Ондрин Валька, йынгы-Кушыргы
Шӹре - шоэ,
Мадеш коэ.
Мадеш вӹд покшалныла.
Кечӹ олен,
Шокшым поген,
Вала ӱлӹк палныла.
Кечӹ олен,
Шокшым поген,
Вала вӹд пындашышкы.
Якшарикӓн,
Пиш кужикӓн,
Шыпшылт кеш пындашыжы.
Якшарикӓн,
Пиш кужикӓн,
Йӹлгӹжӓлтеш вӹдӹштӹ.
Анжен сылык,
Вуйта тылык,
Шалгем мӹнь вӹд тӹрӹштӹ.
Анжен сылык,
Вуйта тылык,
Ӓшӹндӓрен сотыжым.
Пиш переген,
Кычен шергӹн,
Мӹлӓм пумы шокшыжым.
Кечӹ, кечӹ -
Сотыгечӹ
Малын пӹтет выртышты?
Ох, шеклӓнем,
Пӹц мӹлӓнем
Йыдын шим йӹвӹртӹштӹ.
Ох, шеклӓнем,
Пӹц мӹлӓнем
Вӹдӹн тура сирӹштӹ.
Лиэш-агеш
Угӹц шалгаш
Тиштӹ иргод ирӹштӹ?
...Шӹре-шоэ
Мадеш коэ,
Мадеш вӹд покшалныла.
Кечӹ олен,
Шокшым поген,
Вала ӱлӹк палныла.
Жеп шылдыран,
Жеп мындыра,
Тӹдӹм кердеш кӱ кычен?
Ам ли сылык,
Ам ли тылык,
Лиэш жерӓ угӹцӹн!
Ак пӹтӹ, ак пӹтӹ кечӹн шокшыжы, лачокат мӹнгеш толеш. Вуйым сӓкӓш ак кел, ӹнянӓш келеш. Иргод кечӹлан, яжолан ӹнянӓш келеш. Тиштӹ автор пиш раскыдын келесен.Вет лин кердеш кынамжы техень мӓгӓл, эдем лоэштӓлт кеӓ, эдемлӓн трӱк цилӓ пӹц лин колта, ӹлӹмӹжӓт ак шо, дӓ теве Ондрин Валькаэт ынгылдара: тиштӹ кымылдам идӓ валты, манеш. Пӹцкӓкӓтавлӓ эртӓт, вара эчеӓт ирок жерӓэт лӓктеш!
ОтветитьУдалитьМане-мане, тенгелӓн: ӹлӹмӓшӹштӹ тамаат лиӓлтеш, эдем мытыкыш пырен шагал кердеш дӓ кынамжы тура сир гӹцӓт тӹргештӹнежӹ. Ак кел тидӹм ӹштӓш. Иргод кечӹлан, яжолан ӹнянӹмӹлӓ. Автор тиштӹ пиш когон тӧр сирӓ. Молодец, Валькы!
УдалитьПиш ӧрӹктӓрӹшӹ комментаривлӓ...Кынам мӹнь ти лыдышым сиренӓм, воксеок тенге шаныделам. Такшым, ти корнывлам мӹнь "Жерӓ" газет шачмы лӹмеш сиренӓм ыльы(кынам рушла "Ленин корны" газетӹм чӱчӹнӹт дӓ лач марла "Жерӓ"газетым веле лыкташ тӹнгалынӹт). Ане-йӓ, кӱ кыце лыдеш, кӱ кыце ужеш, цилӓ эдемвлӓ вет ӹшке семӹнь ылыт, ӹшкежӹлӓ шанат. Но виднӹ тӹнг ышыжы тиштӹ лачокат яммы урмаш гӹц пепрегалтӓш ӱжеш, тенгеӓт ынгылпаш лиэш векӓт.
ОтветитьУдалить