Анатолий Атюлов
Ӹнгӹжӓвлӓ дон шӹкедӹлТура сирвлӓм кок покаш,
Вӓрӹн-вӓрӹнжӹ тӹргештӹл,
Йорта ӓнгыр шӹргӹ вашт.
Темӹн керддӹмӹ вӹд пӧртем.
Ышмам кӓрен выча лач.
Ӹлӹшташвлӓ йӹржӹ пӧрдӹн,
Пыраш цацат церот гач.
Ӹшкеӓт мӹнь ӓнгӹр ганьы
Йонгыш, пак талашем со.
Ӹлӹмашын соты тангыж
Шыпшеш токыжы процок.
Шанымашвлӓ, лач шӹдӹрвлӓ,
Вуйвӧртемӹшкем, валгалт,
Вӹсен сӓрнен, партьын тӹргӓт,
Ирӹк уке пыйыртат.
Теве эртӓ ӹлӹмашем-
Шӹжгӓ шӹдӹр вала вел.
Тагышакен кӱшӓн цӓшем
Лакен коды вет эче.
Паштекшок шынгалты весӹ
Вуйвӧртемӹш сотырак.
Тӹдӹ мӹлӓм раш келесӹш:
"Цӓшет тӹньӹн палнырак.
Тӧр пӓшӓштӹ пӱжвӹдетшӹм
Ит жӓлӓйӹ, лӱдде ке.
Шонгенм пӹтетӓт, ышетшӹ
Йӓллӓн воксе акат кел".
Сӹлнӹ шамак, сотын йылен,
Толын пырыш трӱкӹшток.
Шӱмеш пиш яргата тылым
Чӱктӹш тӹдӹ выртышток.
( "Кӱшӹл кымдемӹн корны" книгӓ гӹц, 31 стр., Йошкар-Ола, 2016, Мары книга изд-во).
Ай-ай, махань лыдыш! Анатолий Атюлов пиш кердеш сирен.Салым сола музейӹш книгӓ презентацишкӹжӹ 2016 ин декабрь тӹлзӹн мӹнят миэнам ыльы. Сирӹмыжӹ чоте келшӓ.Ужыда вет, махань философи шӱлӹшӓн корнывлӓ.Эдемӹн ӹлӹмӓш корныжым ӓнгӹр йогымы корны гач анжыкта, тидӹ пиш яжо образ. А махань марла шамаквлӓм кычылтеш, лач марлавлӓмок! Тидӹн гӹц эче тыменяш келеш. Тӹнӓм мӓ шукын погыненнӓ ыльы, шукын яжо шамаквлӓм попевӹ, вара стӧл лоштат шынзӹшнӓ, пиш шотан тьотя, тӹдӹ шачынжы Ямангаш ылеш, школвлӓштӹ тымден, тӹнӓм Шурдӹнг гӹц, Ӓвӓсир гӹц толын ыльы.Тӹнӓмшен вот тӹдӹ гишӓн нимат ам пӓлӹ.
ОтветитьУдалить