Евгения Савельева, Цикмӓ
Лымжы лымеш, ош мыжӓр дон
мӱдӓ корным.
Окня вашт анжалеш сола -
Телжӹ толын.
Ӓнят, тӹдӹ выча тӓгум
Костенец дон?
Ӓнят, ылеш токет пуры,
Шӹдӓн - весӹ док?
Лым алтала, лым аздара
Лӓктӓш пӧрт гӹц.
Лым армарым тек айыра
Шукы логӹц.
Лым айыра сӓмырӹкӹм
Лым ӹдӹрлӓ,
Дӓ вазалеш тӹдӹн кидӹш
Соты пӹллӓ.
Яратымаш шачеш поран
ганьы шӱмеш.
Ытлаш ак ли, шанымашвлӓ
Вазыт вуйеш.
Ӹрвезӹ манеш: ти ӹдӹр дон
Линӓ тӓнгвлӓ:
Ылеш косир, ӧфи ганьы.
Но иӓнгдӓ
Ӱштӹ мардеж кидшӹ-ялжым
Йӓнгжӹ хӓлӓ.
Ломыж ганьы вала лымжы,
Корным ямда.
Кеӓт коктын лым ӹдӹр дон,
Поран ваштыр-
Паштек кешӹ. Уштӹ шыра
Вуйта вашток
Йӓнгӹм им дон. Тел цӹтӹртӓ,
Тел цӹвештӓ
Ӱштӹ кид дон. Кышты ӹнде
Тӹ эдемнӓ
Ши «шӹдӹр» дон? Корным моаш,
Мӹнгеш толаш
Шана пишок лым армары
Ӹнде соэш.
Цӱдӓ лыдыш! Пиш образно дӓ мастарын чанген кемӹ.Лым армары... Кыце ынгылаш тидӹм дӓ лиэш вӓл? Лым армары..."Яратымаш шачеш поран ганьы шӱмеш...", "...Ылеш цевер, ӧфи ганьы, Но иӓнгдӓ Ӱштӹ мардеж кидшӹм-ялжым Йӓнгжӹ хӓлӓ..." Яратымаш гишӓн теве попалте:"...Лымжы лымеш, ош мӹжар дон мӱдӓ корным...Эх, тӧрӧкок ынгылен шӹм керд, но авторын ӹшке логикыжы улы. Лым ӹдӹр поранла солашкы толын, кӹчӓлеш Лым ӹрвезӹм-армарым."...Дӓ вазалеш тӹдӹн кидӹш соты пӹллӓ..."
ОтветитьУдалитьМа когонок тиштӹ мӹньӹм ӧрӹктарӹш, автор ти яратымаш темым йӓл семӹнь шокшы доно агыл, ӱштӹ доно анжыктен. Дӓ, мане-йӓ:"...Ӱштӹ шыра Вуйта вашток Йӓнгӹм им дон. Тел цӹтыртӓ, Тел цӹвештӓ Ӱштӹ кид дон. Кышты ӹнде Тӹ эдемнӓ "Ши" шӹдӹр дон? Корным моаш, Мӹнгеш толаш Шана пишок лым армары Ӹнде соэш." Сюжет техеньӹ: лым ӹдӹр солаш толын, моэш лым ӹрвезӹм-армарым,нӹнҗӹ коктын вӓш лит. Тел цӹвешта ӱштӹ кид дон. Кышты ӹнде тӹ эдемнӓ Ши шӹдӹр дон? Эдемнӓ?.. Анзыцын нимахань эдем гишӓн попымы агыл ыльыш? Корным моаш, мӹнгеш толаш. Кышецӹн мӹнгеш толаш? Автор ӹшке лыдышыжым изи баллады манын, анзыл корнывлӓжӹ пиш кымылым кузыктат, а пӹтӓртӹш корнывлӓжӹм изиш сусуракым ӹштӓш ак ли ылын? Малын тӹ лым армарыжы ти лым ӹдӹр дорц мӹнгеш карангнежӹ? Тиштӹ авторын, лач ӹшке веле пӓлӹмӹ йозы шанымашвлӓжӹ улы. Манамыш, ти лыдыш - тышты лыдыш ылеш. Пакыла тидӹм когорак ямак семӹнят сирен шӹндӓш лиэш сӓй. Тау авторлан.
Валентин Афанасьев тишты* утла яжон а*клен пуэн. Яратымаш, манеш Савельева, райзы яратымаш у*шты* лин кердеш? И дон лым лошты махань яратымаш? Седы, анзыцок па*лы, нимат лин ак керд. Но, келесаш келеш, шамаквлажы* мамык гань пышкыдывла, яжовла*, Савельева кердеш сирен, но сюжет корныжы весы*м ы*фшташ ак кел ылын? Шамак толшеш, остаткаэш лым пы*рцык дон и маклака су*а*нышты са*рналт-са*рналт куштат.Вот яжо лыдыш лиэш ыльы. А тенге ынгылаш ясырак.
УдалитьШамаквлажэ пиш яжовла ылнежэ, но тамажы ак ситэ. Лачокат.Тидын дон авторын кымылжым нигыцеат ынем валты, эдемжат яжо ылеш да сиренат мышта, но тишты лачокат ынгылаш ак ли. Нимат агыл, тидэ циланок лиалтеш,изиш мычашыжым вашталтымыла векат.Пиш яжо стихотворени лиэш.
ОтветитьУдалить