Геннадий Замятин, Йӱрнӹ
Паштекет хӓрдӹм пивлӓ поктат,Вӹретӹм шижӹн, шамде оптат.
Тӹнь веле шушыргышы ылат,
Дӓ шушыредӹм, лицен, нылет.
Шынгалтат тӹньӹ лымжы вӹкӹ,
Пиш пӓлет, ат мо тӹнь ӹшӹкӹм,
Тек кодеш ӹлӓш вӓл маняры-
Ӹшкӹмӹм цӓрнӹде сотарет.
Тӹнь ат яраты викок цуцам,
Кыштакен йӹле, "кӓтӓм" ужыт,
Кыштакен, ат ли гӹньӹ ярал,
Цилӓн вӹкетшӹ вуйта арат.
Тӹнь - со ӹшкетӹн каштшы пирӹ,
Тӹлӓнет сек-сек шергӹ - ирӹк,
Лишӓшлык ылат йой дӓ патыр,
Дӓ сӹнгӓш келеш пивлӓн партьым.
Корнетшӹ веле иктӹ - анзык,
Ӹнжӹ попазы вел алтанзык
Дӓ тӹдӹ тервен трӱк цызлалташ,
Тӹнӓм тӹнь урмаш гач вӹсӓлтӓт.
Тӹ пивлӓм шайыланет коден,
Пиш ӱштӹ йыдым тӹлзӹ сотеш,
Трӱк урмыж колтет тӹнь, сӹнгӹшӹ...
Дӓ йӓнгӹш у гӹц толеш ӹшӹк.
Ого, эче у лыдыш! О, махань ӧрӹктарышӹ! Пивлӓ! Хӓрдӹм пивлӓ паштекет поктат! Вӹретӹм шижӹн, шамде оптат! Хӓрдӹм пивлӓ...Ой-ой, лачок хӓрдӹмӹвлӓок-ыш.Кышкеток шуат, тама доко!
ОтветитьУдалитьТеве, кыце сирен шӹндӹмӹ! Ну,Геннади, яжон дӓ образно пӹсӹн тиштӹ келесен пуэнӓт. Мане, ти пивлӓм шайыланет коды...Тенге... Тӹнь - со ӹшкетӹн каштшы пирӹ...Сӹнгӓш келеш пивлӓн партьым. Седӹ, пирӹ пивлӓ гӹц лӱдеш ма? Урмыж колтет тӹнь, сӹнгӹшӹ... Ух, ти лыдышым аллегори йӹлмы доно сирӹмӹ ылыныш. Пирӹ дӓ хӓрдӹмӹ пивлӓ...Кӱвлӓм вара тидӹ гач Геннади анжыктен? Хотя ӹшкетӹн каштшы пирӹжӹ, тидӹ пуры зверьжок вроде агыл, иктӓ-махань шарыкымат пӱктен шуэн кердеш.