Чуваши. Крестьяне колхоза «КИМ». Жители деревни Малые Тюмерли (Кĕçĕн Тÿмерле ялĕ). Чувашская АССР. Снимок 1930-х годов. Фото Владислава Тетек.
Шергӓкӓн халык! Первиш тетя мадмашвлӓм ӓлмӓдӓ ӓшӹндӓрӓлнӓ. Ӹнянӓшӓт акли, 30-50 и перви кырык мары тетявлӓн ӹлӹмӓшӹштӹ кӹзӹтшӹ гӹц пиш айыртемӓлтӹн. Тагачы тетявлӓ компьютырышты ик парня доно мадын ӹлӓт, кӓпӹштӹ акат янгылы. Первиш тетявлӓжӹ каремвлӓ мыч ньоцок пӱжӓлтмеш, моч гӹц кемеш мадыныт. Мадмашвлӓ гач нӹнӹ кырык мары ӹлӹмӓш дон йӹлмӹм яжоракын ынгылаш тӹнгӓлӹнӹт. Шукы йиш мадышла мадыныт. Тӹ мондымы мадмашвлӓм тишӓк ӓшӹндӓрӓш дӓ постараш цаценӓ - тӓжӓт палшедӓ гӹнь, пиш кого тау!
Подписаться на:
Комментарии к сообщению (Atom)
Ти сусламары сола гишӓн пиш шукы ӓшӹндӓрӹмӓш улы.Имештӹ М-7 корны дон ӓкӓмӹн ӹдыржӹ док Нижний Новгородыш кемӹ годым, ти Тумерлӓ вуеш йори тормызым ташкальым Чоте пӓлӹмы вӓрвлӓ. Молнам тиштӹ изи столовый ыльы, кӹзӹт пиш йӧнӓн кафем ӹштен шӹнденӹт, кого корным кыдал эртӹшӹ шофырвлӓ со тишкӹ качкындалаш пырат.Мӓӓт, Кушыргывлӓ, маняры ӓштем, иктӓ варе мӹндӹрк кеӓш молы, ти корны вӹк со лактӹннӓ, 1972 ин апрельӹн, мӹньым моло тишец армиш кеӓш Ленинградыш ыжатевӹ (мам вара,Ленинград гӹц армиш нӓлӹнӹт). Вараат, Ленинградышты ӹлӹмем годым, Горький гӹц автобус доно Тумерлӓ якте со толам ыльы. Икӓнӓ ти сола кӓтӓ томаэш намалтышвлӓэм моло коденӓм.Тӹшты солана гӹц марлан толшы ӹдрамӓш-папи ӹлен, тӹдӹ Кудряшов Серапионын ӓкӓжӹ(ӓль шыжаржы?) ылын маныт доко.Нӹнӹ докы соок соланавлӓ амалашат пыренӹт, соланавла докы ти семня со пышкыды кымылан ылын.А ти гӓнӓ кафешкӹ пырымыкем, мӹнь ик ӹдӹраш доно йори попаш шагальым.Манам, тенге-тенге,мӓ тагынамшен со тиш пыренӓ ыльы дӓ солада вашт Кушыргышкы каштынна."Чармыш?"- манеш. "Ане"- манам,- "Кушыргы". "А-а, из Кушерги вон у той женщины -уборщицы бабушка вроде замуж сюда пришла.Знаем-знаем." Тенге келесӹш. Мане, ти вӓрвлӓ мӓлӓнна ӹшке туан варвлӓ ганьок линӹт. Шурышкат молнам шудӹ ӹшташ машинӓ дон Тумерлӓш лӓктынӓ ыльы дӓ вара Засурский -Трунски конзавод гач ӹшке алыкышкына валеннӓ.Курымвлӓ гач шукы кӹл мӓ лоштына лин. Тевеш ӹдӹрвлӓат шукын тыш марлан лӓктӹнӹт, седындон мары тыгырвлӓм чиӓт да мары (сусламарла) мырывлӓм мырат. Ти фотографиӓт техень ылмым раскыдын анжыкта.
ОтветитьУдалитьЭртӹш курым 70-шы ивлӓшток Йынгы-Кушыргы гӹц ПОШКЫРТ-ыш(Малое Карачкино, Ядринского района, Чувашской республики) 7 ӹдӹр марлан кенӹт. Игнатьев Любикӓн ӹдыржӹ, Власов Лёван кок ӹдӹр(Тамара дон Рая), Купри Йоргин Евлашыжы, Софроньын (Сергеева Кира), Мату Елисӹн Галяжы дӓ эче иктӹжӹм монденӓм. Молнамат солана гӹц ӹдырвлӓм пашкуды сосламарывлӓ со токышты нӓнгенӹт. Теве изиэм годым Спри-Лык Харетин сӱӓнжӹм ӓшӹндӓрем, телӹм шукы имнитирвлӓ доно нӓлӓш толыныт ыльы. Так что тӹштӹ почти цилӓ ӹдрамашвлӓ мӓ дорцна марынвлӓ ылыт.
УдалитьСедындон вет суасла - марывла маныт. Марывла, суасланг кешымарывла.
УдалитьИгнатьев Любикӓн ӹдӹржӹн лӹмжӹ Сима, а эче Шкляр Зефира вет суасламарылан кеен, но тӹдӹ Новыочебоксарск хала сага солашты ӹлӓ.Чебоксарыштыт ӹдӹрвлӓ чӹдӹн агыл суас лин коллтенӹт, вет кырык мары солавлӓ дорц Чебоксар якте 40-50-70 км веле, пиш лмшӹл.
УдалитьШке сола рвезывлӓлӓн ярал лителыт- 2 сорт, а суасвлӓлӓн техеньвлӓок цеверлӓ кайыныт виднӹ. Кӱн онг изи, кӱ какляка ялан. Яратенӹт.
УдалитьТӹнь шке какляка ялан ылат!
УдалитьЭче Короткова Зина Пошкыртыш кеен (тӹдӹ вет соц. труда Миронова Еленан дӓ Коротков Йогорын анжаш пыртымы ӹдыржӹ), а Игнатьев Любикӓн(Ювеналий) ӹдӹржӹ Сима агыл - лӹмжӹ Зоя. Сергеева Кира Пошкыртыш агыл, тӹдӹн марыжы Чебоксар район гӹц ылын( кӹзӹт колен). Ти ӹдӹрвлӓ йӓл гӹц худа ылделыт, такеш шаям попедӓ.
Удалить