ, киндӹм тӹредӹнна,
Алык мыч саленнӓ, кӓвӓнӹм ташкенна...
И гӹцӹн иш Пеледӹш айош погынен -
Мыреннӓ-куштеннӓ Сирнӓм согоньлынен

Малан ӹнет лӓк? Смартфонышты вел...!
Ирӹкжӹ ма ӹне – воксьок акат кел?

Руш кугижӓдӓ окса дон аздара -
Вескидӹм пуштеш, пыт вӹрӹм йоктара...
Вуйжырдеок ражта вуйвлӓдӓм йукшы -
Шаяжым колын цилӓн линдӓ йӱкшӹ...
...
Вырсы гӹц тольы йаратымы мырызыда -
Шим мешӓк кӧргӹштӹ - лач туп ӹрдыжӹ, дӓ -
Иктӹм аль коктым? Кокшӱдӹм? Манярым?
Шим мешӓк выча эче кырык марым...
...
…Вырсыжы шӓрлӓ - тӹржӓт акат кай...
- Колымада-кодымада! – сасла апай!
Йукшы лӱлӓлтеш – рашкалтышла вактеш...
Уршы Кырык Сирӹш мӓгӹрен лӓктеш -
...Акпарс!!!
Ош вуйан тьоти... Ак керд нимат...
Ак цӓрнӹ кӓрш семжӹ вел нигынамат...
Кӱсотыш кузен ниӓлтӹлеш шудым,
Анжыкта пак, ымбакрак - Йылымбак...
Симсӹ пӹлгомӹшкы нӱшмӹвлӓм ӱдӓ:
- Сары нырым вычыда! - мӓлӓннӓ шӱдӓ...
- Кечӹ ӹвӹртӓ сойток ирӹкрӓк!
- Руш кӹлӹм кычышда тӓ утларак...
- Жеп шоэш жеплӓш – мӹнгеш кӱслӓш...
- Йыл мыч тӓрвӓнӹдӓ коэм вешлӓш...
- Тангыж доц тангыжыш коэ тӓрвӓнӹжӹ...
- Кок вуйан вӓрӓш кокшӱдеш шӓлӓнӹжӹ...
- Мыштыда коэн иквӓреш — ынгай!
- Кӱсотыш кузен кӱӓнгдӓй – тӹнгдӓй!
- Кырык Сир туан
- Туан Кырык Сир
- Кырык Сир!
- Кырык Сир!!
- Кырык Сир!!!
.......
...
.