Шергӓкӓн халык! Первиш тетя мадмашвлӓм ӓлмӓдӓ ӓшӹндӓрӓлнӓ. Ӹнянӓшӓт акли, 30-50 и перви кырык мары тетявлӓн ӹлӹмӓшӹштӹ кӹзӹтшӹ гӹц пиш айыртемӓлтӹн. Тагачы тетявлӓ компьютырышты ик парня доно мадын ӹлӓт, кӓпӹштӹ акат янгылы. Первиш тетявлӓжӹ каремвлӓ мыч ньоцок пӱжӓлтмеш, моч гӹц кемеш мадыныт. Мадмашвлӓ гач нӹнӹ кырык мары ӹлӹмӓш дон йӹлмӹм яжоракын ынгылаш тӹнгӓлӹнӹт. Шукы йиш мадышла мадыныт. Тӹ мондымы мадмашвлӓм тишӓк ӓшӹндӓрӓш дӓ постараш цаценӓ - тӓжӓт палшедӓ гӹнь, пиш кого тау!
Книгӓэтӹм пиш выченӓ! Ай-яй, кӹзӹтӓт соланавлӓ цӱдейӓт, маняр веремӓ ик юкат тӹнь гишӓнет шактыде и вот уж лу и кыце кайын колтенӓт дӓ ӹшке КЫРЫК МАРЫ ТЕТЯ МАДМАШВЛӒ блогет гач туан халыкет доно попаш тӹнгӓлӹнӓт. Дӓ тевеш эче рушла махань яжо ӓшӹндӓрӹмӓшвлӓм сиренӓт, кыдым когон ӹвӹртен дӓ шукым ынгылен эдемвлӓ лыдын лӓктӹн кердӹт.Тау!
ОтветитьУдалить