МЫКТЕШКӸ

 Пал Генай, Йынгы-Кушыргы

Ит йам мыктешкӹ, йӓ, ит йам мыктешкӹ -
малан кыдалат вескидӹш мылткен...
Ит валы рокышкы токет толмешкӹ -
шӹлток кудвичӹшкет имним вырткен...

Ит пушт йӓ тӓнгетӹм, тӓнгетӹм ит пушт -
шун йалан мӧскӓм ит колышт воксьок...
Кок вуйан вӓрӓшлӓн вуйетӹм ит пу -
пӹжӓшет шокшы гӹнь шӹнзок тӹшток

Ит шудал рушла, йӓ, рушла ит шудал -
Йыхнам чоте ойхыремдӓ руш вир...
Алыкыш лӓкок йӓ, ӹшток йӓ шудым -
пачылтшы тӹштӹ тӹлӓт Кырык Сир...

Ит шапы Йылна, йӓ, ит шапы Йылем -
ружгы, пӱӓвлӓм пыдырты йӓ, рушт...
Марла сарвалем йӓ, марла вет йылем -
шанем - ти йишлӓок шаныжы руш...

Шун йалан мӧскӓ пӹжӓшнӓм пыргедеш,
пирӹ кӹлӹмдӹнӓм пӹчкеш шамде,
халыкым лӱдӹктӓ - шӓпнӓ пышкедӹш...
Вуйдым ородывлӓ шӓрлӓт тӹрде...

Мам вара ӹштедӓ, мам йӓ ӹштедӓ -
вӹр дон шыр лошты мыредӓ-куштедӓ...
Орда кугижӓ ырвалеш ырважым -
шкӹмдӓмок тодыкта туан йых важым...