среда, 16 сентября 2020 г.
ОНДРИН ВАЛЬКА - "ЧАРЛИ"
Теве
тиштӹ Ондрин Валькан "ЧАРЛИ" лӹмӓн книгӓм лыдаш лиэш.
Аннотаци гӹц: "Чарли" - авторын нӹлӹмшӹ книгӓжӹ.
Тиштӹшӹ произведенивлӓ 1991 — 1996 ивлӓн «Йӓмдӹ ли» газетеш пецӓтлӓлтӹнӹт.
Тидӹ изи тетявлӓлӓн, школыш каштшы тыменьшӹвлӓлӓн лыдашышты.
Масакла сирӹмӹ, тидӹм лыдмыкы, йӹрӓлтен колтет дӓ кымылетӓт куза лиэш."...
Подписаться на:
Комментарии к сообщению (Atom)
Ӧрӓт вел... Техень книгӓвлӓжым кӹзӹт акат лыкеп шаненӓм, анжок вара, махань интересны лыдаш.Ужтелам. Изи годшым ӓшӹндарен колтет. Пиш куштылгын Ондрин Валькаэт сирӓ. Тидӹ пиш тамахань ӧрӹктарӹшы автор, шеклӓнӹде ӹшкӹмжӹм марла лӹмден, со мары йӹлмӹм ӹнежӹ лапемдӹ, лӱддеок со марывлӓ верц шалга. Лыдым-лыдым ти книгӓжӹм, ну и хулиган ылын изижӹ годым, ӓль тенгелӓ чучеш веле? А чучеш веле гӹнь, автор пиш мастарын тидӹм сирен, тенге тидӹн гишӓн шанен колтенӓ гӹнь.Иктӓ 6-8 классыш каштшы ӹрвезӹ-ӹдӹрвлӓлӓн лыдаш пиш яра.
ОтветитьУдалитьЛюба! Цилӓлан лыдаш яра. Шоэн ӹнде сирӓт. Марын ылына? Марын ылына гӹнь, ӓлдӓ марла лыдына.
УдалитьЛюба, а малын марын ылмына гӹцшӹ шеклӓнӹмӹлӓ?
УдалитьМарын ылмыдажы малан яра вӓл? Кӹзӹт окса цила вӓре вуй. Марын ылмыланда иктӓт оксам ак пуэп. А оксаэт уке- ӹлымӓшдӓ уке. Вот и тумаялда.
УдалитьМӹнь марын ылмыланем нимахань оксам ам кӹчӹ, иктӹн гӹцӓт ам кӹчӹ. Марынвлӓжӹ ӹшкеок вет оксам ӹштен кердӹт. Теве фермервлӓм моло примереш нӓлдӓ. А сирӹшывлӓ? Мане, книгӓм моло лыкташ нимахань йӧн уке, пиш нелӹ маныт. Хӹ-ӹ! Конешно, куштылгы агыл!Кышты кӹзӹт куштылгыжы? Нимат иктӹланат йӓрӓ ак тол. Ти пӓшӓм шукынок ӹштен ак кердтеп седӹ. Окса лимӹк, худа агыл конешнӹ, но оксаштат вет делажы агыл...Эдем качмы дӓ чимы доно веле вет ак ӹлӹ, тӹдӹ цеверӹмӓт шижнежӹ-яратынежӹ дӓ ӹшке сусужым йӓллӓнӓт келесен пунежӹ. Тенге, Ирина...
УдалитьАвтор гӹц яднем, малын "Чарли" манын, книгӓжӹм лӹмден? Марла лӹмдӓш ак ли ылын ма, шамак толшеш- "Тыпка"?
УдалитьНиколай Иваныч, малын "Чарли" манын лӹмденӓм? 4-шӹ класс гӹц тӹнгӓлӹн, солана рвезӹвлӓ мӹньӹм со "Чарли" манын мыскылат ыльы дӓ вара 5-6 класс Йоласал школыш каштмы годымемӓт даже вес сола рвезӹвлӓ эче тенге сӹгӹрӓл-сӹгӹрӓл колтат ыльы, пиш ясын йӓнгем карштен дӓ келгӹн тидӹ шамышкем пырен ... и вот книгӓмӓт тенге лӹмденӓм. Лӹмжӹ Чарли Чаплин гишӓн кином анжымы паштек вет шачын, вет мам шайыштмашышты сиренӓм, тидӹ лачокат ылын. А Тыпка? Ма Тыпка? Кынзалам шӹдӹрӓш?Тидӹ ӹрвезӹвлӓлӓн агыл, тидӹ ӹдӹрӓш темы.
УдалитьЭх-хе-хе, марынвлӓ-марынвлӓ, кышкевен якте шонна? Малын техень ядмашвлӓм пуэдӓ? Тьфу-у!
УдалитьЛачокат вет, кыды марынжы марынат агыл вуйта...Э-э! Вӹретшӹм(ДНК-этшӹм) вет вашталтен ат керд, сойток марынок ылат. Марын ылмы гӹцет шеклӓнет? Ой-ой-ой... Тидӹ ма? Махань цер? Манярын техеньвлӓжӹ ылыда? Яжо тури лошты- шӱшӹ туривлӓ цилӓ арам локтылыт...Анзыцок айырен нӓлаш келеш ылын тӓмдӓм дӓ каремӹш шуэн колташ!
Удалить"Чарли" книгӓштӹшӹ "Тыпка" ямакшым тене (2020) ин ЗВОНКАЯ РЕЧКА антологиштӹ "Клубочек" лӹм доно рушла пецӓтлӹмы. Пиш яжо ямак.
УдалитьМарын эдемвлӓ шукердшен Москва, Ярославль, Кострома,Пермь, Владимир, Нижегородский, Кировский, Чуваши, Татари, Башкири млӓндӹвлӓштӹ ӹленӹт. Пиш т ошты халык. Шукынжы рушыш сӓрнӓлтӹнӹт. Молнам чот патыр дӓ пысӹ эдемвлӓ ылыныт. Когоэшнӓш келеш дӓ ӹшкӹмым шеклӓнӹдеок кычаш!
УдалитьТатариштӹ суас-тадар линӹт, Чувашиштӹ суасла- мары линӹт, эче Пермь, Свердловск марывлӓ, Свердловск мары дон иквареш армиштӹ служеннӓ, тӹды яжо сапожник ыльы, мӹлӓм пиш яжо ботинкым ӹштен пуш.Кӹзӹтӓт ам монды, вет марын марыным хоть-кыштат вурчен пуа.
Удалить