ТӒ

Пал Генай, Йынгы-Кушыргы

Анжем-анжем - омын вашт
Шӹрем шӓпнен акат кашт
Тӓ мӹндӹрнӹ ӹледӓ
Мӹндӹрц сыцым шӹредӓ
Ышма ражда пачылтеш
Качы мӱнлӓ качкылтеш

Тӹрӹнь-тӹрӹн каштыда
Мӧсквӓ шырым ташкедӓ
Кугижӓлӓн йӹредӓ
Йалдам куштен кӹрӹдӓ
Мӓгрен токы миэдӓ
Шӹгерлӓш кен киэдӓ

Эргӹ-мары выча со
Сыра кузен акат шо
Ӱлӹц Кӱшкӹ анжедӓ
Патыр лиӓш шанедӓ
Шӓрде пӹтӓ ӹлӹмӓш
Кӹлӹм нелеш келтӹмӓш

Марла арлен мӓгредӓ
Рушла мӧсквӓм шӓрледӓ...
Техень ӹнде толын жеп
Марла анзык акат кеп
Йал нер агыл - йал кавал
Анзыц шайык вел ташкал

Шӱэш цевер анзылвач
Кечӓлт кечӓ вочыгач
Кӱкшӹ Кӱштӹ йыхнан шӓр
Кузен шӹлӓш йажо вӓр?
Шӓрлӓ-агеш мӧсквӓн пӹц?
Кырык Сир мыч шӓрлӓ сыц?

Цевер кодок шачмы вӓр
Салымсола ит сыцанг
Йукде шакта уждым цанг...

ЙЫХНА - ЙЫХНЫ

Пал Генай, Йынгы-Кушыргы

Пӓлем седӹ - тӓмдӓн ирок
Тайаш кедӓ - санзал ширӹ
Вара йӱдӓ мӓгрен-саслен
Ӓрдӹм шидӓ - мӹньӹм вӓшлин
Седрӓш вӹрӹм - ышмаш шырым
Пӱм пыр тырын - пӱ лош пырен
Кугижӓ ӱжеш - кид-йалжы кужы
Оксажы шукы - шкетет ат шужы
Ти тылык вӓтӹ - кӹчӓлеш ӓтӹм
Шӹгерлӓш кеӓ - марылан нӓнгеӓ
Сӹнзӓде ужеш - корныжы кужы
Тӱшӓкжӹ ӱкшен - кагыльжы шукшан
Тагышкы кешӓш - ом вашт нӓнгешӓш
Тӓлӓндӓ нелӹц - мӹньлӓнем пелӹц
Кырык Сир велнӹ орланен шелмӹ
Пелештӓ шамна - шӓлӓнӓ шӓмнӓ
Руш манеш найух - мӹнь мӓмнӓм йыхна...
Эх! Йыхны-йыхна!
Цеверӹн код...
Цеверӹн код...

СУСЛЫК

Пал Генай, Йынгы-Кушыргы

Кӱэш мӧрет карем мыч
Ӹрдӓнг шалга цажвыч пыч
Йынгы сир мыч ӹнде шӹргӹ
Кышкы йамы вӓл Кушыргы
Ам уж тӹньӹм шонгы тӓнг
Ат ӱж мӹньӹм кошкыш йӓнг
Кого колет пыт сӹсӹргӹш
Ыныкаэт руш лош тӹргӹш
Мам вара ӹштет - пуштеш жеп
Кӱ лоц кеквлӓ акат кеп
Тырын-тӹрӹн вычен сӧрӹмӹм
Марла анжен ат уж корным
Кодын тодын шайыл лык
Мыльген шалгет уждым вӹк
Кӓндрӓ шӱэшет вӹдӹлтӹн
Анзылвачетжӹ ӹштӹлтӹн
Шавыр шоэн чимӹ вел
Ӹнде савыц акат кел
Тенге халык шамде киӓ
Шогерлӓшты йакшар чиӓ
Шун йӹрӓнвлӓ иктӹ гач
Шим мешӓк - амасам пач...

КӸЧӒЛӒМ КӰМ

Пал Генай, Йынгы-Кушыргы

Кӱм* дон кычен кӹлӹм

Марла шӱлен ӹлем

Токыдажы миэн

Тоцда мӓгрен шӹлӓм

Сыравачым шырен -

Руш лош марла пырем...

Амасада чӱчӹлтӹн

Марын рушла йӱкшӹлтӹн

Вырсыш кен руш верц

Пуштынат тӹшец

Ӹшкежӓт пуштмы киӓ

Шим мешӓкеш миӓ

Кырык марын эргӹ

Кӱлӓн ӓнят шергӹ...

Сӹнзӓш симсӹ чиӓ

Сӹнзӓвӹд мыч миӓ

Сар ныр вӹлвец ирӹк

Симсӹн куза ирок

Йамеш кошкен-керген

Шун лош вацшы эргӹ

Шӓржӹ йакшар вӹрӓн

Йакшар шунан йӹрӓн

Кечӹ нӱшмӹм таен

Млоец кӓпӹм ӓен

Вес и цӹрем шелеш

Сары дон симсӹ пелеш...

Шӱлӹ-шӱлӹ марла

Шишкӓ пӹсӹ сарла

Чӱчӹн сӹнзӓ вӹк

Сыравачетӹм лык

Ӹнде тӹлӓт ак кел

Куштылгемеш ашкыл

Кузет Кӱшкӹ** веле

Марла ӹлӓш нелӹ?

Рушла колаш куштылгы?

Кодеш Йынгы-Кушыргы

Тагышты мӹндӹрнӹ

Шӹргӹ лош шӹдӹрнӓ

Туан шӓмӓн йыхет

Келгӹн шӱлен тырхет...

Шӱлӹ-шӱлӹ Марла

Шӱлӹ Кырык марла

Акат мо руш сарла

Шӱлет гӹньӹ марла...

Цеверӹн код,

Цеверӹн код...

.......

Кӱм - Шанавӹл ӹдӹр

Кӱшкӹ - Шанавӹл кӱшкӹ

Нравится

Комментировать

Отправить